Dharoi Dam: ધરોઈ ડેમમાં એક દિવસમાં 1800 કરોડ લીટર પાણીની આવક થઈ, જળસપાટી માત્ર 3 સેન્ટીમીટર રુલ લેવલથી દૂર

Dam Water Level: રાજસ્થાનમાં વરસાદને પગલે ધરોઈ ડેમમાં પાણીની નવી આવક અંતિમ 24 કલાક દરમિયાન નોંધાઈ છે. ઉપરવાસ વિસ્તારમાં વરસાદ વરસતા સાબરમતી નદીમાં નવા નીર આવ્યા હતા.

Dharoi Dam Water Level Today

Avnish Goswami | Updated on: Jul 29, 2023 | 3:11 PM

અંતિમ 24 કલાક દરમિયાન સાબરકાંઠા સહિત ઉત્તર ગુજરાતના જિલ્લાઓમાં માત્ર ઝાપટા સ્વરુપ વરસાદ વરસ્યો છે. આમ છતાં પણ સાબરમતી નદીમાં પાણીની આવકનો વધારો નોંધાયો હતો. અંતિમ 24 કલાક દરમિયાન ધરોઈ ડેમમાં પાણીની નવી આવક થવાને લઈ જળસપાટીમાં આંશિક વધારો નોંધાયો હતો. આ સાથે જ હવે રુલ લેવલથી માત્ર કેટલાક સેન્ટીમીટર દૂર જ વર્તમાન જળસપાટી રહી છે. ધરોઈ ડેમ ભરાઈ જવાને લઈ ઉત્તર અને મધ્ય ગુજરાતને મોટી રાહત સર્જાઈ છે.

ઉત્તર ગુજરાતની જીવાદોરી ગણાતા ધરોઈ ડેમ પર ચોમાસાની શરુઆતથી જ નજર રહેતી હોય છે. જળસંગ્રહના રુપમાં રાજ્યના સૌથી મોટા જળાશયો પૈકી એક ધરોઈની ગણના થાય છે. ધરોઈ ડેમમાં વર્તમાન ચોમાસા દરમિયાન ટીંપે ટીંપે સરોવર ભરાય એમ ધીમે ધીમે સપાટીમાં વધારો નોંધાયો છે. જળસંગ્રહ ધીરે ધીરે વધતા હવે રુલ લેવલ સુધી સપાટી પહોંચવા આવી ચૂકી છે. આ માટે એલર્ટ પણ ધરોઈ બંધ તરફથી સાબરમતી નદીના કાંઠા વિસ્તારના જિલ્લાઓને બે દિવસ અગાઉ આપવામાં આવ્યુ છે.

1800 કરોડ લીટર પાણીની નવી આવક

હાલમાં ઉત્તર ગુજરાતની વરસાદની સ્થિતિ જોવામાં આવે તો મોટા ભાગના જિલ્લાઓમાં વરસાદનુ પ્રમાણ હળવુ રહ્યુ રહ્યુ છે, જ્યારે અનેક તાલુકાઓ કોરાધાકોર રહ્યા છે. સાબરકાંઠાના પોશીના, વિજયનગર અને ખેડબ્રહ્મા, તેમજ બનાસકાંઠા જિલ્લાના દાંતા અને અંબાજી વિસ્તાર તથા મહેસાણાના સતલાસણા અને તેના ઉપરના વિસ્તારોમાં વરસાદ વરસાવની સ્થિતિમાં ધરોઈની આવકમાં વધારો સામાન્ય રીતે જોવા મળતા હોય છે. પરંતુ છેલ્લા કેટલાક કલાકો દરમિયાન રાજસ્થાન વિસ્તારમાં આવેલ ધરોઈના કેચમેન્ટ વિસ્તારમા વરસાદ વરસવાને લઈ સાબરમતી નદીમાં આવક નોંધાઈ હતી.

Web Stories View more

જસપ્રીત બુમરાહ કરતા 7 ગણો વધુ અમીર છે ઓસ્ટ્રેલિયન કેપ્ટન

અભિનેત્રી શિલ્પા શેટ્ટીની મોટી મુસીબતનો આવ્યો અંત, જાણો શું છે આખો મામલો

શ્વાસ લેવા બરાબર છે તમારા શરીર માટે આ વિટામિન, દેશમાં 47 ટકા લોકોમાં છે કમી

Bigg Boss 18 : ગુજરાતી મોડલ અદિતિ મિસ્ત્રી બિગ બોસમાં છવાઈ, જુઓ ફોટો

Kidney Stone : ઘોડો દૂર કરશે તમારા શરીરની પથરી, જાણીને ચોંકી જશો આ ટ્રીક

સવારે 8 વાગ્યા સુધીના અંતિમ 24 કલાક દરમિયાન ધરોઈ ડેમમાં 1800 કરોડ લીટર નવા પાણીનો ઉમેરો થયો છે. આમ જળસંગ્રહણમાં વધારો નોંધાયો છે. ધરોઈ ડેમની સપાટી શનિવારે બપોરે કલાકે 617.94 ફૂટ નોંધાઈ છે. આમ હવે રુલ લેવલ કરતા માત્ર ત્રણેક સેન્ટીમીટર દૂર વર્તમાન સપાટી છે. રુલ લેવલ 618.04 ફુટ છે. આમ હવે ઉપરવાસમાં વરસાદનુ જોર વધતા જ સાબરમતી નદીમાં પાણી છોડવાની સ્થિતિ ઉભી થઈ શકે છે. રુલ લેવલ કરતા એક ફુટ વધારે પાણી ડેમમાં ભરવામાં આવી શકે છે, આ માટે ઉચ્ચ સ્તરીય ચર્ચા પરામર્શ પણ કરવામાં આવ્યો છે.

આ માટે સાબરકાંઠા, ગાંધીનગર, અમદાવાદ અને ખેડા જિલ્લા ક્લેકટરને બે દિવસ અગાઉ જ કાંઠા વિસ્તારના તાલુકા અને ગામડાઓને સાવચેતી જાળવવા માટે સૂચના અપાઈ ચૂકી છે. ડેમ હાલમાં એલર્ટ સ્ટેજ પર હોવાને લઈ આ સૂચના અપાઈ હતી. આમ હવે માત્ર પાણીનો જથ્થો છોડવા અંગેની સીધી સૂચના જરુરીયાતના સમયે આપવામાં આવશે.