Breaking News : ખેડૂતો માટે મહત્વના સમાચાર, MSP પર ડાંગર, મકાઈ, બાજરી, જુવાર સહિતના પાકની ખરીદી માટે, 2 ઓક્ટોબરથી નોંધણી શરૂ
નોંધણી દરમિયાન ખેડૂતો દ્વારા રજૂ કરવામાં આવેલા દસ્તાવેજોની ચકાસણી કરવામાં આવશે. જો ચકાસણી દરમિયાન ખોટા અથવા અયોગ્ય દસ્તાવેજો અપલોડ કરવામાં આવ્યા હોવાનું સામે આવશે તો સંબંધિત ખેડૂતનો ક્રમ રદ થઈ શકે છે અને ખરીદી માટે તેમને SMS દ્વારા જાણ કરવામાં આવશે નહીં.
ખેડૂતોની ઓનલાઇન નોંધણી 2 ઓક્ટોબર 2026થી 31 ઓક્ટોબર 2026 દરમિયાન કરવામાં આવશે. જ્યારે નોંધણી કરાવનારા ખેડૂતો પાસેથી નિયત પાકની ખરીદી 16 નવેમ્બર 2026થી 15 જાન્યુઆરી 2027 સુધી કરવામાં આવશે.
કયા પાકનો કેટલો ટેકાનો ભાવ?
ભારત સરકાર દ્વારા ખરીફ માર્કેટિંગ સીઝન 2026-27 માટે વિવિધ પાકોના MSP જાહેર કરવામાં આવ્યા છે. તે મુજબ ડાંગર, મકાઈ, બાજરી, જુવાર અને રાગી માટે નીચે મુજબના ભાવ નક્કી કરવામાં આવ્યા છે.
| પાક | MSP પ્રતિ ક્વિન્ટલ |
|---|---|
| ડાંગર (કોમન) | ₹2,441 |
| ડાંગર (ગ્રેડ-A) | ₹2,461 |
| મકાઈ | ₹2,410 |
| બાજરી | ₹2,900 + ₹300 બોનસ |
| જુવાર (હાઈબ્રિડ) | ₹4,023 + ₹300 બોનસ |
| જુવાર (માલદંડી) | ₹4,073 + ₹300 બોનસ |
| રાગી | ₹5,205 + ₹300 બોનસ |
રાજ્ય સરકાર દ્વારા ખેડૂતોને તેમના પાકનું પોષણક્ષમ વળતર મળી રહે તે હેતુથી આ ખરીદી ગુજરાત રાજ્ય નાગરિક પુરવઠા નિગમ લિમિટેડ મારફતે કરવામાં આવશે.
VCE મારફતે ઓનલાઇન નોંધણી
MSP પર પાક વેચવા ઇચ્છતા ખેડૂતોની નોંધણી રાજ્યભરમાં ગ્રામ્ય કક્ષાએ VCE (Village Computer Entrepreneur) મારફતે કરવામાં આવશે. નોંધણી દરમિયાન ખેડૂત ખાતેદારનું બાયોમેટ્રિક ઓથેન્ટીકેશન કરવામાં આવશે. તેથી ટેકાના ભાવે પાક વેચવા માંગતા ખેડૂતોએ નિયત સમયગાળા દરમિયાન ગ્રામ પંચાયતનો સંપર્ક કરીને ઓનલાઇન નોંધણી કરાવવાની રહેશે.
નોંધણી માટે કયા દસ્તાવેજો જરૂરી?
ઓનલાઇન નોંધણી કરાવવા માટે ખેડૂતોએ નીચેના દસ્તાવેજો સાથે રાખવાના રહેશે:
- આધાર કાર્ડની નકલ
- તાજેતરનો ગામ નમૂનો
- 7/12 ઉતારો
- 8-અની નકલ
- પાકની વાવણીની નોંધ 7/12 અથવા 8-અમાં ન હોય તો તલાટીના સહી-સિક્કા સાથેનો દાખલો
- ખેડૂતના નામનું બેંક ખાતું
- બેંક પાસબુકની ઝેરોક્સ અથવા કેન્સલ ચેક
નોંધણી બાદ SMSથી મળશે ખરીદીની જાણકારી
ટેકાના ભાવે ખરીદી માટે નોંધણી કરાવનારા ખેડૂતોને પાકની ખરીદી અંગે SMS દ્વારા જાણ કરવામાં આવશે. ખરીદીના સમયે ખેડૂતે પોતાનું આધાર કાર્ડ અથવા અન્ય માન્ય ઓળખપત્ર સાથે રાખવાનું રહેશે. ખેડૂત ખાતેદારનું બાયોમેટ્રિક ઓથેન્ટીકેશન થયા બાદ જ પાકનો જથ્થો ખરીદવામાં આવશે.
ખોટા દસ્તાવેજો અપલોડ કરવાથી નોંધણી રદ થઈ શકે
નોંધણી દરમિયાન ખેડૂતો દ્વારા રજૂ કરવામાં આવેલા દસ્તાવેજોની ચકાસણી કરવામાં આવશે. જો ચકાસણી દરમિયાન ખોટા અથવા અયોગ્ય દસ્તાવેજો અપલોડ કરવામાં આવ્યા હોવાનું સામે આવશે તો સંબંધિત ખેડૂતનો ક્રમ રદ થઈ શકે છે અને ખરીદી માટે તેમને SMS દ્વારા જાણ કરવામાં આવશે નહીં.
નિગમ દ્વારા ખેડૂતોને સમયસર નોંધણી કરાવી લેવા અપીલ કરવામાં આવી છે.
હેલ્પલાઇન નંબર
85111 71718, અને 85111 71719 ઉપર નોંધણી પ્રક્રિયા અંગે વધુ માહિતી માટે ખેડૂતો નીચેના હેલ્પલાઇન નંબર પર સંપર્ક કરી શકે છે.
Mehsana Breaking : વિદેશ મોકલવાના નામે ગુજરાતીઓ સાથે મોટો દગો : ઇથોપિયામાં મહેસાણાના 3 સભ્યોનું અપહરણ, ₹70 લાખ ચૂકવ્યા છતાં મુક્તિ નહીં
