Breaking News : હીરા ઉદ્યોગમાં મંદી વચ્ચે રત્નકલાકારોને રાહત પેકેજની જાહેરાત, જાણો કોને મળશે લાભ

હીરા ઉદ્યોગમાં સતત લાંબી મંદીના કારણે આર્થિક સંકડામણ ભોગવતા રત્નકલાકારો માટે રાજ્ય સરકારે રાહત પેકેજની જાહેરાત કરી છે. ગુજરાત સરકારે સુરતના હીરા ઉદ્યોગને મોટી રાહત આપવાનો નિર્ણય લીધો છે. હાલમાં વૈશ્વિક મંદીના કારણે સુરતના લાખો રત્ન કલાકારો અને હજારો નાના વેપારીઓ મુશ્કેલીમાં મુકાયા છે. આ સમસ્યાને ધ્યાનમાં રાખીને, મુખ્યમંત્રી ભૂપેન્દ્રભાઈ પટેલના માર્ગદર્શન હેઠળ એક રાહત પેકેજ તૈયાર કરવામાં આવ્યું છે.

આ પેકેજમાં અસરગ્રસ્ત રત્ન કલાકારોના બાળકોની શાળા ફી એક વર્ષ સુધી સરકાર ચૂકવશે. હીરા ઉદ્યોગના એકમોને ટર્મ લોન પર 9%ના દરે 3 વર્ષ સુધી વ્યાજ સહાય મળશે, એક વર્ષ સુધી વીજ ડ્યુટીમાંથી મુક્તિ આપવામાં આવશે. આ યોજનાથી સુરતના હીરા ઉદ્યોગને પુનર્જીવન મળવાની આશા છે.

ગુજરાત સરકાર દ્વારા સુરતના હીરા ઉદ્યોગને પુનર્જીવિત કરવા માટે એક મહત્વપૂર્ણ પગલું ભરવામાં આવ્યું છે. વૈશ્વિક સ્તરે હીરાના વેપારમાં મંદીના કારણે સુરતના લાખો રત્ન કલાકારો અને હજારો નાના-મોટા વેપારીઓ આર્થિક સંકટનો સામનો કરી રહ્યા છે. આ સમસ્યાનો ઉકેલ લાવવા માટે સરકારે એક વિશેષ રાહત પેકેજ જાહેર કર્યું છે.

રત્નકલાકારો માટે રાહત પેકેજ જાહેર

આ રાહત પેકેજ મુખ્યમંત્રી ભુપેન્દ્રભાઈ પટેલના દિશાનિર્દેશ હેઠળ તૈયાર કરવામાં આવ્યું છે. આ યોજનામાં, અસરગ્રસ્ત રત્ન કલાકારોના બાળકોની શાળા ફી રાજ્ય સરકાર એક વર્ષ માટે ચૂકવશે. પ્રતિ બાળક મહત્તમ 13,500 રૂપિયા સુધીની ફી ચૂકવવામાં આવશે.

આ ઉપરાંત, હીરા ઉદ્યોગના નાના એકમોને ટર્મ લોન પર 9%ના દરે 3 વર્ષ સુધી વ્યાજ સહાય પૂરી પાડવામાં આવશે. મહત્તમ 5 લાખ રૂપિયા સુધીની લોન પર આ સહાય મળશે. વધુમાં, આ એકમોને એક વર્ષ સુધી વીજ ડ્યુટીમાંથી મુક્તિ આપવામાં આવશે. આ યોજનાનો લાભ મેળવવા માટે ચોક્કસ પાત્રતા માપદંડ નક્કી કરવામાં આવ્યા છે.

બાળકોની ફી ચૂકવશે સરકાર !

આ રાહત પેકેજ સુરતના હીરા ઉદ્યોગને ફરીથી પોતાના પગ પર ઉભા રહેવામાં મદદ કરશે અને હજારો પરિવારોને રાહત પહોંચાડશે. સરકાર દ્વારા આ યોજનાના અમલીકરણ માટે જરૂરી કમિટીઓ અને નિયમો બનાવવામાં આવ્યા છે. આ પગલાંથી સુરતના હીરા ઉદ્યોગમાં રોજગારીના નવા અવસરો પણ ઉભા થવાની આશા છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો