5 જુલાઈના મહત્વના સમાચાર : ગુજરાતમાં રાજ્યસભાની ત્રણ બેઠકની ચૂંટણી માટે ભાજપે ચૂંટણી ઇન્ચાર્જની નિમણૂંક કરી

રેલવે કેટલીક ટૂંકા અંતરની વંદે ભારત ટ્રેનોમાં ખાલી બેઠકોને ધ્યાનમાં રાખીને ભાડું ઘટાડવા માટે ટિકિટના ભાવની સમીક્ષા કરી રહી છે. સૂત્રોના જણાવ્યા અનુસાર, પ્રમાણમાં ઓછા અંતરવાળી કેટલીક વંદે ભારત ટ્રેનોમાં સીટો સંપૂર્ણ રીતે ભરાઈ રહી નથી. આવી સ્થિતિમાં, રેલવે તેમના ભાડાની સમીક્ષા કરીને ભાડામાં કાપ મૂકવાની યોજના બનાવી રહી છે.

અજિત પવાર અને NCPના 8 ધારાસભ્યોએ મહારાષ્ટ્ર સરકારમાં પ્રવેશ કરીને અને શિંદે-ફડણવીસ સરકારમાં મંત્રીઓ બનવાથી શિંદે જૂથના ધારાસભ્યોમાં ગણગણાટની સાથે વિરોધની લાગ્ણી પ્રસરી ગઈ છે. શિંદે જૂથના ઘણા ધારાસભ્યોએ પણ આ ગઠબંધન ઉપર સવાલો ઉઠાવ્યા છે. આ દરમિયાન મહારાષ્ટ્રના સીએમ એકનાથ શિંદેનું મોટું નિવેદન સામે આવ્યું છે. તેમણે ધારાસભ્યોને ખાતરી આપી છે કે, તેઓ 2024માં પણ મુખ્યમંત્રી રહેશે. શિંદેએ કહ્યું કે અમે 50 ધારાસભ્યો જીતીને આવીશું.

અમરેલીના સોનારીયા ગામે વાડીએથી પરત આવતા આધેડ ગામના પાદરે ઉભા હતા ત્યારે તેમના પર વીજળી પડતા મોત થયું હતું. સોનારીયા ગામે રહેતા બાલાભાઈ રણછોડભાઇ વાઘેલા ઉપર વીજળી પડતા તેમનુ મોત થયું હતું. જ્યારે 10 વર્ષની માહી મનુભાઈ વાઘેલાનો આબાદ બચાવ થયો છે. મૃતકના મૃતદેહને પીએમ માટે અમરેલી સિવિલ હોસ્પિટલ ખસેડવામાં આવ્યા હતા

જમ્મુ અને કાશ્મીર પોલીસના સ્પેશિયલ ઇન્વેસ્ટિગેશન યુનિટ (SIU) એ બુધવારે કિશ્તવાડ જિલ્લામાં આતંકવાદી ભંડોળના સંબંધમાં, છ સ્થળોએ આતંકવાદીઓના ઘર પર દરોડા પાડ્યા હતા. કિશ્તવાડ જિલ્લામાં કિશ્તવાડ પોલીસના SIU દ્વારા દરોડા પાડવામાં આવેલા ઘરો આતંકવાદીઓના છે. જેઓ પાકિસ્તાન અધિકૃત કાશ્મીર (PoK) અને પાકિસ્તાનથી આતંકવાદી પ્રવૃત્તિઓ ચલાવી રહ્યા છે.

હવામાન નિષ્ણાંત અંબાલાલ પટેલે ગુજરાતમાં તોફાની વરસાદની આગાહી કરી છે. સૌરાષ્ટ્રથી દક્ષિણ ગુજરાતમાં ભારેથી અતિ ભારે વરસાદ પડશે તેવી આગાહી કરી છે. સૌરાષ્ટ્ર અને દક્ષિણના ભાગોમાં પૂરની પરિસ્થિતિનું નિર્માણ થવાની શક્યતાઓ પણ વ્યક્ત કરી છે. સૌરાષ્ટ્રના કોઈપણ ભાગોમાં નદીઓમાં પૂર આવવાની સંભાવના વ્યકત કરી છે. 7 જુલાઈથી 12 જુલાઈ સુધી મેઘરાજા ધમરોળશે ગુજરાતને તેવી આગાહી કરતા અંબાલાલ પટેલે કહ્યું છે કે, સૌરાષ્ટ્રના રાજકોટ ગીર સોમનાથ સહિત જુનાગઢ અને જામનગરમાં ભારેથી અતિ ભારે વરસાદ પડવાની સંભાવના છે.

ગુજરાતમાં રાજ્યસભાની ત્રણ બેઠકની ચૂંટણી માટે ભાજપે ચૂંટણી ઇન્ચાર્જની નિમણૂક કરી, ભાજપ દ્વારા ચૂંટણી ઇન્ચાર્જની કરાઈ નિમણૂંક, રજની ભાઈ પટેલ,વર્ષા બેન દોશી તથા ગણપત વસાવાની કરાઈ નિમણૂંક.

અજિત પવાર અને શરદ પવાર વચ્ચેની રાજકીય લડાઈ વચ્ચે મોટા સમાચાર સામે આવ્યા છે. અજિત પવારે કાકા શરદ પવારને NCPના રાષ્ટ્રીય અધ્યક્ષ પદેથી હટાવ્યા છે.અજિત પવાર પોતે NCPના રાષ્ટ્રીય અધ્યક્ષ બન્યા છે.

જાહેરમાં કોઇ વ્યક્તિ પર પેશાબ કરવાના આરોપમાં પ્રવેશ શુક્લા પર NSA લગાવવામાં આવ્યો છે. જણાવી દઈએ કે આજે ભાજપે પણ આ મામલે પોતાની તપાસ સમિતિ બનાવી છે. બીજેપીના પ્રદેશ અધ્યક્ષ વીડી શર્માએ કહ્યું કે અમે આ ઘટના પર અમારી નારાજગી વ્યક્ત કરી ચૂક્યા છીએ. આરોપીઓને પણ કોઈપણ કિંમતે છોડવામાં આવશે નહીં.

Sana Khan Become Mother: અભિનેત્રી સના ખાન માતા બની છે અને તેણે પુત્રને જન્મ આપ્યો છે. આ ખુશખબર અભિનેત્રીએ સોશિયલ મીડિયા પર શેર કરી હતી, જેના પછી અભિનેત્રીને સતત અભિનંદન મળી રહ્યા છે.

રાજકોટના જેતપુરમાં બે જુના જર્જરિત મકાન ધરાશાયી થતાં ત્રણ લોકોના મોત થયા છે. જેમાં બે બાળકી અને એક વૃદ્ધનું મોત થયું છે.

ઉત્તર 24 પરગણાના દેગંગામાં મોડી રાત્રે ટીએમસીની રેલી પર બોમ્બ વિસ્ફોટ કરવામાં આવ્યો હતો. આ ઘટનામાં 17 વર્ષના છોકરાનું મોત થયું છે. પંચાયત ચૂંટણીને હવે માત્ર બે દિવસ બાકી છે અને રાજ્યમાં હિંસાની ઘટનાઓ અટકવાનું નામ નથી લઈ રહી. ટીએમસીએ આ ઘટના માટે સીપીએમ અને આઈએસએફને જવાબદાર ઠેરવ્યા છે.

G20 અને U20ને લઈને અમદાવાદમાં (Ahmedabad) આવેલ જુદા જુદા સર્કલ પર “વેસ્ટમાંથી બેસ્ટ” થીમ આધારિત સ્કલ્પચર્સ બનાવવામાં આવ્યા છે. જેને આજે ખુલ્લા મુકાયા છે.

• કેબિનેટ બેઠકમાં બહુચરાજી મંદિરના નવનિર્માણ મામલે થયો નિર્ણય
• બહુચરાજી મંદિરના શિખરની ધ્વજા 81 ફૂટ કરવાનો લેવાયો છે નિર્ણય
• અગાઉ 71 ફૂટ ઊંચી ધ્વજા કરવાનું થયું હતું નક્કી

Hyderabad: તેલંગાણાની રાજધાની હૈદરાબાદમાં એક હૃદયદ્રાવક ઘટના સામે આવી છે. અહીં એક ઝડપી કારે ત્રણ લોકોને ટક્કર મારી હતી, જેના કારણે તે તમામના ઘટનાસ્થળે જ મોત થયા હતા. આ તમામ લોકો મોર્નિંગ વોક માટે નીકળ્યા હતા, ત્યારે એક ઝડપી કારે તેનું સંતુલન ગુમાવી દીધું હતું અને વોક કરી રહેલી ત્રણ મહિલાઓને ટક્કર મારી હતી

