Breaking News: ઈરાન ધણધણી ઉઠ્યું ! અલ્બોર્ઝમાં એરસ્ટ્રાઈકથી 18ના મોત, તેહરાનમાં હથિયાર ડેપો તબાહ

ઈરાનના સરકારી મીડિયાએ મંગળવારે જણાવ્યું હતું કે, તેહરાનની ઉત્તર-પશ્ચિમમાં આવેલા ઈરાનના અલ્બોર્ઝ પ્રાંતને નિશાન બનાવીને કરવામાં આવેલા હવાઈ હુમલામાં ઓછામાં ઓછા 18 લોકોના મોત થયા છે. ‘મીઝાન’ સમાચાર એજન્સીના અહેવાલ અનુસાર, આ હુમલામાં બીજા 24 લોકો ઘાયલ પણ થયા છે. રાજધાની તેહરાન પર જોરદાર હવાઈ હુમલા કરવામાં આવ્યા છે, જેમાં પહાડોમાં આવેલો એક સંભવિત હથિયાર ડેપો અને રહેણાંક વિસ્તારોનો પણ સમાવેશ થાય છે.

ઈરાનના લોકોને આપવામાં આવી ચેતવણી

અમેરિકા-ઈઝરાયેલ અને ઈરાન વચ્ચેનું યુદ્ધ ભયાનક સ્વરૂપ લઈ શકે છે. યુદ્ધની વચ્ચે ઈઝરાયેલની સેનાએ ફારસી ભાષામાં ઈરાની નાગરિકોને ટ્રેનમાં મુસાફરી ન કરવાની ચેતવણી આપી છે. સંદેશમાં ઈઝરાયેલી સેનાએ ઈરાનીઓને કહ્યું છે કે, ટ્રેનોમાં અથવા રેલવે ટ્રેક પાસે તેમની હાજરી તેમના જીવને જોખમમાં મૂકી શકે છે.

ઈઝરાયેલી સેનાએ શું કહ્યું?

ઈઝરાયેલી સેનાએ તેના ફારસી ભાષાના એક્સ (X) એકાઉન્ટ પર લખ્યું છે કે, “તમારી સુરક્ષા માટે, અમે તમને વિનંતી કરીએ છીએ કે, અત્યારથી લઈને ઈરાનના સમય મુજબ રાત્રે 9:00 વાગ્યા સુધી, સમગ્ર દેશમાં ટ્રેનોનો ઉપયોગ કરવાનું અથવા ટ્રેન દ્વારા મુસાફરી કરવાનું ટાળો.”

‼️ هشدار فوری به استفاده‌کنندگان و مسافران قطارها در کشور ایران.

⭕️ شهروندان گرامی، به منظور امنیت شما، خواهشمندیم از این لحظه تا ساعت ۲۱:۰۰ به وقت ایران، از استفاده و سفر با قطار در سراسر ایران خودداری نمایید.

⭕️ حضور شما در قطارها و در مجاورت خطوط راه‌آهن جانتان را به خطر می… pic.twitter.com/Fm3BAAEFra

— ارتش دفاعی اسرائیل | IDF Farsi (@IDFFarsi) April 7, 2026

ઈરાનમાં ઈન્ટરનેટ બંધ

સમગ્ર ઈરાનમાં અઠવાડિયાઓથી ઈન્ટરનેટ સેવા સંપૂર્ણપણે બંધ છે. ઈન્ટરનેટ બંધ હોવાને કારણે સામાન્ય લોકો માટે આવી મહત્વપૂર્ણ ચેતવણીઓ સુધી પહોંચવું મુશ્કેલ બની ગયું છે. જો કે, ઈરાનની બહારથી ચાલતા ફારસી ભાષાના સેટેલાઇટ નેટવર્ક્સ આવા અહેવાલો પ્રસારિત કરી રહ્યા છે, જેના કારણે આ માહિતી ઈસ્લામિક સ્ટેટની અંદર સુધી પહોંચી રહી છે.

ઈરાન પર હુમલાનું જોખમ વધ્યું

અમેરિકી રાષ્ટ્રપતિ ડોનાલ્ડ ટ્રમ્પ દ્વારા સમજૂતી માટે આપવામાં આવેલું અલ્ટીમેટમ પણ નજીક આવી રહ્યું છે. આવી સ્થિતિમાં ઈરાન સામે હુમલાનું જોખમ વધી ગયું છે. ઈરાનમાં હવે પાવર પ્લાન્ટ, પુલ અને રેલવેને પણ નિશાન બનાવવામાં આવી શકે છે.

આ ડાયરીથી કેમ ફફડી રહ્યું છે ‘ચીન’? ડ્રેગન શા માટે ઈચ્છે છે કે, આ દસ્તાવેજ દુનિયા સામે ક્યારેય ન આવે?