ઓગષ્ટમાં દોડશે બુલેટ ટ્રેન, રેલવે પ્રધાન અશ્વિની વૈષ્ણવે જાહેર કર્યું ટાઈમટેબલ !
દેશને ઓગસ્ટ 2027 માં તેની પ્રથમ બુલેટ ટ્રેન મળવાની છે. રેલવે મંત્રી અશ્વિની વૈષ્ણવે શુક્રવારે પ્રોજેક્ટની તમામ વિગતો શેર કરી છે. તેમણે જણાવ્યું હતું કે, ઓગસ્ટ 2027 સુધીમાં ટ્રેનને પાટા પર દોડાવવાની યોજના છે. પ્રોજેક્ટ પર કામ ઝડપથી ચાલી રહ્યું છે. રેલવે મંત્રીએ બુલેટ ટ્રેન અને પ્રોજેક્ટ સંબંધિત એક વીડિયો પણ શેર કર્યો છે.
મુંબઈ અને અમદાવાદ વચ્ચે ઓગસ્ટ 2027 માં બુલેટ ટ્રેન દોડવાનું શરૂ થશે. મુંબઈથી અમદાવાદની મુસાફરી માત્ર બે કલાકમાં શક્ય બનશે. રેલવે મંત્રી અશ્વિની વૈષ્ણવે શુક્રવારે આ માહિતી શેર કરી. એવું જાણવા મળ્યું છે કે 2027 માં સુરતમાં 50 કિલોમીટરના સેક્શન પર પહેલી બુલેટ ટ્રેન દોડશે. મુસાફરો માટે ખુલ્લું મુકવામાં આવનાર બુલેટ ટ્રેનનો આ પહેલો તબક્કો છે. રેલવે મંત્રીએ તેમના સત્તાવાર સોશિયલ મીડિયા પ્લેટફોર્મ, X પર એક વીડિયો પણ શેર કર્યો.
નિર્માણ હેઠળ મુંબઈ બુલેટ ટ્રેન સ્ટેશનનું કામ ઝડપથી ચાલી રહ્યું છે. એવું માનવામાં આવે છે કે પ્રોજેક્ટ જે ગતિએ આગળ વધી રહ્યો છે, તે જોતા એવુ કહી શકાય કે 2027 માં પ્રથમ બુલેટ ટ્રેન પાટા પર દોડશે. આ ટ્રેન મુંબઈ અને અમદાવાદ વચ્ચેનો મુસાફરીનો સમય લગભગ બે કલાક ઘટાડશે. આ ટ્રેન બંને શહેરો વચ્ચે વેપારને પણ સરળ બનાવશે.
106 ફૂટની ઊંડાઈએ સ્ટેશન
બાંદ્રા કુર્લા કોમ્પ્લેક્સ ખાતે મુંબઈ બુલેટ ટ્રેન સ્ટેશન મુંબઈ-અમદાવાદ HSR કોરિડોર પર એકમાત્ર ભૂગર્ભ સ્ટેશન છે. જમીનની સપાટીથી 32.50 મીટર (આશરે 106 ફૂટ) ની ઊંડાઈ સુધી ખોદકામ કરવામાં આવી રહ્યું છે, જે 10 માળની ઇમારતની ઊંચાઈ જેટલી છે. પ્લેટફોર્મ આશરે 26 મીટરની ઊંડાઈએ બનાવવાની યોજના છે. તેમાં પ્લેટફોર્મ, કોનકોર્સ અને સર્વિસ ફ્લોર સહિત ત્રણ માળ હશે.
સ્ટેશનમાં છ પ્લેટફોર્મ હશે
આ રૂટ પરના બધા સ્ટેશનો પર છ પ્લેટફોર્મ હશે. દરેક પ્લેટફોર્મ આશરે 415 મીટર લાંબુ હશે. સ્ટેશન મેટ્રો લાઇન અને રોડવે સાથે જોડાયેલ હશે. આ રેલવે સ્ટેશનો પર બે પ્રવેશદ્વાર અને બે બહાર નીકળવાના રસ્તા બનાવવાની પણ યોજના છે. એક મેટ્રો લાઇન 2B પર નજીકના મેટ્રો સ્ટેશન સુધી પહોંચવાની સુવિધા આપશે, અને બીજો MTNL બિલ્ડિંગ તરફ દોરી જશે.
With modern construction technologies, Bullet train project is progressing at a rapid pace.
Jefferies India Forum 2025 pic.twitter.com/aAPJimfgsq
— Ashwini Vaishnaw (@AshwiniVaishnaw) September 18, 2025
સ્ટેશન પર હશે બધી સુવિધાઓ
મુસાફરોની અવરજવર અને સુવિધાઓ માટે કોનકોર્સ અને પ્લેટફોર્મ સ્તરે પૂરતી જગ્યા પૂરી પાડવા માટે સ્ટેશનનું આયોજન કરવામાં આવ્યું છે. કુદરતી પ્રકાશ માટે સ્કાયલાઇટ પણ પૂરી પાડવામાં આવી છે. સ્ટેશન પર આવતા મુસાફરોને બધી સુવિધાઓનો લાભ મળશે અને તેમને કોઈ અસુવિધાનો સામનો કરવો પડશે નહીં.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