Surat: સુરતના ડિંડોલી (Dindoli) અને લિંબાયત પોલીસ સ્ટેશન (Police station) વિસ્તારમાં નોંધાયેલા ગુનાઓનો આરોપી છેલ્લા એક વર્ષથી નાસતો ફરતો હતો. આ મોસ્ટ વોન્ટેડ આરોપીને પાલીસ દ્વારા ઝડપી પાડવામાં આવ્યો છે. લસ્સી ગેંગનો મુખ્ય સુત્રધાર ઝડપાતા પોલીસને અન્ય ગુનાઓ ઉકેલવામાં સફળતા મળી છે.

દિલ્હીની તીસ હજારી કોર્ટમાં વકીલો વચ્ચે ગોળીબારની ઘટના સામે આવી છે. વકીલો વચ્ચેના પરસ્પર ઝઘડામાં હવામાં ગોળીબાર થયો હતો. ફાયરિંગમાં કોઈને ઈજા થઈ નથી. પોલીસ ઘટનાસ્થળે હાજર છે.

અજિત પવાર સાથે ગયેલા છગન ભુજબળે કહ્યું છે કે અમારા પર સવાલો ઉભા થાય છે કે અમે ભાજપ સાથે કેવી રીતે ગયા? જો આપણે શિવસેના સાથે જઈ શકીએ તો ભાજપમાં શું ખોટું છે. પરંતુ અમે ભાજપમાં નહીં પરંતુ સરકારમાં જોડાયા છીએ. અમે NCPમાં છીએ.

અમદાવાદના જુહાપુરામાં ફતેવાડી વિસ્તારમાં એક જ કિલોમીટરની અંદર ચાર મોટા ભૂવા (Sinkhole) પડ્યા છે. કોર્પોરેશન દ્વારા ભૂવા પડવાના સ્થળ પર લોકોને સાવચેત રહેવા સૂચન કરતા બોર્ડ લગાવવામાં આવ્યા છે. સામાન્ય રીતે ભૂવા ચોમાસામાં પડતા હોય છે. જો કે છેલ્લા કેટલાક વર્ષોથી અમદાવાદમાં શિયાળો હોય, ઉનાળો હોય કે ચોમાસુ હોય કોઈપણ સિઝનમાં ગમે ત્યારે ગમે તે વિસ્તારમાં ભૂવાઓ પડી રહ્યા છે.

તિસ્તા સેતલવાડની જામીન અરજી પર સુપ્રીમ કોર્ટે ગુજરાત સરકારને નોટિસ આપી છે. તેમને વચગાળાની રાહત ચાલુ રહેશે. આગામી સુનાવણી 19 જુલાઈએ થશે.

Surat : સુરતમાં વહેલી સવારથી જ વરસાદી (Rain) માહોલ છવાયો હતો. વરસાદના કારણે અનેક વિસ્તારોમાં પાણી ભરાઇ ગયા હતા. સુરતમાં વરસાદ બાદ પાણી ભરાઇ જવાની ઘટના કોઇ નવી નથી, ત્યારે આજે પણ વરસાદ વરસતા અશ્વિની કુમાર વિસ્તારમાં પાણી ભરાઇ ગયા હતા. અશ્વિની કુમાર વિસ્તારમાંથી સ્કૂલે (School) જવા માટે પસાર થતા બાળકો અટવાયા હતા. શાળાની બહાર જ ઢીંચણસમા પાણી ભરાઇ ગયા હતા. જેના કારણે વિદ્યાર્થીઓ અને વાલીઓને હાલાકીનો સામનો કરવો પડ્યો હતો.

Surat: સુરતમાં સતત મોબાઈલમાં (Mobile) મશગૂલ રહેતા બાળકોના માતા-પિતા માટે લાલબત્તી સમાન કિસ્સો સામે આવ્યો છે. સુરતના ક્રિશ એન્ક્લેવમાં રહેતા હીરા વેપારીના 14 વર્ષના પુત્ર અયાનનું 9મા માળેથી પટકાતા મોત નીપજ્યું છે. અયાન ધોરણ 9મા અભ્યાસ કરતો હતો.

