Breaking News : પાકિસ્તાની સેનાએ અફઘાનિસ્તાનના અનેક વિસ્તારોમાં કર્યો હુમલો, બાળકો અને મહિલાઓને નિશાન બનાવ્યા
પાકિસ્તાન અને અફઘાનિસ્તાન વચ્ચેનો તણાવ ફરી એકવાર વધ્યો છે. સૂત્રોના જણાવ્યા મુજબ પાકિસ્તાની સેનાએ અફઘાનિસ્તાનના અનેક વિસ્તારોમાં હવાઈ હુમલા કર્યા છે. આ હુમલાઓમાં રાજધાની કાબુલ સહિત કંદહાર, પક્તિયા અને પક્તિકા જેવા શહેરોને નિશાન બનાવવામાં આવ્યા હોવાનું જણાવવામાં આવી રહ્યું છે.
પાકિસ્તાન અને અફઘાનિસ્તાન વચ્ચેનો તણાવ ફરી એકવાર વધ્યો છે. સૂત્રોના જણાવ્યા મુજબ પાકિસ્તાની સેનાએ અફઘાનિસ્તાનના અનેક વિસ્તારોમાં હવાઈ હુમલા કર્યા છે. આ હુમલાઓમાં રાજધાની કાબુલ સહિત કંદહાર, પક્તિયા અને પક્તિકા જેવા શહેરોને નિશાન બનાવવામાં આવ્યા હોવાનું જણાવવામાં આવી રહ્યું છે.
અનેક બાળકો, મહિલાના મોતના સમાચાર
અહેવાલો મુજબ કેટલાક વિસ્તારોમાં રહેણાંક વિસ્તારો પર પણ બોમ્બમારો કરવામાં આવ્યો છે, જેના કારણે નાગરિકોને ભારે નુકસાન થયું છે. કેટલાક સ્થળોએ મહિલાઓ અને બાળકોના મોત થયાની માહિતી પણ સામે આવી રહી છે, જેના કારણે માનવતાવાદી ચિંતાઓ વધુ ઊભી થઈ છે.
એર કંપનીના ઇંધણ ડેપોને પણ નિશાન બનાવવામાં આવ્યું
માહિતી મુજબ કંદહાર એરપોર્ટ નજીક આવેલા કામ એર કંપનીના ઇંધણ ડેપોને પણ નિશાન બનાવવામાં આવ્યું હતું. આ ડેપો નાગરિક વિમાનો અને સંયુક્ત રાષ્ટ્રના વિમાનોને ઇંધણ પૂરું પાડે છે. આવી કામગીરીથી પ્રદેશમાં તણાવ વધુ વધવાની શક્યતા વ્યક્ત કરવામાં આવી રહી છે. નિષ્ણાતોનું માનવું છે કે સતત વધતા હુમલાઓના કારણે નાગરિક સુરક્ષા અને સ્થિરતા પર ગંભીર અસર પડી શકે છે.
ગયા અઠવાડિયે પણ પાકિસ્તાને અફઘાનિસ્તાનમાં કાર્યવાહી કરી હતી. આતંકવાદી પ્રવૃત્તિઓને રોકવામાં નિષ્ફળતા માટે પાકિસ્તાન દ્વારા તાલિબાન શાસન સામે કડક પગલાં લેવામાં આવ્યા હોવાનું કહેવામાં આવે છે. આ દરમિયાન બગ્રામ એરફોર્સ બેઝને પણ નિશાન બનાવવામાં આવ્યો હતો.
તાજેતરના મહિનાઓમાં બંને દેશો વચ્ચે સરહદ પર અથડામણો વધી રહી છે. ઓક્ટોબરમાં થયેલા હુમલાના જવાબમાં અફઘાનિસ્તાને પાકિસ્તાન સાથેની લગભગ 2,611 કિલોમીટર લાંબી સરહદ પર અનેક સ્થળોએ લશ્કરી કાર્યવાહી કરી હતી. તેના જવાબમાં પાકિસ્તાને 26 ફેબ્રુઆરીએ “ઓપરેશન ગઝબ-લીલ-હક” નામનું સૈન્ય અભિયાન શરૂ કર્યું હતું.
પાકિસ્તાનના માહિતી અને પ્રસારણ મંત્રી અત્તાઉલ્લાહ તરારના જણાવ્યા મુજબ આ કાર્યવાહી દરમિયાન સૈન્ય દળોએ સૈંકડો તાલિબાન લડવૈયાઓને માર્યા હોવાનો દાવો કર્યો છે, જ્યારે ઘણા ઘાયલ થયા છે. સાથે જ અનેક ચોકીઓ અને સૈન્ય સાધનોને પણ નષ્ટ કરવામાં આવ્યા હોવાનું જણાવવામાં આવ્યું છે. આ સમગ્ર પરિસ્થિતિને કારણે વિસ્તારમાં અસ્થિરતા અને તણાવ વધુ ઊંડો બન્યો છે.
આ પણ વાંચો-Breaking News : LPG Gas Cylinderનું ફોનથી બૂકિંગ નથી થઈ રહ્યું? આ ટ્રિકથી મિનિટોમાં બૂક થઇ જશે
