Jamnagar: વૃદ્ધોને પેન્શન યોજનાનો લાભ અપાવવાનું કહી માલમત્તા ખંખેરતી મહિલા રાજસ્થાનથી ઝડપાઈ
મહિલાએ વૃદ્ધાને જણાવ્યું હતું કે તેઓ એકલા રહેતા હોવાથી દાગીના ઘરમાં ન રાખવા જોઈએ અને બેન્કના લોકરમાં મૂકવા જોઈએ આમ કહીને આરોપી મહિલા દાગીના સગેવગે કરી ગઈ હતી. બેન્કમાં લોકર દાગીના રાખવાનું જણાવીને કુલ કિંમતમાં રૂપિયા 4.20ના દાગીના મેળવીને તે ફરાર થઈ હતી.
જામનગર શહેરના ચાંદી બજાર નજીક એક વૃદ્ધ મહિલા સાથે છેતરપિંડી થયાની પોલીસ ફરિયાદ નોંધાઈ હતી. જેની તપાસમાં પોલીસે રાજસ્થાનથી આરોપી મહિલાને ઝડપી પાડી છે. પોલીસ તપાસમાં ખૂલ્યું હતું કે વર્ષ 2015થી રાજયભરમાં વિવિધ શહેરમાં વૃધ્ધોને વિશ્વાસમાં લીધા બાદ તેમને છેતરીને દાગીના કે અન્ય સામાન લઈને આ મહિલા ફરાર થઈ જતી. આરોપી મહિલા શાહીદાબીબી ફિરોઝખાન પઠાણ સામે રાજ્યના વિવિધ શહેરમાં બે ડઝન જેટલા ગુનાઓ નોંધાયેલા છે.
મહિલા સોનાના દાગીના લઈને થઈ હતી ફરાર
જામનગર શહેરના ચાંદી બજાર પાસે ઝવેરી ઝાપામાં રહેતા વૃધ્ધ મહિલા રમાબેન રમેશચંદ્ર મહેતાને અજાણી મહિલાએ છેતરીને સોનાના દાગીના લઈ લીધા હતા અને મહિલા ફરાર થઈ ગઈ હતી. આરોપી મહિલાએ રમાબેનને જણાવ્યું હતું કે તે જામનગર મહાનગર પાલિકામાં નોકરી કરે છે. સરકાર દ્વારા વૃધ્ધોને 25 હજાર રૂપિયાની સહાય મળતી હોય છે. તે સહાય મેળવવા સરકારી કચેરીમાં ફોર્મ ભરાવીને તે રમાબેનને આ યોજનાનો લાભ અપાવશે. આમ કહીને રમાબેનને વિશ્વાસમાં લઇને તેણે દાગીના પડાવી લીધા હતા.
બેંકના લોકરમાં દાગીના મૂકવાનું કહીને થઈ ગઈ ફરાર
મહિલાએ વૃદ્ધાને જણાવ્યું હતું કે તેઓ એકલા રહેતા હોવાથી દાગીના ઘરમાં ન રાખવા જોઈએ અને બેન્કના લોકરમાં મૂકવા જોઈએ આમ કહીને આરોપી મહિલા દાગીના સગેવગે કરી ગઈ હતી. બેન્કમાં લોકર દાગીના રાખવાનું જણાવીને કુલ કિંમતમાં રૂપિયા 4.20ના દાગીના મેળવાને તે ફરાર થઈ હતી
મહિલા આરોપી ઉપર કુલ 24 ગુનાઓ દાખલ
પોલીસે ટેકનિકલ ટીમની મદદથી આરોપી મહિલા રાજસ્થાનમાં હોવાની માહિતી પ્રાપ્ત થઈ હતી. આથી પોલીસે રાજસ્થાનથી મહિલાને ઝડપી પાડી હતી અને પોલીસને જાણવા મળ્યું હતું કે છેલ્લા સાત વર્ષમાં આ રીતે લોકો સાથે છેતરપિંડી કરી હતી. આરોપી મહિલા જુદા જુદા નામ સલમા, મનિષા, ચકુ કહીને એકલા રહેતા વૃદ્ધોની માહિતી મેળવીને તેમને ભોળવીને ફરાર થઈ જતી હતી.
વર્ષ 2015 થી હાલ સુધી આરોપી મહિલા ઉપર સુધી કુલ 24 ગુનાઓ અલગ-અલગ શહેરમાં નોંધાયેલ છે. જેમાં જામનગર, ગીરસોમનાથ, પંચમહાલ, આણંદ, ભાવનગર, અમદાવાદ, સુરત, સાબરકાંઠા, સુરેન્દ્રનગર, ખેડા વડોદરા, પાટણ, નર્મદા, બનાસકાંઠા, ગાંધીનગર સહીતના જીલ્લાઓનો સમાવેશ થાય છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
