S Jaishankar Israel Visit: વિદેશપ્રધાન એસ.જયશંકરે ઈઝરાયેલના રાષ્ટ્રપતિ અને વડાપ્રધાન સાથે કરી મુલાકાત, દ્વિપક્ષીય સંબંધો પર થઈ ચર્ચા
જયશંકર 5 દિવસના ઈઝરાયેલ પ્રવાસ પર છે. વિદેશ મંત્રી તરીકે આ તેમની પ્રથમ ઈઝરાયેલ યાત્રા છે. તે ઈઝરાયેલના વિદેશ મંત્રી યાયર લેપિડના નિમંત્રણ પર આવ્યા છે. આ બેઠક ઈઝરાયેલના રાષ્ટ્રપતિના સત્તાવાર નિવાસસ્થાન બેઈટ હનાસીમાં થઈ હતી.
Foreign Minister S Jaishankar in Israel: વિદેશ મંત્રી એસ.જયશંકરે બુધવારે ઈઝરાયલના રાષ્ટ્રપતિ ઈસાક હર્જોગ (Isaac Herzog) અને વડાપ્રધાન નફ્તાલી બેનેટ (Naftali Bennett) સાથે મુલાકાત કરી છે. આ દરમિયાન દ્વિપક્ષીય સંબંધોને વધુ મજબુત બનાવવા સહિત વૈશ્વિક મુદ્દાઓ પર ચર્ચા કરવામાં આવી.
જયશંકર 5 દિવસના ઈઝરાયેલ પ્રવાસ પર છે. વિદેશ મંત્રી તરીકે આ તેમની પ્રથમ ઈઝરાયેલ યાત્રા છે. તે ઈઝરાયેલના વિદેશ મંત્રી યાયર લેપિડના નિમંત્રણ પર આવ્યા છે. આ બેઠક ઈઝરાયેલના રાષ્ટ્રપતિના સત્તાવાર નિવાસસ્થાન બેઈટ હનાસીમાં થઈ હતી. રાષ્ટ્રપતિ કાર્યાલય દ્વારા જાહેર કરાયેલા નિવેદન અનુસાર રાષ્ટ્રપતિ હર્જોગે ઈઝરાયેલની સાથે સંબંધોને મજબુત કરવા વડાપ્રધાન નરેન્દ્ર મોદી, વિદેશ મંત્રી જયશંકર અને બીજા મંત્રીઓની પ્રતિબદ્ધતા માટે ધન્યવાદ આપ્યા.
રાજદ્વારી કાર્યકારી બેઠક દરમિયાન હર્ઝોગે વિવિધ ક્ષેત્રોમાં આગળ વધતા ઈઝરાયેલ-ભારત સંબંધોની સરાહના કરી. આવતા વર્ષે ભારત અને ઈઝરાયલ વચ્ચે રાજદ્વારી સંબંધોની સ્થાપનાની 30મી વર્ષગાંઠ પહેલા રાષ્ટ્રપતિ હર્ઝોગે આ મહત્વપૂર્ણ સંબંધને વધુ ગાઢ અને મજબૂત બનાવવા સહકાર આપવાના તેમના વ્યક્તિગત હેતુ પર ભાર મૂક્યો હતો.
મુલાકાતને ગણાવી મોટી સન્માનની વાત
રાષ્ટ્રપતિ હર્જોગ અને જયશંકરે વૈશ્વિક મુદ્દાઓ પર ચર્ચા કરી છે. જયશંકરે કહ્યું કે રાષ્ટ્રપતિ હર્જોગ સાથે તેમની મુલાકાત મોટા સન્માનની વાત છે. વિદેશ મંત્રી જયશંકરે બેઈટ હનાસીમાં વિઝિટર બુકમાં લખ્યું, “જેમ જેમ અમે અમારા સંબંધોની પ્રગતિની 30મી વર્ષગાંઠની નજીક આવી રહ્યા છીએ તેમ તેમ હું ભારતના લોકો અને સરકારને શુભેચ્છાઓ આપું છું.” મંગળવારે વિદેશ મંત્રી જયશંકરે લખ્યું. ઈઝરાયેલી સંસદના સ્પીકર નેસેટ મિકી લેવીને પણ મળ્યા હતા.
Thank Prime Minister @naftalibennett for receiving me today. Conveyed the greetings of PM @narendramodi.
A warm and rich discussion on realizing the full potential of our strategic partnership. PM Bennett’s purposeful and focused approach to it was deeply encouraging. pic.twitter.com/5Hz0mT42z9
— Dr. S. Jaishankar (@DrSJaishankar) October 20, 2021
સ્પીકર માઈકે લેવી સાથેને પણ મળ્યા જયશંકર
જયશંકરે ટ્વીટ કર્યુ ઈઝરાયેલ સંસદના સ્પીકર નેસેટ મિકી લેવી સાથે આજે સવારે મુલાકાત કરી. તેમને કહ્યું હતું વિદેશ મામલે અને રક્ષા સમિતિના અધ્યક્ષ રામ બેન બરાક સાથે ઘણી ચર્ચા કરી. વિદેશ મંત્રીએ કહ્યું કે તે ભારતની સાથે સંબંધોને નેસેટમાં વ્યાપક સમર્થનની સરાહના કરે છે. તેમને આધુનિક પશુધન વ્યવસ્થાપન ટેકનોલોજી જોવા માટે કિબુટ્ઝ બેરુત યિત્ઝાકની પણ મુલાકાત લીધી હતી.
