Rajkot : તબીબના પુત્રનો અપહરણ કરવાનો પ્રયાસ, ગાંધીગ્રામ પોલીસે શરૂ કરી તપાસ
રાજકોટમાં તબીબનો(Doctor) પુત્ર રોહિત ખંધડિયા રમી રહ્યો હતો. આ દરમિયાન કારમાં આવેલા ત્રણ લોકોએ તેના અપહરણનો પ્રયાસ કર્યો હતો.
રાજકોટમાં (Rajkot) તબીબના પુત્રના અપહરણનો નિષ્ફળ પ્રયાસ થયો છે. શહેરના હનુમાન મઢી ચોક(Hanuman madhi chowk) પાસે ઘટના બની હતી.જ્યાં તબીબનો પુત્ર રોહિત ખંધડિયા રમી રહ્યો હતો. આ દરમિયાન કારમાં આવેલા ત્રણ લોકોએ તેના અપહરણનો પ્રયાસ કર્યો હતો. પરંતુ રોહિતે પ્રતિકાર કરીને બૂમાબૂમ કરતા આસપાસના લોકો એકઠા થઈ ગયા હતા. જેને પગલે અપહરણ કરવા આવેલા શખ્સો ફરાર થઈ ગયા હતા. સમગ્ર મામલે ગાંધીગ્રામ પોલીસે (Gandhigram Police) તપાસ હાથ ધરી છે.આરોપીઓએ ખંડણી માટે અપહરણનો પ્રયાસ કર્યો હતો કે કોઈ અન્ય કારણોસર ? તે અંગે પોલીસ તપાસ ચલાવી રહી છે. હનુમાન મઢી ચોકની આસપાસના CCTV ચકાસવાની પણ કામગીરી ચાલી રહી છે.
રાજ્યમાં (Gujarat) સોમવારથી નવા શૈક્ષણિક સત્રનો પ્રારંભ થયો છે. 35 દિવસના ઉનાળુ વેકેશન (Summer vacation) બાદ આજથી શાળાઓ ફરીથી શરુ થઇ છે. એક તરફ ફરીથી રાજ્યમાં કોરોનાના કેસ (Corona case) વધી રહ્યા છે, ત્યારે વિદ્યાર્થીઓના સ્વાસ્થ્યની સુરક્ષા સાથે ફરી શાળાઓ ખોલવી એક પડકારજનક છે. આમ છતા શાળાઓ દ્વારા તકેદારીના પગલા લઇને શાળાઓ શરુ કરવામાં આવી છે. રાજકોટમાં (Rajkot) પણ શાળાઓ આજથી વિદ્યાર્થીઓની ચહેલ પહેલથી ફરી જીવનવંતી બનેલી જોવા મળી રહી છે.
શાળામાં શિક્ષણ લેવા વિદ્યાર્થીઓમાં આતુરતા
રાજકોટમાં ઘણા લાંબા સમયથી ઘરે રહેલા બાળકો શાળાએ આવવા માટે આતુર જોવા મળ્યા. પ્રથમ દિવસે શાળાઓમાં વિદ્યાર્થીઓની 80 ટકા હાજરી જોવા મળી હતી. વધતા કોરોનાના કેસને પગલે કોરોનાની તમામ ગાઇડલાઇના પાલન સાથે શાળાઓમાં શૈક્ષણિક કાર્યની શરૂઆત કરવામાં આવી છે. શિક્ષકોને પણ ગાઇડલાઇનનું પાલન થાય તે અંગે સૂચના આપી દેવામાં આવી છે.