જમ્મુ-કાશ્મીરના આરએસ પુરા સેક્ટરમાં BSFએ એક પાકિસ્તાની નાગરિકને પકડ્યો છે. પકડાયેલા પાકિસ્તાની નાગરિકની બીએસએફ પૂછપરછ કરી રહી છે.

ક્રિકેટ જગતમાંથી એક ખૂબ જ ખરાબ સમાચાર સામે આવી રહ્યા છે. ભારતના દિગ્ગજ ક્રિકેટર પ્રવીણ કુમારની કારને એક ખરાબ અકસ્માત થયો છે. જો કે આટલા મોટા અકસ્માત બાદ પણ ભારતના આ ડેશિંગ ક્રિકેટરનો જીવ બચી ગયો છે. વાસ્તવમાં મહેન્દ્ર સિંહ ધોનીની કેપ્ટનશીપમાં રમી રહેલા ભારતના સ્વિંગ બોલર પ્રવીણ કુમારની કારને એક કેન્ટરે ટક્કર મારી હતી.

વડાપ્રધાનના નિવાસસ્થાને કેબિનેટની બેઠક ચાલી રહી છે. આ બેઠક પીએમ નરેન્દ્ર મોદીની અધ્યક્ષતામાં થઈ રહી છે.

ઓલ ઈન્ડિયા મુસ્લિમ પર્સનલ લો બોર્ડ (AIMPLB)ની બેઠક ચાલી રહી છે. આ બેઠક યુનિફોર્મ સિવિલ કોડ (UCC)ને લઈને યોજાઈ રહી છે. જેમાં ચેરમેન સહિત 33 લોકો ઓનલાઈન જોડાયેલા છે. આ બેઠકમાં ડ્રાફ્ટ તૈયાર કરવામાં આવશે.

Rajkot : GST વિભાગે રાજકોટમાં 1500 કરોડનું બોગસ બિલીંગ કૌભાંડ ઝડપી પાડ્યું છે. આ બોગસ બિલીંગ કાંડ રાજકોટ ડિવીઝનમાંથી પકડી પાડવામાં આવ્યુ છે. 10 લાખથી માંડીને 3 કરોડ રૂપિયા સુધીના બિલો બનાવીને આ કૌંભાડ આચરવામાં આવ્યુ હોવાની માહિતી છે. તો સાથે જ 1600 જેટલા વેપારીઓની કૌભાંડમાં સંડોવણી હોવાનું સામે આવ્યુ છે. તપાસમાં 50 જેટલી બોગસ પેઢીઓ મળી આવી છે.

Mehsana : મહેસાણા અર્બન બેંકના ડિરેક્ટર કિરીટ પટેલની (kirit patel) આત્મહત્યા (Suicide) કેસમાં તપાસનો ધમધમાટ ચાલી રહ્યો છે. કિરીટ પટેલે લખેલી 18 પાનાની સુસાઇડ નોટ સામે આવી છે. ત્યારે કિરીટ પટેલના ભાઇએ પોલીસ પર જ ગંભીર આરોપ લગાવ્યાં છે. મૃતકના ભાઇએ મહેસાણા SP અને PSI પર ગંભીર આરોપ લગાવ્યાં છે. આત્મહત્યા પાછળ ષડયંત્ર રચાયું હોવાનો આરોપ છે. એટલું જ નહીં કિરીટ પટેલની આત્મહત્યા નહીં પણ માનવ વધ હોવાનો પણ આરોપ છે. સાથે જ દાવો છે કે કિરીટ પટેલના ઘરમાંથી સ્ફોટક પુરાવા મળી આવ્યાં છે. જે સમય આવે રજૂ કરવામાં આવશે.

Rajkot : મહિલા સશક્તિકરણની વાતો જોરશોરથી કરવામાં આવે છે અને રાજનીતિમાં મહિલાઓને પૂરતું પ્રાધાન્યના દાવા કરવામાં આવે છે, પરંતુ મહિલાઓના નામે ચૂંટણી જીતીને તેમના પરિવારના જ પુરૂષો પદાધિકારી તરીકે રોફ જમાવતા હોય છે. આવો જ વધુ એક કિસ્સો રાજકોટમાંથી સામે આવ્યો છે. જયાં શહેરના વોર્ડ નંબર-5ના ભાજપના (BJP) મહિલા કોર્પોરેટર (Corporator) વજી ગોલતરના પતિએ પોલીસ ફરિયાદ નોંધાવી હતી. જેમાં પોતાની ઓળખ ભાજપના કોર્પોરેટર તરીકે આપી હતી.

NCERT New Textbook 2023: નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (NCERT) એ ધોરણ 1 અને 2 માટે નવા પાઠ્યપુસ્તકો લોન્ચ કર્યા છે. રાષ્ટ્રીય શિક્ષણ નીતિ હેઠળ નવા પુસ્તકો બહાર પાડવામાં આવ્યા છે.કેન્દ્રીય શિક્ષણ પ્રધાન ધર્મેન્દ્ર પ્રધાને નવા પાઠ્યપુસ્તકોનું વિમોચન કર્યું હતું. ટૂંક સમયમાં જ રિલીઝ થયેલા પુસ્તકોની ડિજિટલ એડિશન પણ કાઉન્સિલની વેબસાઇટ પર ઉપલબ્ધ થશે. તે જ સમયે, અન્ય ભાષાઓમાં પુસ્તકો પણ ટૂંક સમયમાં બહાર પાડવામાં આવશે.

Share Market Today : ભારતીય શેરબજારમાં આજે ફ્લેટ શરૂઆત (Share Market Opening Bell )નજરે પડી છે. છેલ્લા ઘણા સમયની તેજી બાદ આજે બજારની ગતિમાં થોડી બ્રેક લાગી છે. ફ્લેટ શરૂઆત બાદ શેરબજાર લાલ નિશાન નીચે સરકી ગયું હતું.

જોકે કારોબારની શરૂઆત સમયે બંને મુખ્ય ઈન્ડેક્સ લીલા નિશાન ઉપર જ ખુલ્યા હતા પાર નફાવસૂલી થઈ હતી. અગાઉથી વૈશ્વિક બજારના સંકેતોએ પણ ફ્લેટ ઓપનિંગનો ઈશારો આપ્યો હતો.

આજના કારોબારની શરૂઆત જોઈએતો મંગળવારે સેન્સેક્સ 65,479.05 ઉપર બંધ થયો હતો જે આજે  65,493.68 ઉપર ખુલ્યો છે. આ સમયે ઇન્ડેક્સમાં અત્યંત સામાન્ય 14.63 અંક અથવા 0.022%નો વધારો નોંધાયો હતો. નિફટી ઉપર નજર કરીએતો ઈન્ડેક્સ 16.95 પોઇન્ટ અનુસાર 0.087% વધારા સાથે કારોબારનો પ્રારંભ કર્યો હતો. સવારે 9.17 વાગે સેન્સેક્સ 65350 નજીક 120 અંક ઘટાડા સાથે નજરે પડ્યો હતો.

Global Market : ભારતીય શેરબજાર ટ્રેડિંગ સપ્તાહના ત્રીજા દિવસે એટલેકે 5 જુલાઈએ ફ્લેટ ખુલી શકે છે. GIFT NIFTY  મામૂલી અપટ્રેન્ડ સાથે ટ્રેડ થઈ રહ્યો છે. જ્યારે એશિયન અને અમેરિકન માર્કેટમાં નરમાશ છે. ડૉલર ઈન્ડેક્સ પણ 103ની નીચેની રેન્જમાં ટ્રેડ થઈ રહ્યો છે. આ પહેલા મંગળવારે બજારો રેકોર્ડ ઊંચાઈ પર બંધ થયા હતા. BSE સેન્સેક્સ 274 પોઈન્ટ વધીને 65,479 પર બંધ રહ્યો હતો. ટ્રેડિંગના અંતે બજાજ ફાઇનાન્સ અને બજાજ ફિનસર્વ બજારના સ્ટાર પર્ફોર્મર્સ હતા. બજાજ ફાઇનાન્સ 7.17 ટકા અને બજાજ ફિનસર્વ 5.76 ટકાના વધારા સાથે રૂ. 1629 પર બંધ થયા હતા. ટેક મહિન્દ્રા 2.39 ટકા, સન ફાર્મા 1.61 ટકા, એનટીપીસી 1.54 ટકા, ટાઇટન કંપની 1.39 ટકાના વધારા સાથે બંધ થયા હતા. બીજી તરફ શેરબજારની તેજી છતાં ભારતી એરટેલ 1.54 ટકા, એક્સિસ બેન્ક 1.18 ટકા, રિલાયન્સ 1.04 ટકા ઘટીને બંધ થયા હતા.

