Dublin News: હવામાન વિભાગે 14 ડીગ્રીના ઘટાડા સાથે અત્યાર સુધીની સૌથી ઠંડી રાત્રિ રહેવાની કરી આગાહી
આજની રાત શુષ્ક અને સ્વચ્છ રહેશે. જોકે ઝાકળ અને ધુમ્મસ રહેશે. ઠંડી રાત રહેશે અને તાપમાન 1 થી 6 ડિગ્રી વચ્ચે રહેશે. આવતીકાલે સૂર્યપ્રકાશ સાથે મોટાભાગે શુષ્ક શરૂઆત થશે પરંતુ ત્યારબાદ ભેજ વાળા પવન ફૂંકાશે. મહત્તમ તાપમાન 16 અથવા 17 ડિગ્રીની આસપાસ રહેશે.
મેટ એરિઆને (Met Eireann) સપ્ટેમ્બરમાં અત્યાર સુધીની સૌથી ઠંડી રાત્રિની આગાહી કરી છે. સાથે જ કહ્યુ છે કે, હવે ગરમીની સિઝનનો અંત આવવાનો સમય આવી ગયો છે. ડબલિનમાં (Dublin) આજે લોકોને તીવ્ર ઠંડીનો સામનો કરવો પડશે કારણ કે આજે રાત્રે તાપમાન 14 ડિગ્રી ઘટીને માત્ર 1 ડિગ્રીના નીચા સ્તરે પહોંચી જશે. હવામાન વિભાગના જણાવ્યા અનુસાર આજે રાત્રે ઠંડી રહેશે, પરંતુ આગામી થોડા દિવસોમાં તાપમાન સામાન્ય સ્થિતિમાં આવી જશે.
બપોર બાદ વરસાદ ધીમે ધીમે વધી શકે
રાષ્ટ્રીય હવામાન આગાહીકારે ચેતવણી આપી હતી કે, મોબાઇલ એટલાન્ટિક શાસનને કારણે આયર્લેન્ડ અસ્થિર હવામાનથી પ્રભાવિત થશે. આજની શરૂઆત સૂર્યપ્રકાશ અને હળવા વરસાદ સાથે થશે. જો કે બપોર બાદ વરસાદ ધીમે ધીમે વધી શકે છે. સમગ્ર દિવસ દરમિયાન ઝડપી ઉત્તર પશ્ચિમ પવનો હળવા થશે. ઉચ્ચ તાપમાન 14 અથવા 15 ડિગ્રીની આસપાસ રહેશે.
તાપમાન 1 થી 6 ડિગ્રી વચ્ચે રહેશે
આજની રાત શુષ્ક અને સ્વચ્છ રહેશે. જોકે થોડો ઝાકળ અને ધુમ્મસ રહેશે. ઠંડી રાત રહેશે અને તાપમાન 1 થી 6 ડિગ્રી વચ્ચે રહેશે. આવતીકાલે સૂર્યપ્રકાશ સાથે મોટાભાગે શુષ્ક શરૂઆત થશે પરંતુ ત્યારબાદ ભેજ વાળા પવન ફૂંકાશે. મહત્તમ તાપમાન 16 અથવા 17 ડિગ્રીની આસપાસ રહેશે. ડબલિન માટે કોઈ વધુ આગાહી નથી, પરંતુ મેટ એરિઆનના જણાવ્યા મૂજબ આ પ્રકારનું વાતાવરણ રહેશે.
શનિવારની રાત્રિનું હવામાન
હવામાન વિભાગના જણાવ્યા અનુસાર, ખાસ કરીને દક્ષિણમાં વરસાદની સંભાવના રહેશે. લઘુત્તમ તાપમાન 11 થી 14 ડિગ્રીની વચ્ચે રહેશે. દક્ષિણના પવનોની ગતી વધારે રહેશે.
રવિવારે આવું રહેશે તાપમાન
છૂટા છવાયા વરસાદમાં વધારો થઈ શકે છે. કેટલાક વિસ્તારોમાં વરસાદના કારણે પાણી ભરાઈ શકે છે. 17 થી 19 ડિગ્રીની સાથે દક્ષિણ તરફના ઝડપી પવનો પણ રહેશે. રાત્રે હવામાન શુષ્ક બની જશે, જો કે બાદમાં થોડો વરસાદ પડી શકે છે.
સોમવારનું તાપમાન
મેટ એરિઆનના જણાવ્યા મૂજબ સોમવારે થોડો સૂર્ય પ્રકાશ રહેશે, પરંતુ વરસાદની પણ શક્યતા છે. ઝડપી દક્ષિણ પશ્ચિમ પવનો ફૂંકાશે અને તાપમાન 16 થી 19 ડિગ્રી રહેશે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
