PATAN : રાધનપુરમાં ઠેરઠેર ગંદકીનું સામ્રાજ્ય, સ્થાનિકોના આરોગ્યને લઇને જોખમ

PATAN : રાધનપુરમાં ઠેરઠેર ગંદકીનું સામ્રાજ્ય, સ્થાનિકોના આરોગ્યને લઇને જોખમ
PATAN: The realm of dirt in Radhanpur, a threat to the health of the locals

રાધનપુરમાં જાણે રોગચાળો ગમે તે સમયે દતક દે તેવા ગંદકીના દ્રશ્યો શહેરમાં ઠેર ઠેર સર્જાયા છે. જેને લઇને સ્થાનિક રહીશોને ચિંતા છે કે તેમના બાળકો બીમારીનો શિકાર ન બને.

TV9 GUJARATI

| Edited By: Utpal Patel

Oct 09, 2021 | 3:20 PM

પાટણના રાધનપુરમાં એટલી હદે ગંદકી ખદબદી છે કે રાધનપુરના રહીશોનું આરોગ્ય જોખમાય તેવી સ્થિતિ સર્જાઇ છે. શહેરમાં ઉભરાતી ગટર અને માર્ગ પર કીચડના સામ્રાજ્યને લઇને રહીશોમાં પાલિકાતંત્ર સામે ભારે રોષ ભભૂક્યો છે. રહીશોને ખદબદતી ગંદકીથી રોગચાળાની ચિંતા ઉદ્દભવી છે.

પાટણના રાધનપુરના રહીશોમાં ભારે રોષ. રહીશોના રોષનું કારણ બન્યું છે તેમના પરિવારનું સ્વાસ્થ્ય અને આરોગ્ય. સમગ્ર શહેરમાં ફેલાઇ ચૂક્યું છે ગંદકીનું સામ્રાજ્ય. ઉભરાઇ રહી છે શહેરની ગટરલાઇનો. જેને લઇને રાધનપુરના રહીશો હવે નગર પાલિકાના સતાધીશો સામે રોષે ભરાયા છે. શહેરમાં એટલી હદે ગંદકી, કીચડ અને ગટરનું ઉભરાતું દુષિતપાણીથી રોગચાળાને નોતરી રહ્યું છે. શહેરમાં ગંદકીના સામ્રાજ્યથી રોગચાળાની ભીતિ સેવાઇ છે. ગટર અને ગંદકીથી પાણી અને મચ્છરજન્ય એવી ડેન્ગ્યુ જેવી જીવલેણ બીમારીની ચિંતા હવે સ્થાનિકોને સતાવવા લાગી છે.

રાધનપુરમાં જાણે રોગચાળો ગમે તે સમયે દતક દે તેવા ગંદકીના દ્રશ્યો શહેરમાં ઠેર ઠેર સર્જાયા છે. જેને લઇને સ્થાનિક રહીશોને ચિંતા છે કે તેમના બાળકો બીમારીનો શિકાર ન બને. તેમ છતાંય રાઘનપુરનુ નગરોળ પાલિકા તંત્ર જાણે દુષિતપાણીથી ઉદ્દભવતા જીવલેણ એવા કોલેરા, મેલેરીયા જેના રોગચાળો અને બીમારીની મોટી ઘટના ઘટવાની રાહ જોઇ રહ્યું હોય તેવું લાગી રહ્યું છે.

કેમ કે સ્થાનિકો દ્વારા વારંવાર ગંદકી મામલે રજૂઆતો કરવામાં આવે છે તેમ છતાંય શહેરમાં ગંદકી અને ગટરની સમસ્યાનો કોઇ જ પરીણામલક્ષી કામ તંત્ર દ્વારા નથી કરવામા આવ્યું . કરોડો રુપિયા ખર્ચે શહેરમાં ગટરનું કામ પણ કરવામા આવ્યું છે તેમ છતાંય ગંદકી અને ગટરની સમસ્યાની સ્થિતિ તેમની તેમ જ છે.

એવું નથી કે રાઘનપુરમા ગંદકી અને ગટરની સમસ્યા ચોમાસા દરમ્યાન જ ઉદ્દભવે છે. પરંતુ વાસ્તવિકતા એ છે કે રાધનપુર શહેરમાં વર્ષોથી ગટર અને ખદબદતી ગંદકીનુ સામ્રાજ્ય યથાવત્ જ છે જો કે આ સમસ્યા ચોમાસા દરમ્યાન વઘુ મુશ્કેલ બંને છે. રાધનપુરના રહીશોની સૌથી મોટી સમસ્યા શહેરની ગટર અને ગંદકી છે . રાજકીય નેતાઓ પણ સ્થાનિકો પાસે આ જ મુદ્દે મત મેળવી જીતી જાય છે. અને ત્યારબાદ સ્થાનિક રહીશોને આપેલા વચન માત્ર વચન બનતા રહીશોએ નેતાઓને આપેલો વિશ્વાસમત હારી જાય છે.

Follow us on

Related Stories

Most Read Stories

Click on your DTH Provider to Add TV9 Gujarati