GUJARAT : સોમવારે સ્થાનિક સ્વરાજની ચૂંટણીની જાહેરાત થશે : સૂત્ર

GUJARAT : સ્થાનિક સ્વરાજની ચૂંટણીની તારીખ હવે જલ્દીથી જાહેર થશે. સૂત્રોના જણાવ્યા મુજબ આ જાહેરાત સોમવારે થશે.

  • Updated On - 10:45 am, Wed, 20 January 21
GUJARAT : સોમવારે સ્થાનિક સ્વરાજની ચૂંટણીની જાહેરાત થશે : સૂત્ર
EVM ફાઇલ તસ્વીર

GUJARAT : સ્થાનિક સ્વરાજની ચૂંટણીની તારીખ હવે જલ્દીથી જાહેર થશે. સૂત્રોના જણાવ્યા મુજબ આ જાહેરાત સોમવારે થશે. મુખ્યમંત્રી વિજય રૂપાણીએ રવિવાર સુધી પોતાના ભરચક કાર્યક્રમોનું શિડ્યુલ બનાવ્યું છે. તેથી તે પછી તરત જ ચૂંટણીઓ જાહેર થઇ જશે. વિવિધ કાર્યક્રમોમાં હાજર રહી શકાય તે હેતુથી રૂપાણીએ બુધવારે મળનારી કેબિનેટ બેઠક પણ રદ્દ કરી છે.

સૂત્રોના જણાવ્યા અનુસાર આ માટે અગાઉ 21 તારીખે ચૂંટણી જાહેર થાય તેવું નક્કી હતું. પરંતુ હવે તે કેટલાંક વહીવટી કારણોસર સોમવાર સુધીમાં અટકયું છે. ચૂંટણી પંચે EVM કંપની ભારત ઇલેક્ટ્રોનિક્સ લિમિટેડને જણાવ્યું હતું કે તેમને વધુ 7થી8 હજાર જેટલાં EVM બનાવી આપે. પરંતુ કોરોનાકાળને કારણે હાલ કંપનીના પ્રોડક્શન પર અસર થઇ હોવાથી ગુજરાતને નવા ઇવીએમ ફાળવી શકાશે નહીં તેવું જણાવાયું છે. 2015 પહેલાં યોજાયેલી ચૂંટણી દરમિયાન મળેલા 21,500 જેટલાં EVMથી જ કામ ચલાવવું પડશે. આ તરફ આ ઇવીએમ સાથે વીવીપેટ મૂકાય તેવી પણ હવે કોઇ શક્યતા નથી, તેમ સૂત્રોએ જણાવ્યું હતું.

સુત્રોમાંથી મળતી માહિતી મુજબ સ્થાનિક સ્વરાજ્યની ચૂંટણી માટે 25 ફેબ્રુઆરી સુધીમાં મતદાન પણ પૂર્ણ થઈ જશે. મહામારીને પગલે રાજ્ય ચૂંટણી પંચે તમામ ચૂંટણીઓની મુદ્દતમાં ત્રણ માસનો વધારો કર્યો હતો. રાજ્યની સ્થાનિક સ્વરાજ્યની સંસ્થાઓ 6 મહાનગરપાલિકા, 55 નગરપાલિકા, 31 જિલ્લા પંચાયતો, 231 તાલુકા પંચાયતોની મુદત 2020માં પૂર્ણ થઇ છે.

Click on your DTH Provider to Add TV9 Gujarati