VIDEO: સૌરાષ્ટ્ર અને દક્ષિણ ગુજરાતમાં ભારે વરસાદની આગાહી, આગામી ત્રણ દિવસમાં કેટલાક ભાગોમાં પડી શકે છે ધોધમાર વરસાદ
રાજ્યના હવામાન વિભાગે સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરી છે. આગામી ત્રણ દિવસ એટલે કે 25, 26 અને 27મી જુલાઇએ સૌરાષ્ટ્ર અને દક્ષિણના કેટલાક ભાગોમાં ભારે વરસાદ વરસી શકે છે. દક્ષિણ ગુજરાતની જો વાત કરીએ તો ભરૂચ, સુરત, નવસારી, દમણ સહિતના વિસ્તારોમાં ભારે વરસાદ વરસી શકે છે. તો આ તરફ સૌરાષ્ટ્રના રાજકોટ, પોરબંદર, […]
રાજ્યના હવામાન વિભાગે સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરી છે. આગામી ત્રણ દિવસ એટલે કે 25, 26 અને 27મી જુલાઇએ સૌરાષ્ટ્ર અને દક્ષિણના કેટલાક ભાગોમાં ભારે વરસાદ વરસી શકે છે. દક્ષિણ ગુજરાતની જો વાત કરીએ તો ભરૂચ, સુરત, નવસારી, દમણ સહિતના વિસ્તારોમાં ભારે વરસાદ વરસી શકે છે. તો આ તરફ સૌરાષ્ટ્રના રાજકોટ, પોરબંદર, અમરેલી, જૂનાગઢ, ગીરસોમનાથ સહિતના પંથકોમાં ભારે વરસાદ વરસી શકે છે. ત્યારે ભારેની આગાહી વચ્ચે હવામાન વિભાગે માછીમારોને દરિયો ન ખેડવા ચૂસનાઓ આપી છે.
તો આ તરફ સુરતના ઉમરપાડામાં 2 કલાકમાં 4 ઇંચ વરસાદ ખાબક્યો છે. જેને લઇને અહીં જળબંબાકારની સ્થિતિ સર્જાઇ હતી. તો સાવરકુંડલામાં પણ 4 કલાકમાં 4 ઇંચ વરસાદ નોંધાયો છે. દક્ષિણ ગુજરાતના તાપી જિલ્લાના સોનગઢમાં પણ પોણા ચાર ઇંચ વરસાદ, જ્યારે વલસાડમાં 2 કલાકમાં 2 ઇંચ વરસાદ ખાબક્યો હતો. મહત્વપૂર્ણ છે કે સૌરાષ્ટ્ર અને દક્ષિણ ગુજરાતમાં મેઘરાજાએ ધમકેદાર એન્ટ્રી કરી છે. જોકે અમદાવાદ સહિતનો ઉત્તર ગુજરાતના શહેરોમાં મેઘરાજાએ હાથતાળી આપી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો