Kutch: ભુજ નગરપાલિકાએ બાકી વેરા વસુલાત ઝુંબેશ સઘન કરી, બે મિલ્કતો સીલ કરી

કચ્છની ભુજ નગરપાલિકાએ(Bhuj Nagarpalika)બાકી વેરા વસૂલાત(Un Paid Tax)માટે કડક હાથે કાર્યવાહી શરૂ કરી છે. જેમાં 12 કરોડના ટાર્ગેટ સામે સરકારની ટેક્ષ માફી અંગેની ગાઇડલાઇન અને કોરોના મહામારીમાં લોકોની ઉદાસીનતા વચ્ચે પાલિકાએ આજે ટેક્ષ ન ભરનાર મિલ્કતધારકો સામે કડક હાથ કામ લઇ મિલ્કત સીલ(Property Seal) કરી છે. જેમાં ભુજ પાલિકાએ શહેરમાં અત્યાર સુધી 22 પાણી-ગટરના જોડાણ કાપ્યા છે. તેમજ અનેક મિલ્કત ધારકોને નોટીસ પણ આપી છે. જો કે લાંબા સમયથી વિવિધ વેરાની ભરપાઇ ન કરનાર બે સ્થળો પર પાલિકાએ સીલ માર્યા છે. પાલિકાએ કુલ 5 મિલ્કતોને નોટીસ ફટકારી હતી. જેમાંથી બે મિલ્કતો મંગળવારે સીલ કરાઇ છે.

2 મિલ્કત ધારકના વેરા પેટે  લાખો રૂપિયા  બાકી

નાણાકીય વર્ષની પુર્ણાહુતી થવાને હવે થોડા સમય જ બાકી છે ત્યારે વિવિધ સરકારી કચેરીઓએ હાલ ટેક્ષની રકમ વસુલવા કડકાઇ શરૂ કરી છે. ભુજ પાલિકાએ પણ છેલ્લા એક મહિનામા 100થી વધુ કોમર્શીયલ બિલ્ડીગોને અત્યાર સુધી નોટીસ ફટકારી છે. જ્યારે મંગળવારે પાલિકાએ સુમલતા પ્રેમકુમાર બંસલ,નો ન્યુ સ્ટેશન રોડ પર આવેલ હોલ તથા હેમલતાબેન અતુલ મોડેસરા, પ્લોટ નં ૮૭ હોસ્પિટલ રોડ નામની મિલકત સીલ કરવામાં આવી હતી જેમાં બન્ને મિલ્કતોની 9 લાખથી વધુની ટેક્ષની રકમ બાકી છે. જે લાંબા સમયથી સુચનો પછી ભરાઇ નથી જેથી પાલિકાની ટીમે મંગળવારે સીલ કરી હતી.

રજાના દિવસોમા પણ પાલિકા વેરા વસુલવાનુ ખુલ્લુ રાખશે

પ્રમુખ ધનશ્યામ ઠક્કરે જણાવ્યુ છે. કે રજાના દિવસોમા પણ પાલિકા વેરા વસુલવાનુ ખુલ્લુ રાખશે તેથી પ્રોપટી લીસ્ટમાં નામ ચડાવવા સાથે બાકી દારો ઝડપથી વેરો ભરે તો પાલિકા હપ્તાથી પણ વેરા ધારકોને રાહત માટે તૈયાર હોવાનુ જણાવ્યુ હતુ.હાલ સમગ્ર કચ્છમાં ભુજ  પાલિકા સહિતની વિવિધ કચેરીઓ બાકી રહેતા નાણાની પુરતી માટે કામ કરી છે જો કે 12 કરોડ સામે માંડ 9 કરોડ રૂપીયાની આવક કરનાર પાલિકાએ કડક વલણ અપનાવ્યુ છે. આજે મિલ્કત સીલ કરવા સાથે પાલિકાએ કડક કાર્યવાહીના નિર્દેશ આપ્યા છે.

આ પણ વાંચો : Vadodara કોર્પોરેશને છાણીના વેરાન વિસ્તારમાં રોડ બનાવી દેવાતા વિવાદ છેડાયો

આ પણ વાંચો : Kutch : અદાણી ગ્રીન પાવર વિરુદ્ધ કિસાન સંઘનો મોરચો, ખેડૂતને માર મારવાની ઘટના વખોડી