Breaking News : અમદાવાદમાં ફટાકડા ફેક્ટરી બ્લાસ્ટ કેસમાં મુખ્ય આરોપી મેહુલ ડોડિયાની કરાઈ ધરપકડ, ગેરકાયદેસર રીતે ધમધમી રહ્યું હતુ કારખાનું

અમદાવાદના વસ્ત્રાલ ગામની સીમમાં આવેલી ફટાકડા ફેક્ટરીમાં ગઈકાલે ભયંકર બ્લાસ્ટની ઘટના બની હતી હવે આ બ્લાસ્ટ કેસમાં પોલીસે મુખ્ય આરોપી અને ફેક્ટરી માલિક મેહુલ ડોડિયાની સાબરમતી વિસ્તારમાંથી ધરપકડ કરી છે. ઘટના બાદથી ફરાર થયેલા મેહુલને ઝડપી પાડવા માટે પોલીસે અલગ-અલગ ટીમો બનાવી શોધખોળ હાથ ધરી હતી.

બ્લાસ્ટ સમયે મેહુલ ડોડિયા ઘટના સ્થળ પર હતો

સમગ્ર મામલાની તપાસ દરમિયાન સામે આવ્યું છે કે બ્લાસ્ટ સમયે મેહુલ ડોડિયા ઘટનાસ્થળે હાજર હતો. પોલીસે આ કેસમાં અગાઉ મેહુલ ડોડિયાની માતા રમીલાબેન ડોડિયા તેમજ તેના ભાગીદાર સાદિક સૈયદની પણ ધરપકડ કરી હતી.

ફેક્ટરીના CCTV ફૂટેજ સામે આવ્યા

મળતી માહિતી મુજબ બ્લાસ્ટના લગભગ 100 મીટર દૂર આવેલી ફેક્ટરીના CCTV ફૂટેજ સામે આવ્યા છે. બ્લાસ્ટ એટલો પ્રચંડ હતો કે નજીકની ફેક્ટરીઓમાં લાગેલા CCTV કેમેરા પણ અચાનક બંધ થઈ ગયા હતા. ફૂટેજમાં ધડાકાની અસરથી નજીકની ફેક્ટરીના બારીના કાચ તૂટી જતા જોવા મળે છે. બ્લાસ્ટનો જોરદાર અવાજ સાંભળતા આસપાસની ફેક્ટરીઓમાં કામ કરતા કર્મચારીઓ બહાર દોડી આવ્યા હતા. ધડાકાની તીવ્રતા એટલી વધુ હતી કે તેની અસર દૂર સુધી જોવા મળી હતી અને નજીકની અનેક ફેક્ટરીઓને પણ નુકસાન પહોંચ્યું હતું.

આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..