Breaking News: હવામાન વિભાગની ‘નવી આગાહી’! 6 જુલાઈ સુધી રાજ્યમાં જામશે ‘વરસાદી માહોલ’, દક્ષિણ ગુજરાતમાં ‘Red Alert’

રાજ્યમાં ચોમાસાની જમાવટ વચ્ચે હવામાન વિભાગે મહત્વની આગાહી કરી છે. 6 જુલાઈ સુધીમાં રાજ્યના વિવિધ વિસ્તારોમાં વરસાદી માહોલ જામશે, જેમાં દક્ષિણ ગુજરાતથી લઈ સૌરાષ્ટ્ર સુધી મેઘ મહેર જોવા મળશે.

ભારે વરસાદની ‘સંભાવના’

આવતીકાલે 01 July ના રોજ દક્ષિણ ગુજરાતમાં ભારે વરસાદની શક્યતાને પગલે ‘Yellow Alert’ જાહેર કરવામાં આવ્યું છે. ખાસ કરીને સુરત, નવસારી અને ડાંગમાં ભારે વરસાદની સંભાવનાને લીધે Alert આપવામાં આવ્યું છે. આ દરમિયાન ગાજવીજ અને 40 થી 50 કિલોમીટર પ્રતિ કલાકની ગતિના પવન સાથે વરસાદ ખાબકવાની શક્યતા છે.

અમદાવાદમાં કેવો રહેશે ‘વરસાદ’?

બીજી તરફ, અમદાવાદમાં હળવાથી મધ્યમ વરસાદની આગાહી કરવામાં આવી છે. હવામાનની આ સ્થિતિને ધ્યાનમાં રાખીને માછીમારોને દરિયો ન ખેડવા માટે સૂચના આપવામાં આવી છે. જણાવી દઈએ કે, સિઝનમાં પહેલીવાર ભારે વરસાદનું Red Alert જાહેર કરવામાં આવ્યું છે.

Red Alert કયા કયા શહેરમાં?

આગામી ત્રીજી અને ચોથી જુલાઈએ દક્ષિણ ગુજરાતમાં વરસાદનું Red Alert આપવામાં આવ્યું છે.  વિગતવાર આગાહી મુજબ, ત્રીજી જુલાઈએ વલસાડ અને ડાંગમાં Red Alert જાહેર કરાયું છે. આ સિવાય નવસારી, તાપી, સુરત અને નર્મદામાં Orange Alert આપવામાં આવ્યું છે.

ત્યારબાદ ચોથી જુલાઈએ નર્મદા, તાપી અને ડાંગમાં Red Alert જાહેર કરવામાં આવ્યું છે. વલસાડ, નવસારી, સુરત અને ભરૂચમાં Orange Alert રહેશે. આ ઉપરાંત, છોટા ઉદેપુર તેમજ સૌરાષ્ટ્રના અમરેલી અને ભાવનગરમાં પણ Orange Alert જાહેર કરવામાં આવ્યું છે.

Bullet Train : આગામી વર્ષે શરૂ થશે દેશની પ્રથમ બુલેટ ટ્રેન, સુરત-વાપીના 100 કિમી સેક્શનમાં દોડશે હાઈ-સ્પીડ ટ્રેન