Olive oil massage: બાળકને ઓલિવ ઓઈલથી માલિશ કરો, આ ફાયદા જોઇ શકશો

મોટાભાગની માતાઓ બજારમાં મળતા તેલથી બાળકને માલિશ કરાવે છે, પરંતુ આજે પણ ઘણા ઘરોમાં દેશી રીતે બાળકની માલિશ કરવામાં આવે છે. આ દેશી પદ્ધતિઓમાં ઓલિવ ઓઈલનો પણ સમાવેશ થાય છે. અમે તમને બાળક માટે તેનાથી થતા ફાયદા વિશે જણાવવા જઈ રહ્યા છીએ.

Olive oil massage: બાળકને ઓલિવ ઓઈલથી માલિશ કરો, આ ફાયદા જોઇ શકશો
Olive oil is best for baby massage
TV9 GUJARATI

| Edited By: Tanvi Soni

Mar 16, 2022 | 3:30 PM

પહેલાના સમયમાં નવજાત અથવા નાના બાળકને માલિશ ( massage of baby ) કરવું ખૂબ જ સારું માનવામાં આવે છે. એવું કહેવાય છે કે તેનાથી બાળકનો શારીરિક અને માનસિક વિકાસ થાય છે અને તેથી જ ભારતમાં લાંબા સમયથી માલિશની પરંપરા ચાલી રહી છે. ઘણા સ્વાસ્થ્ય લાભો ( Health benefits )ઉપરાંત, મસાજ બાળકને સારી રીતે ઊંઘવામાં પણ મદદ કરે છે. ઘણા ફાયદાઓને કારણે, ડોકટરો અને તજજ્ઞો પણ નિયમિતપણે બાળકને માલિશ ( Care of new born ) કરવાની ભલામણ કરે છે. સંશોધન મુજબ, માલિશ કરવાથી બાળકમાં ઓક્સિટોક્સિન હોર્મોન મુક્ત થાય છે. જે બાળકના શરીરમાં ખુશી ઉત્પન્ન કરે છે. તેનાથી બાળકને સારું લાગે છે અને તેનું ચીડિયાપણું ઓછુ થાય છે. બાળકના સ્નાયુઓને પણ માલિશથી ઘણો આરામ મળે છે. જો કે બાળકની માલિશ માટે કયા તેલનો ઉપયોગ કરવો માતાઓ ઘણીવાર આ વિશે મૂંઝવણમાં હોય છે.

મોટાભાગની માતાઓ બજારમાં મળતા તેલથી બાળકને માલિશ કરાવે છે, પરંતુ આજે પણ ઘણા ઘરોમાં દેશી રીતે બાળકની માલિશ કરવામાં આવે છે. આ દેશી પદ્ધતિઓમાં ઓલિવ ઓઈલનો પણ સમાવેશ થાય છે. અમે તમને બાળક માટે આના ફાયદા વિશે જણાવવા જઈ રહ્યા છીએ.

દરેક સિઝનમાં ઉપયોગ કરો

ઘણી વખત માતા-પિતા મૂંઝવણમાં હોય છે કે કઈ ઋતુમાં તેમણે તેમના બાળકને કયા તેલથી માલિશ કરવી જોઈએ. જો કે, ઓલિવ ઓઈલની ખાસિયત એ છે કે તેની માલિશ કોઈપણ ઋતુમાં કરી શકાય છે. શિયાળો હોય કે ઉનાળો હોય આ તેલની માલિશ કરવાના ઘણા ફાયદા છે. જો કે, ઉનાળામાં તે બાળકને મર્યાદિત માત્રામાં લગાવવું જોઈએ.

મોઇશ્ચરાઇઝર

બાળકની ત્વચા ખૂબ જ નાજુક હોય છે અને કેટલીકવાર માલિશથી તેની ત્વચા શુષ્ક બની જાય છે. તેના કારણે ત્વચામાં લાલાશ આવી શકે છે. આ સ્થિતિમાં ઓલિવ ઓઈલથી માલિશ કરવી યોગ્ય છે. ઓલિવ ઓઈલમાં હાજર એન્ટીઓક્સીડેન્ટ બાળકની ત્વચાને સુધારશે. ઉપરાંત, તેના મોઇશ્ચરાઇઝિંગ ગુણધર્મો ત્વચાને નરમ અને હાઇડ્રેટેડ રાખશે. બાળકને નિયમિત રીતે માલિશ કરો.

ડાઈપરને કારણે થતી ફોલ્લીઓ

આજકાલ, બાળકની સંભાળમાં ડાયપરનો ઉપયોગ ખૂબ જ મહત્વપૂર્ણ બની ગયો છે. જો કે ડાયપરના કારણે બાળકને વારંવાર ફોલ્લીઓ થતી હોય છે. ફોલ્લીઓના કારણે બાળક પરેશાન થઈ જાય છે અને તેનો સ્વભાવ ચીડિયો થઈ જાય છે. આ સ્થિતિમાં ઓલિવ ઓઈલની મદદ લો. બાળકને થયેલી ફોલ્લીઓ પર હૂંફાળું ઓલિવ તેલ લગાવો. આમ કરવાથી તેને આરામ મળશે અને તે શાંતિથી ઊંઘી શકશે.

(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)

આ પણ વાંચો-

Men Health : પુરુષોને 30 વર્ષની ઉંમર પછી આ સમસ્યાનો વધી જાય છે ખતરો

આ પણ વાંચો-

Women Health : પિરિયડ દરમ્યાન મહિલાઓએ આ ખોરાકથી દુરી બનાવી રાખવી છે જરૂરી

Follow us on

Related Stories

Most Read Stories

Click on your DTH Provider to Add TV9 Gujarati