Valsad Crime: સુરત શહેરમાં યુવાધનને નશાના રવાડે ચડાવનાર નશાના સોદાગરોને વલસાડ પોલીસે ઝડપી પાડ્યા, જાણો સમગ્ર ગાંજાની તસ્કરીની ઘટના, જુઓ Video

વલસાડ સીટી પોલીસને મળેલી બાતમીના આધારે પોલીસની ટીમે પેટ્રોલીંગ દરમિયાન ગાંજાનો જથ્થો લઈને જઈ રહેલા યુવાનની ધરપકડ કરી છે. યુવાન ઓરિસ્સાથી ગાંજાની બેગ ભરી અલગ અલગ માધ્યમો દ્રારા ગુજરાતમાં આવી સુરત ખાતે ગાંજો પહોંચાડવાનો હતો એ પહેલાં વલસાડ સીટી પોલીસની ટીમ દ્રારા વલસાડ ખાતેથી તેને ઝડપી પાડવામાં આવ્યો છે. સાથે ગાંજાનો રેકેટ ચલાવતા લોકોની ધરપકડ કરી છે.

વલસાડ સીટી પોલીસની ટીમ વલસાડ એસ.ટી ડેપો નજીક પેટ્રોલીંગમાં હતી તે દરમિયાન વલસાડ એસ.ટી ડેપો માંથી એક અજાણ્યા યુવક પર પોલીસને શંકા જતા પોલીસ દ્રારા અજાણ્યા યુવકને પકડી પુછ પરછ કરતા યુવક ઓરિસ્સાનો વતની આલોક કુમાર પ્રધાન હોવાનું સામે આવ્યું હતું. યુવક પાસેથી પોલીસને બેગ મળી આવી હતી. પોલીસ દ્રારા યુવકની બેગના અંદર તપાસ કરતા યુવકના બેગ માંથી 10.338 કિલો ગાંજાનો જથ્થો જેની કિંમત 1 લાખથી વધુનો હતો.

પોલીસ દ્રારા યુવકની ધરપકડ કરી પૂછપરછ કરતા યુવક દ્રારા ઓરિસ્સા થી ગાંજાનો જથ્થો લાવી સુરત ખાતે પોહચડવા જતો હોવાનું સામે આવતા સીટી પોલીસ દ્રારા યુવકની ધરપકડ કરી કાર્યવાહી હાથ ધરવામાં આવી છે. પોલીસના હાથે ઝડપાયેલો યુવક ઓરિસ્સા થી અલગ અલગ માધ્યમો દ્રારા ગાંજો બેગમાં લઈ વલસાડ ખાતે પોહચ્યો હતો જે બાદ વલસાડ થી સુરત ખાતે ગાંજાનો જથ્થો પોહચડવાનો હોવાનું સામે આવ્યું હતું.

આ પણ વાંચો : Valsad Breaking News : ની ઉંમરગામ GIDCમાં એક ખાનગી કંપનીમાં બ્લાસ્ટ, એક કામદારનું મોત અને એક વ્યક્તિ ઘાયલ

વલસાડ પોલીસ દ્રારા સુરત ખાતે તપાસ કરતા સુરતમાં ગાંજાના વેપારમાં સંડોવાયેલા સીમાચલ લક્ષ્મણ બારડ અને સોમનાથ ઉર્ફે ટીનનું ધનું શાહુની ધરપકડ કરી હતી. પોલીસ દ્રારા ગાંજાના રેક્ટમાં સંડોવાયેલા 3 જેટલા આરોપીની ધરપકડ કરવામાં આવી છે અને જેલના સળિયા પાછળ ધકેલી આગળ ની કાર્યવાહી હાથ ધરી છે.

(ઈનપુટ ક્રેડિટ – અક્ષય કદમ)