Gujarati NewsGujaratSuratSurat sets Guinness World Record on International Yoga Day celebrations congratulated by PM Modi
International Yoga Day 2023: યોગ કરી સુરતે નોંધાવ્યો ગિનિસ વર્લ્ડ રેકોર્ડ, PM મોદીએ પાઠવ્યા અભિનંદન
સુરતે સૌથી મોટી સંખ્યામાં એક સાથે યોગ કરી ગિનીસ બુક ઓફ વર્લ્ડ રેકોર્ડમાં સ્થાન મેળવ્યું છે. ત્યારે સમગ્ર ગુજરાત ગૌરવ અનુભવી રહ્યું છે. આ સિદ્ધિ બદલ વડાપ્રધાન નરેન્દ્ર મોદીએ ટ્વીટ કરી સુરતને અભિનંદન પાઠવ્યા છે.
Surat: 21 જૂને ભારત (India) સહિત સમગ્ર વિશ્વમાં આંતરરાષ્ટ્રીય યોગ દિવસની (International Yoga Day 2023) ઉત્સાહભેર ઉજવણી કરવામાં આવી. ત્યારે આંતરરાષ્ટ્રીય યોગ દિવસની ઉજવણીમાં સુરતે (Surat) ઈતિહાસ રચ્યો છે. રાજ્યકક્ષાની યોગ દિનની ઉજવણી સુરતમાં કરવામાં આવી હતી. જેમાં 1.50 લાખથી વધુ લોકોએ એક સાથે એક સ્થળે ઉપસ્થિત રહી યોગ કરી વિશ્વ વિક્રમ સર્જ્યો હતો. જે બદલ વડાપ્રધાન નરેન્દ્ર મોદીએ ટ્વીટ કરી સુરતને અભિનંદન પાઠવ્યા છે.
સુરતે સૌથી મોટી સંખ્યામાં એક સાથે યોગ કરી ગિનીસ બુક ઓફ વર્લ્ડ રેકોર્ડમાં સ્થાન મેળવ્યું છે. ત્યારે સમગ્ર ગુજરાત ગૌરવ અનુભવી રહ્યું છે. ગઈકાલે એટલે કે 21 જૂને વિશ્વ યોગ દિવસ નિમિત્તે સુરતમાં રાજ્યકક્ષાના યોગ દિવસની ઉજવણીનું આયોજન કરવામાં આવ્યું હતું. મુખ્યમંત્રી ભુપેન્દ્ર પટેલની અધ્યક્ષતામાં આ કાર્યક્રમ યોજાયો હતો. જેમાં 1.50 લાખથી વધુ લોકોએ યોગ કરી ઈતિહાસ રચ્યો હતો. આ સિદ્ધિ બદલ વડાપ્રધાન નરેન્દ્ર મોદીએ ટ્વીટ કરી સુરતને અભિનંદન પાઠવ્યા હતા.
શહેરની શાળા કોલેજના વિધાર્થીઓ, શિક્ષકો, શહેરીજનો તેમજ અલગ અલગ વ્યવસાય સાથે જોડાયેલા નાગરિકો અને ગૃહિણીઓ મળી કુલ 1.50 લાખથી વધુ લોકો યોગ દિવસની ઉજવણીમાં સહભાગી બન્યા હતા. સુરતના વાય જંકશનથી લઈને SVNIT સર્કલ સુધી 1.50 લાખથી વધુ લોકોએ એકસાથે યોગા કર્યા હતા અને ગિનીસ બુક ઓફ વર્લ્ડ રેકોર્ડમાં સ્થાન પ્રાપ્તત કર્યું હતું. આ પહેલા 1.09 લાખ સાથે જયપુરના નામે રેકોર્ડ હતો.
વિદેશીઓ અને દિવ્યાંગ બાળકો આકર્ષણનું કેન્દ્ર બન્યા
સુરતના મગદલ્લા ભાઈ જંકશનથી SVNIT સર્કલ અને બ્રેડલાઈનર સર્કલ સુધી 12 કિલોમીટરના રૂટ પર કાર્યક્રમનું આયોજન કરાયું હતું. યોગાભ્યાસમાં ભાગ લેવા માટે 42 શાળાના 20 હજારથી વધુ બાળકો વહેલી સવારથી કાર્યક્રમ સ્થળ પર પહોંચી ગયા હતા. આ ઉપરાંત ગૃહિણીઓ તેમજ અલગ અલગ વ્યવસાય સાથે જોડાયેલા નાગરિકો સહિત શહેરના નાના મોટા દરેક અગ્રણીઓ ઉપસ્થિત રહ્યા હતા. આ ઉપરાંત વિદેશી મહેમાનો અને દિવ્યાંગ બાળકોએ પણ યોગા કરી આકર્ષણનું કેન્દ્ર બન્યા હતા.
સુરત સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
મહાયુતિ સરકારના ફેવરિટ છે આ સેક્ટર, આ શેર પર છે રોકાણકારોની નજર
