રાજ્યમાં સાર્વત્રિક વરસાદ,રાજકોટ જિલ્લામાં આવેલા તમામ 25 ડેમ ઓવરફ્લો,સૌરાષ્ટ્ર પંથકની સિંચાઈમાં સમસ્યાનો આવશે અંત
આજે રાજ્યમાં સાર્વત્રિક વરસાદ ખાબક્યો તેમાં પણ સૌરાષ્ટ્રમાં ધોધમાર વરસાદ વરસી રહ્યો છે. પોરબંદર, જૂનાગઢમાં ઘેડ પંથકમાં સતત અને ધોધમાર વરસાદથી પાણી-પાણી થઇ ગયું તો ગીરસોમનાથના વેરાવળમાં પણ જોરદાર વરસાદ પડ્યો તેવી જ રીતે અમરેલીમાં પણ વરસાદ પડ્યો તો રાજકોટમાં સવારથી ધોધમાર વરસાદ પડતા શહેરમાં રસ્તાઓ પર પાણી ફરી વળ્યા હતા. રાજકોટ જિલ્લામાં આવેલા તમામ […]
આજે રાજ્યમાં સાર્વત્રિક વરસાદ ખાબક્યો તેમાં પણ સૌરાષ્ટ્રમાં ધોધમાર વરસાદ વરસી રહ્યો છે. પોરબંદર, જૂનાગઢમાં ઘેડ પંથકમાં સતત અને ધોધમાર વરસાદથી પાણી-પાણી થઇ ગયું તો ગીરસોમનાથના વેરાવળમાં પણ જોરદાર વરસાદ પડ્યો તેવી જ રીતે અમરેલીમાં પણ વરસાદ પડ્યો તો રાજકોટમાં સવારથી ધોધમાર વરસાદ પડતા શહેરમાં રસ્તાઓ પર પાણી ફરી વળ્યા હતા. રાજકોટ જિલ્લામાં આવેલા તમામ 25 ડેમ ઓવરફ્લો થઈ ગયા હતા, ભાદર 1 ડેમનાં 8 દરવાજા ખોલવામાં આવ્યા હતા. આજી 1 ડેમ પણ આજે ફરી છલકાઈ ગયો. ન્યારી 1 ડેમનાં 3 દરવાજા ખોલાયા. આજી 2 ડેમનાં 4 અને ભાદર-2 ડેમનાં 4 દરવાજા ખોલાયા.
રાજ્યમાં આજે પણ 123 તાલુકામાં વરસાદે મહેર વરસાવી. કચ્છ અને સૌરાષ્ટ્રમાં સારો વરસાદ પડ્યો તો દક્ષિણ ગુજરાત સહિત મધ્યમાં પણ મહેર વરસી બે-ચાર દિવસના વિરામ બાદ મેઘરાજા ફરી સૌરાષ્ટ્ર-કચ્છમાં તોફાની બેટિંગ કરી રહ્યા છે, ભારે વરસાદને પગલે સૌરાષ્ટ્ર-કચ્છની નાની-મોટી નદીઓમાં પૂરની સ્થિતિ જોવા મળી. ખંભાળિયા પંથકમાં ભારે વરસાદને કારણે વેદમતિ નદીના કોઝવે પર પાણી ફરી વળ્યા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો