નવસારીમાં ભારે વરસાદને પગલે તંત્ર એલર્ટ, દરિયા કિનારે NDRFના 21 જવાનની ટીમ ખડેપગે
નવસારી(navsari) જિલ્લાના 7 જેટલા ગામ દરિયા કિનારે વસેલા હોવાથી તંત્રએ NDRFના 21 જવાનોની ટીમ તૈનાત કરી છે. ભારે વરસાદના(Heavy Rains) પગલે કોઈ અનિચ્છીય ઘટના ન બને તે માટે તંત્રએ તૈયારી આટોપી છે.
નવસારી જિલ્લામાં(Navsari) વરસાદની આગાહીના પગલે NDRF ની ટીમ તૈનાત કરી દેવાઈ છે. હવામાન વિભાગની(IMD) આગાહીના પગલે તંત્ર સતર્ક બન્યું છે. નવસારી જિલ્લાના 7 જેટલા ગામ દરિયા કિનારે વસેલા હોવાથી તંત્રએ NDRFના 21 જવાનોની ટીમ તૈનાત કરી છે. ભારે વરસાદના(Heavy Rains) પગલે કોઈ અનિચ્છીય ઘટના ન બને તે માટે NDRFની ટીમ ખડેપગે છે. મહત્વનું છે કે, 24 અને 25 જૂને નવસારી જિલ્લામાં ભારે વરસાદ પડી શકે તેવી હવામાન વિભાગે શક્યતા વ્યક્ત કરી છે.
દક્ષિણ ગુજરાત અને સૌરાષ્ટ્રમાં વરસાદી માહોલ જામ્યો
દક્ષિણ ગુજરાત અને સૌરાષ્ટ્રમાં(Saurashtra) વરસાદી માહોલ જામ્યો છે.ગઈકાલે રાજ્યના કુલ 56 તાલુકામાં વરસાદ વરસ્યો છે.સૌથી વધુ સુરતના કામરેજમાં 3.5 ઈંચ વરસાદ,વલસાડના કપરાડામાં 2 ઈંચ વરસાદ અને રાજકોટ, ભાવનગર, અમરેલી, ગીરસોમનાથમાં 1-1 ઈંચ વરસાદ નોંધાયો છે.ગુજરાતમાં વરસાદની વાટે બેઠેલા ખેડૂતોને રાહત આપતા સમાચાર મળી રહ્યાં છે.આગામી ત્રણ દિવસ ગુજરાતમાં(Gujarat) વરસાદની હવામાન વિભાગે આગાહી કરી છે.હવામાન વિભાગનું માનીયે તો આગામી ચાર દિવસ રાજ્યમાં વરસાદી માહોલ રહેશે.જો કે 1 દિવસ સામાન્ય વરસાદ રહેશે.જ્યારે 24 અને 25 જૂને ભારે વરસાદની આગાહી છે. હવામાન વિભાગનું માનીએ તો સુરત, વલસાડ, નવસારી, તાપી, ડાંગ ભારેથી અતિભારે વરસાદની આગાહી છે.