VIDEO: સુરતના ગોટલાવાડી ટેનામેન્ટના રહીશો બેઠા ધરણા પર, 11 મહિનાથી ભાડું ન અપાતા વિરોધ

સુરતમાં કોર્પોરેશન અને કોન્ટ્રાક્ટરની લડાઈ વચ્ચે લોકોની મુશ્કેલીમાં વધારો થયો છે. મેયર સામે રોષે ભરાયેલા ગોટાલાવાડી ટેનામેન્ટના રહીશો કોર્પોરેશનની બહાર ધરણા પર બેસી ગયા છે. ગોટાલાવાડી ટેનામેન્ટ ને રીડેવલોપમેન્ટ પ્રોજેક્ટ હેઠળ આવરી લેવામાં આવ્યો હતો. મહાનગરપાલિકા અને કોન્ટ્રાક્ટર જેપી ઇસ્કોન દ્વારા 1304 અસરગ્રસ્તો સાથે કરાર કરીને જૂના બિલ્ડિંગ ઉતારી દેવામાં આવ્યા હતા. જૂના બિલ્ડિંગ ઉતાર્યા બાદ ઇજારદારે અસરગ્રસ્તોને ભાડું ચૂકવવાનું શરત હતી. પરંતુ છેલ્લા 11 મહિનાથી અસરગ્રસ્તોને ભાડું ચૂકવાયું નથી. આ પહેલા પણ ગોટાલાવાડી ટેનામેન્ટના અસરગ્રસ્તો ઉપવાસ પર ઉતર્યા હતા. ત્યારે મહાનગરપાલિકાએ મધ્યસ્થી કરીને ન્યાય આપવા બાહેંધરી આપી હતી. પરંતુ સ્થાનિકોના કહેવા પ્રમાણે મેયરે હવે કોન્ટ્રાક્ટરને બ્લેકલીસ્ટ કરી દીધો છે. કોન્ટ્રાક્ટર ભાડું ચૂકવવા પણ તૈયાર છે. પરંતુ કોન્ટ્રાક્ટરને જ બ્લેકલીસ્ટ કરાયો હોવાથી તેમને ભાડું મળી શકે તેમ નથી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો