જુનાગઢ : વિસાવદરના સરસઈ ગામે સરપંચ અને ઉપસરપંચે મહિલા પર આચર્યું દુષ્કર્મ

વિસાવદરના સરસઈના સરપંચ અને ઉપસરપંચે મહિલાના બિભત્સ ફોટા પાડી દુષ્કર્મ આચર્યું હોવાની ફરિયાદ નોંધાઈ છે. મહિલા તથા તેના પતિને મારી નાખવાની ધમકી આપી છેલ્લા 10 માસથી દુષ્કર્મ આચરતા હતા. આ સમગ્ર બાબતે મહિલા સાથે પાડેલા બિભત્સ ફોટો વાઈરલ કરી મરજી વિરૂધ્ધ શરીર સંબંધ બાંધવા મુદ્દે વિસાવદર પોલીસમાં મહિલાએ ફરિયાદ નોંધાવતા સરપંચની ધરપકડ કરી જ્યારે ઉપ સરપંચ હાલ ફરાર છે.

બ્લેકમેઇલ કરી આચાર્યો દુષ્કર્મ

જૂનાગઢમાં પરિણીત મહિલાએ સરસઈ ગામના સરપંચ ચેતન દુધાત અને ઉપસરપંચ જયદિપ લાખાણી સામે દુષ્કર્મ ગુજાર્યાની પોલીસ ફરિયાદ નોંધાવી છે. પરિણીતાએ ફરિયાદમાં જણાવ્યું છે કે, આજથી લગભગ 10 મહિના પહેલા પીડિતા ઘરે એકલી હતી ત્યારે ગામનો સરપંચ ચેતન દુધાત ઘરમાં આવ્યો. મારી સાથે બીભત્સ માંગણી કરી હતી. પરિણીતાએ વિરોધ કરતા ચેતને કહ્યું કે, હું ગામનો સરપંચ છું અને તારે મારી સાથે શરીર સંબંધ બાંધવા પડશે,પરંતુ ભોગ બનનાર મહિલાએ ના પાડતા ચેતને ધમકી આપતા કહ્યું હતું કે,તું મારી સાથે શરીર સંબંધ નહીં બાંધે તો હું તારા પતિને જાનથી મારી નાખીશ. ચેતનની ધમકીના કારણે પરિણીતા ડરી ગઈ હતી અને આરોપીના તાબે થઈ ગઈ હતી.

આ પણ વાંચો : જેતપુર-જૂનાગઢ હાઈવે પર કારને રોકી લૂંટને અંજામ આપનારા આરોપી પર પોલીસનો સકંજો, એશોઆરામની જિંદગી જીવવા ચડ્યા લૂંટના રવાડે

સરપંચ બાદ ઉપ સરપંચ એ આચર્યુ દુષ્કર્મ

સરપંચ બાદ સરસઈ ગામના ઉપસરપંચ જયદીપ લાખાણીએ પરિણીતાને કહ્યું હતું કે, તેં ચેતન સાથે શરીર સંબંધ બાંધેલ છે તે મને ખબર છે. તારે મારી સાથે પણ શરીર સંબંધ બાંધવો પડશે. જો નહીં બાંધે તો હું ગામમાં બધાને વાત કરી દઈશ. આ રીતે ધમકી આપી જયદીપે પણ પરિણીતા પર દુષ્કર્મ ગુજાર્યું હતું અને પરિણીતાના અશ્લીલ ફોટો પણ પાડી લીધા હતા.

Web Stories View more

Green onion : લીલી ડુંગળીમાં કયું વિટામિન હોય છે, તેને ખાવાથી શું ફાયદા થાય છે?

શિયાળામાં સ્ટાર ફ્રુટ ખાવાથી થાય છે અઢળક લાભ

આજનું રાશિફળ તારીખ : 23-11-2024

યુદ્ધના ભણકારા વચ્ચે કિમ જોંગે મોકલ્યા સૈનિક, બદલામાં પુતિને આપી ખાસ 70 ભેટ, જુઓ

23 નવેમ્બર, કાલ ભૈરવ જયંતીના દિવસે કરો આ બે કામ, જીવનની નકારાત્મકતા થશે દૂર, ઈચ્છાઓ થશે પૂરી

અદિતિ મિસ્ત્રીની બહેન દિવ્યા મિસ્ત્રી પણ ખુબ હોટ છે, જુઓ ફોટો

પોલીસે આરોપી સરપંચની ધરપકડ કરી

બન્ને આરોપીના ત્રાસથી કંટાળી પીડિત મહિલાએ પોલીસનું શરણું લીધુ હતું અને વિસાવદર પોલીસ સ્ટેશનમાં બંને વિરુધ દુષ્કર્મની ફરિયાદ નોંધાવી હતી. પીડિતાએ વિસાવદર પોલીસ સ્ટેશનમાં ફરિયાદ નોંધાવતા સરસઈના સરપંચ ચેતન દુધાતની ધરપકડ કરી લીધી છે. જ્યારે ઉપસરપંચ જયદીપ લાખાણી ફરાર હોવાથી તેની શોધખોળ હાથ ધરાઇ છે.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતના તમામ જિલ્લાના સમાચાર વાંચવા માટે જોડાયેલા રહો…