Surat: દક્ષિણ ગુજરાતમાં 26 ગુનાઓને અંજામ આપનાર 8 વર્ષથી ફરાર ચીકલીગર ગેંગનો સભ્ય ઝડપાયો

સુરત પીસીબીને મળેલી સચોટ બાતમીના આધારે ટીમ દ્વારા તપાસ કરવામાં આવતાં રાજબીરસિંઘ જ જણાઈ આવેલ તેથી પોલીસ દ્વારા તેને ઝડપી પાડવામાં આવ્યો હતો. તેની પૂછપરછ કરતાં તેણે આચરેલ ગુનાઓ અંગે કબૂલાત કરી હતી અને આ ગુનાઓ આચરવામાં તેને કોણ સાથ આપતું હતું અને કઈ રીતે ગુનાઓને અંજામ આપતો હતો

Surat: દક્ષિણ ગુજરાતમાં 26 ગુનાઓને અંજામ આપનાર 8 વર્ષથી ફરાર ચીકલીગર ગેંગનો સભ્ય ઝડપાયો
Surat Police Arrest Accused Of Chikligar Gang
Baldev Suthar

| Edited By: Chandrakant Kanoja

Apr 06, 2022 | 6:02 PM

સુરત (Surat) શહેરના અલગ અલગ પોલીસ સ્ટેશન સહિત જિલ્લામાં ઉપરાંત નવસારી વિસ્તારમાં ઘરફોડ તેમજ વાહનચોરી સહિત ગુનાઓ આચરનાર અને પોલીસ ચોપડે 26 જેટલા ગંભીર ગુનાઓ માં વોન્ટેડ એવા ચીકલીગર ગેંગના(Chikligar Gang) મુખ્ય સભ્ય રાજબીરસિંગ ટાંકને સુરત શહેર પીસીબીએ ઝડપી પાડ્યો છે. રાજબીર સિંગ દક્ષિણ ગુજરાતની કુખ્યાત એવી ચીકલીગર ગેંગનો મુખ્ય સૂત્રધાર છે અને તે વર્ષ 2014થી નાસ્તો ફરતો હતો.સુરત શહેર પીસીબી પોલીસ દ્વારા રાત્રી પેટ્રોલિંગ કરવામાં આવી રહ્યું છે તે દરમ્યાન ગત રાત્રીના શહેર ભેસ્તાન ચાર રસ્તા ખાતે સુરત શહેરની પીસીબીના પીઆઇ એસ જે ભાટિયાની ટીમ પેટ્રોલિંગમાં હતી તે દરમિયાન બાતમી મળી હતી કે ચીકલીગર ગેંગના મુખ્ય સૂત્રધાર રાજબીરસિંઘ ભેસ્તાન ખાતે આવેલ તેના ઘરની સામે ઉભેલ છે.

આચરેલ ગુનાઓ અંગે કબૂલાત કરી હતી

પીસીબીને મળેલી સચોટ બાતમીના આધારે ટીમ દ્વારા તપાસ કરવામાં આવતાં રાજબીરસિંઘ જ જણાઈ આવેલ તેથી પોલીસ દ્વારા તેને ઝડપી પાડવામાં આવ્યો હતો. તેની પૂછપરછ કરતાં તેણે આચરેલ ગુનાઓ અંગે કબૂલાત કરી હતી અને આ ગુનાઓ આચરવામાં તેને કોણ સાથ આપતું હતું અને કઈ રીતે ગુનાઓને અંજામ આપતો હતો તે તમામ બાબત પોલીસને જણાવેલ હતી.

સુરત ડીસીબી પોલીસના માણસો ઉપર જીવલેણ હુમલો કરી ભાગી ગયો હતો

રાજબીરસિંઘ રીઢો આરોપી છે અને તે તેના સસરા સાથે મળી ને ગુનાઓને અંજામ આપતો હતો. ગુનો કરવા માટે તેઓ પ્રથમ મોટરસાયકલની ચોરી કરતાં હતા અને તે જ મોટરસાયકલનો ઉપયોગ તેઓ ઘરફોડ ચોરી કરવા માટે ઉપયોગમાં લેતા હતાં. આ બંને જણા એ મળી ને તેમના અન્ય સાગરીતો સાથે શહેર ના અલગ અલગ પોલીસ સ્ટેશન વિસ્તારમાં તેમજ જિલ્લા અને નવસારીમાં કુલ 14 ઘરફોડ, વાહનચોરીના 11 ગુનાઓ આચરેલ હતાં તેમજ વર્ષ 2019 દરમ્યાન સુરત ડીસીબી પોલીસના માણસો ઉપર જીવલેણ હુમલો કરી ભાગી ગયેલ હતો. આમ કુલ 26 ગુનાઓમાં વોન્ટેડ હતો જેને હાલ સુરત પીસીબીએ દબોચી લીધો છે.

હાલ તો સુરત શહેર પીસીબીએ આ વોન્ટેડ આરોપીને ઝડપી ને હજુ વધુ ગુનાઓ ડિટેક્ટ કરવા આગળની તપાસ સુરત ક્રાઈમ બ્રાન્ચને સોંપી છે. ક્રાઈમ બ્રાન્ચની તપાસ માં હજુ વધુ કેટલાં ગુનાઓની કબૂલાત આ રીઢા આરોપી દ્વારા કરવામાં આવશે તે જોવું રહ્યું.

આ પણ વાંચો :  અમદાવાદ એરપોર્ટ પર હવાઈ મુસાફરોને ટૂંક સમયમાં મળશે નવો રન-વે, નવો રનવે મળતા પહેલાની જેમ હવાઈ મુસાફરી પૂર્વવત થશે

આ પણ વાંચો : રાજકોટ જિલ્લા આયોજન મંડળની બેઠકમાં વર્ષ 2022-23માં રૂ.1250 કરોડના વિકાસ કામોની જોગવાઈ કરાઇ

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો

Follow us on

Related Stories

Most Read Stories

Click on your DTH Provider to Add TV9 Gujarati