Breaking News : ફેન્સી નંબર પ્લેટવાળા સાવધાન, ગુજરાત પોલીસની મેગા ડ્રાઇવમાં 20 દિવસમાં 18 હજારથી વધુ કેસ! 4 હજાર વાહનો ડિટેઇન
ગુજરાતમાં ટ્રાફિક નિયમોના ભંગ સામે ગુજરાત પોલીસે મેગા ડ્રાઇવ શરૂ કરી છે. ખાસ કરીને નંબર પ્લેટ વગરના અને નિયમો વિરુદ્ધ ફેન્સી નંબર પ્લેટ લગાવીને ફરતા વાહનચાલકો સામે કાર્યવાહી કરવામાં આવી રહી છે.
ગુજરાતમાં ટ્રાફિક નિયમોના ભંગ સામે ગુજરાત પોલીસે મેગા ડ્રાઇવ શરૂ કરી છે. ખાસ કરીને નંબર પ્લેટ વગરના અને નિયમો વિરુદ્ધ ફેન્સી નંબર પ્લેટ લગાવીને ફરતા વાહનચાલકો સામે કાર્યવાહી કરવામાં આવી રહી છે. રાજ્યમાં માર્ગ સલામતી જળવાય અને વાહનચાલકો ટ્રાફિક નિયમોનું પાલન કરે તે હેતુથી આ અભિયાન હાથ ધરવામાં આવ્યું છે.
20 દિવસમાં 18 હજારથી વધુ વાહનો સામે કેસ
સમગ્ર માહિતી, @InfoGujarat X (ટ્વિટર) પર શેર કરવામાં આવી છે. મેગા ડ્રાઇવ દરમિયાન માત્ર 20 દિવસમાં 18 હજારથી વધુ વાહનો સામે કેસ નોંધવામાં આવ્યા છે. આ ઉપરાંત નિયમોનું ઉલ્લંઘન કરતા 4 હજારથી વધુ વાહનોને ડિટેઇન કરવામાં આવ્યા છે. ટ્રાફિક નિયમોના ભંગ બદલ પોલીસ દ્વારા કુલ ₹58.56 લાખ જેટલો દંડ પણ વસૂલવામાં આવ્યો છે.
નંબર વગરની અને ફેન્સી નંબર પ્લેટવાળા સાવધાન!
રાજ્યમાં માર્ગ સલામતી સુનિશ્ચિત કરવા અને ટ્રાફિક નિયમોનું કડક પાલન કરાવવા ગુજરાત પોલીસની મેગા ડ્રાઇવ; 20 દિવસમાં 18 હજારથી વધુ વાહનો સામે કેસ કરાયા અને 4 હજારથી વધુ વાહનો ડિટેઇન કરાયા; ટ્રાફિક નિયમોના ભંગ બદલ કુલ ₹58.56 લાખ જેટલો… pic.twitter.com/49MIJibcxK
— Gujarat Information (@InfoGujarat) September 22, 2026
ફેન્સી નંબર પ્લેટને કારણે વાહનની ઓળખ કરવામાં મુશ્કેલી
નંબર પ્લેટ વાહનની ઓળખ માટે અત્યંત મહત્વપૂર્ણ છે. નિયમો વિરુદ્ધની, અસ્પષ્ટ અથવા ફેન્સી નંબર પ્લેટને કારણે વાહનની ઓળખ કરવામાં મુશ્કેલી ઊભી થઈ શકે છે. તેથી વાહનચાલકોને પોતાના વાહન પર સ્પષ્ટ અને સરકારના નિયમો અનુસાર નંબર પ્લેટ લગાવવા માટે પોલીસ દ્વારા અપીલ કરવામાં આવી છે.
ઝુંબેશ આગામી 14 ઓક્ટોબર સુધી ચાલશે
ગુજરાત પોલીસની આ મેગા ડ્રાઇવ હજુ ચાલુ રહેશે. નિયમોનો ભંગ કરનારા વાહનચાલકો સામે દંડનીય કાર્યવાહી વધુ સઘન બનાવવા માટે આ ઝુંબેશ આગામી 14 ઓક્ટોબર સુધી ચાલશે. પોલીસે વાહનચાલકોને ટ્રાફિકના તમામ નિયમોનું પાલન કરવા અને વાહનના દસ્તાવેજો તથા નંબર પ્લેટ નિયમો અનુસાર રાખવા અપીલ કરી છે.
ખાસ કરીને નંબર પ્લેટ સાથે છેડછાડ કરવી, નંબર અસ્પષ્ટ રાખવો અથવા નિયમ વિરુદ્ધની ફેન્સી નંબર પ્લેટ લગાવવી ટાળવા જણાવાયું છે. વાહનચાલકો માટે આ કાર્યવાહી એક મહત્વપૂર્ણ સંદેશ છે કે ટ્રાફિક નિયમોના ઉલ્લંઘન સામે આગામી દિવસોમાં પણ ચેકિંગ અને કાર્યવાહી વધુ કડક બની શકે છે.
આ પણ વાંચો, Breaking News : પ્રિસ્ક્રિપ્શન વગર પેનકિલર લેતા પહેલાં 100 વાર વિચારજો, કિડની ફેલ થવાના જોખમ સામે CDSCO નો મોટો આદેશ !
