Rajkot : કાર ચાલકે સ્ટિયરિંગ પરથી કાબુ ગુમાવતા કાર ઇન્ટિરિયરના શો રૂમમાં ઘુસી, થયુ પારાવાર નુકસાન
રાજકોટના ટાગોર રોડ પર અકસ્માત સર્જાયો છે. અકસ્માતની તમામ ઘટના સીસીટીવીમાં કેદ થઈ છે જેના ફુટેઝ સામે આવી રહ્યાં છે. જેમાં કાર ચાલકે સ્ટિયરિંગ પરથી કાબુ ગુમાવતા કાર શો રૂમમાં ઘુસી હતી અને અકસ્માત સર્જાયો હતો.
રાજ્યમાં અકસ્માતની ઘટનાઓ અવાર નવાર સામે આવતી હોય છે. ઘણી વાર રસ્તાની વચ્ચે આડેધડ ખોદેલા ખાડાને વાહન ચલાવવાના કારણે પણ અકસ્માત સર્જાતો હોય છે. તેવી જ અકસ્માતની ઘટના રાજકોટમાં સામે આવી છે. રાજકોટના ટાગોર રોડ પર અકસ્માત સર્જાયો છે. અકસ્માતની તમામ ઘટના સીસીટીવીમાં કેદ થઈ છે. જેના ફુટેઝ સામે આવી રહ્યાં છે. જેમાં કાર ચાલકે સ્ટિયરિંગ પરથી કાબુ ગુમાવતા કાર શો રૂમમાં ઘુસી હતી અને અકસ્માત સર્જાયો હતો. જો કે આ ઘટનામા કોઈ પણ પ્રકારની જાનહાનિ થઈ નથી. પરંતુ રોડ નજીક આવેલ ઇન્ટિરિયરના શો રૂમમાં ભારે નુકસાન જોવા મળ્યું હતું.
આ પણ વાંચો : Rajkot : ખાડામાં પડી જતા યુવકના મોત મામલે કાર્યવાહી, પોલીસે સઅપરાધ માનવ વધનો ગુનો નોંધ્યો
આ અગાઉ પણ રાજકોટથી વિસાવદર જતી જાનૈયાઓની ટ્રાવેલ્સ બસ અને યુટીલિટી વાન વચ્ચે અકસ્માત સર્જાયો હતો. અકસ્માત બાદ ટ્રાવેલ્સ નજીકમાં આવેલી નોનવેજની લારીને અડફેટે લઈને કારખાનાની દિવાલમાં ઘુસી ગઈ હતી. જો કે જાનૈયાઓને કોઈ ઈજા થઈ ન હતી. સમગ્ર ઘટનાને લઈને લોકોના ટોળા જોવા માટે ઉમટી પડ્યા હતા.
જાનની બસ ગોંડલમાં ગુંદાળા ચોકડી ઓવરબ્રિજ નજીકથી પસાર થતી હતી, ત્યારે અકસ્માત નડ્યો હતો. રાજકોટથી વિસાવદર લગ્નનો પ્રસંગ પતાવી બસ જાનૈયાઓને લઈને વિસાવદર તરફ જતા બસ ચાલકે કાબુ ગુમાવતા પિકઅપ વાન સાથે અકસ્માત સર્જાયો હતો. અકસ્માતને કારણે બેકાબુ બનેલી બસે એક નોનવેજની લારીને અડફેટે લઈને કારખાનાની દિવાલમાં ઘુસી જવા પામી હતી. બસમાં બેસેલા 15થી20 જાનૈયાઓનો ચમત્કારીક બચાવ થયો હતો. સમગ્ર ઘટનાને લઈને લોકોના ટોળેટોળા ઉમટ્યા હતા.