Monsoon 2023 : હવામાન વિભાગના જણાવ્યા અનુસાર રાજ્યમાં આગામી કેટલાક દિવસ વરસાદથી રાહત મળે તેવી સંભાવના વ્યક્ત કરવામાં આવી હતી. તે વચ્ચે આજે બુધવારે અમદાવાદ, અમરેલી,બનાસકાંઠા,ભાવનગર,દાહોદ, જામનગર, જુનાગઢ, મહેસાણા, નર્મદા તેમજ સુરતમાં મહત્તમ તાપમાન 31 ડિગ્રી રહે તેવી સંભાવના છે.

Ahmedabad: વર્ષ 2002માં ગુજરાત રમખાણો બાદ તત્કાલીન મુખ્યમંત્રી નરેન્દ્ર મોદી (Narendra Modi) અને ગુજરાતને બદનામ કરવાના કેસ મામલે ગુજરાત હાઇકોર્ટે (Gujarat Highcourt) આરોપી તિસ્તા સેતલવાડની જામીન અરજી ફગાવીને તાત્કાલિક સરેન્ડર કરવાનો હુકમ કર્યો હતો. ત્યાર બાદ સુપ્રીમ કોર્ટે ગુજરાત હાઇકોર્ટના ઓર્ડર પર સ્ટે લગાવ્યો હતો.

Gandhinagar : ગુજરાતના સીએમ ભૂપેન્દ્ર પટેલની સુરક્ષામાં મોટી ચૂક સામે આવી છે. જેમાં છત્રાલ પાસે કાર ચાલકે મુખ્યમંત્રીના કાફલા સાથે પોતાની નંબર પ્લેટ વગરની કાર હંકારી દીધી હતી. જેમાં કાર ચાલકે પોલીસે આપેલી સૂચનાને નજર અંદાજ કરી હતી. જો કે આ ઘટના બાદ પોલીસે કાર રોકાવી કાર ચાલક વિરુદ્ધ ગુનો નોંધી અટકાયત કરી હતી. તેમજ આ ઘટના બાદ કાર ચાલકનો જામીન ઉપર છુટકારો થયો હતો.

જુનાગઢમાં વંથલીથી વડાલ સુધી છેલ્લા 4 વર્ષથી બની રહેલા બાયપાસ રોડના કારણે ખેડૂતોની મુશ્કેલી વધી ગઈ છે. ખેડૂતોને પાકમાં નુકસાન થઈ રહ્યુ છે. બાયપાસ રોડના કારણે વરસાદી પાણીનો નિકાલ આસપાસના ખેતરોમાં થવા લાગ્યો છે. સર્વિસ રોડ પર પાણીના નિકાલની જગ્યા રાખવામાં ન આવતા ખેતરો પાણી-પાણી થઈ ગયા છે. જેને લઈને ખેડૂત કિસાન સંઘે રોષ વ્યક્ત કર્યો છે. આ મામલે સરકાર તેમજ નેશનલ હાઈવે ઓથોરિટી તાત્કાલિક નિર્ણય લઈને યોગ્ય કાર્યવાહી કરે તેવી માગણી થઈ રહી છે. સાથે જ નુકસાનીનું વળતર ચુકવવાની પણ માગ કરી છે.

Jamnagar: જામનગરમાં વરસાદના વિરામ બાદ પણ લોકોની સમસ્યા ઓછું થવાનું નામ નથી લઇ રહી. વરસાદે વિરામ લેતા ઘરોમાં ભરાયેલા પાણી ઓસરી ગયા છે. પરંતુ હજુ કેટલાક વિસ્તારોમાં જાહેર સ્થળો પર વરસાદી પાણી ભરાયેલા છે. જેને લઇ રોગચાળો ફેલાવાની ભીતિ છે. ગુલાબનગર નજીક આવેલી અનેક સોસાયટીમાં ખુલ્લામાં વરસાદી પાણી હજી પણ ભરાયેલા છે. જેને કારણે લોકોને રોગચાળો ફેલાવવાનો ભય લાગી રહ્યો છે.