શાળાએ જતા બાળકોને ગરમીથી બચાવવા માટે આ છે સરળ ટિપ્સ, આ બાબતોનું ધ્યાન રાખો

ઉનાળો બાળકો માટે રમવા અને મોજમસ્તી કરવાનો સમય છે, તેટલો જ સ્વાસ્થ્યની દ્રષ્ટિએ પણ પડકારજનક છે. ખાસ કરીને નાના શાળાએ જતા બાળકોને તેજ સૂર્યપ્રકાશ, હીટ સ્ટ્રોક અને ડિહાઇડ્રેશનનું ખાસ જોખમ રહેલું છે. તેથી બાળકોને ગરમીથી સુરક્ષિત રાખવાની જવાબદારી માતા-પિતા અને શાળા બંનેની છે. આ લેખમાં, અમે તમને શાળાએ જતા બાળકોને ગરમીથી કેવી રીતે સુરક્ષિત રાખવા તે વિશે વિગતવાર જણાવીશું.

હળવા અને સુતરાઉ કપડાં પહેરો

ઉનાળામાં બાળકોને હળવા રંગોના, છૂટા અને સુતરાઉ કપડાં પહેરાવો. સુતરાઉ કપડાં ત્વચાને શ્વાસ લેવા દે છે, જેના કારણે શરીરનો પરસેવો સરળતાથી સુકાઈ જાય છે. આનાથી ફોલ્લીઓ અને ગરમીમાં જે રેસિઝ થાય છે તેને અટકાવી શકાય છે.

બાળકોને પુષ્કળ પ્રવાહી આપો

બાળકોને શાળાએ મોકલતા પહેલા તેમને પીવા માટે પૂરતું પાણી આપો અને તેમની બેગમાં પાણીની બોટલ રાખો. આ સાથે તમે તેમને બપોરના ભોજનમાં નારિયેળ પાણી, લીંબુ શરબત, કેરી પન્ના અથવા ઘરે બનાવેલા શરબત પણ આપી શકો છો. આ રીતે બાળકોને હાઇડ્રેટેડ રાખી શકાય છે.

બાળકોને હળવું અને એનર્જી મળી રહે તેવું ટિફિન આપો

ઉનાળામાં બાળકોને તળેલા ખોરાક આપવાનું ટાળો. ભારે ખોરાક બાળકોને સુસ્ત બનાવી શકે છે. તેના બદલે તેમને ફળો અને શાકભાજીથી ભરપૂર હળવો અને તાજો ખોરાક આપો.

સનસ્ક્રીન અને કેપનો ઉપયોગ કરો

જો બાળક શાળાએ જતી વખતે અને આવતી વખતે તડકામાં રહે છે તો તેના ચહેરા અને હાથ પર બાળકો માટે અનુકૂળ સનસ્ક્રીન લગાવો. તેને ટોપી અથવા કેપ પહેરાવીને મોકલો જેથી તેનું માથું સૂર્યપ્રકાશથી સુરક્ષિત રહે.

સ્કૂલેથી પાછા ફરતાની સાથે જ નોર્મલ ઠંડુ પાણી આપો

શાળાએથી પાછા ફર્યા પછી બાળકોને થોડો સમય આરામ કરવા દો. તેમને સીધું ઠંડુ પાણી કે બરફ વાળું કંઈપણ ન આપો, તેના બદલે તેમને ઠંડા પાણીથી હાથ અને ચહેરો ધોવા અને તાજો રસ અથવા લીંબુ પાણી આપવાનું કહો.

ઉનાળામાં બાળકોના લક્ષણો પર ધ્યાન આપો

વધતી ગરમીને કારણે બાળકો ઘણી સમસ્યાઓનો ભોગ બની શકે છે. જેના પર તમારે ધ્યાન આપવાની જરૂર છે. આ સમસ્યાઓના લક્ષણો નીચે મુજબ હોઈ શકે છે, જેમ કે-

• બાળકમાં વારંવાર માથાનો દુખાવો
• કારણ વગર ચક્કર આવવા
• ઉલટી
• વધુ થાક લાગવો
• પરસેવો ન આવવાની ફરિયાદ, વગેરે.

બાળકોમાં જોવા મળતા આવા લક્ષણો હીટ સ્ટ્રોકને કારણે હોઈ શકે છે. જો તમને આવા લક્ષણો દેખાય તો તરત જ ડૉક્ટરનો સંપર્ક કરો.

હીટવેવ એ અત્યંત ગરમ હવામાનનો સમયગાળો છે જે સામાન્ય રીતે બે કે તેથી વધુ દિવસો સુધી ચાલે છે. જ્યારે તાપમાન કોઈપણ પ્રદેશના સરેરાશ તાપમાન કરતા વધી જાય છે, ત્યારે તેને હીટવેવ કહેવામાં આવે છે. હીટવેવ અને તાપમાનની સ્ટોરી વાંચવા માટે અહીં ક્લિક કરો.