અમદાવાદ: લાંભા વિસ્તારમાંથી ઝડપાયો ડિગ્રી વગરનો નકલી ડૉકટર, ક્લિનિકને તાળા મારી દેવાયા

ડિગ્રી નથી પણ દવા મળશે, બાટલો પણ ચડાવી આપવામાં આવશે. વાત છે લાંભાની જ્યાં ‘રોગો કે દુશ્મન’ નામથી ક્લિનિક ચલાવતો બોગસ ડૉક્ટર ઝડપાયો છે. જે લાંભામાં છેલ્લા 15 વર્ષથી બેરોકટોક ક્લિનિક ચલાવતો હતો. શિવકુમાર પ્રસાદ નામનો શખ્સ એલોપેથીની સારવાર કરતો હતો. આજે કોર્પોરેશની આરોગ્ય વિભાગની ટીમ ક્લિનિક પર ત્રાટકી હતી. તપાસ દરમિયાન ડૉક્ટર પાસે ગુજરાતની કોઈ ડિગ્રી ન હોવાથી ક્લિનિકને તાળા મારી દેવાયા છે.

Web Stories View more

મુકેશ અંબાણીનું Jio 28 દિવસ આપશે ફ્રી કોલિંગ સાથે એકસ્ટ્રા ડેટા, આ છે પ્લાન

કથાકાર જયા કિશોરીએ જણાવી ડાર્ક સર્કલ ઘટાડવાની સરળ રીત, તમે પણ જાણી લો

IPL 2024માં ચમકી ક્રિકેટર પૃથ્વી શૉની ગ્લેમરસ ગર્લફ્રેન્ડ, જુઓ તસવીર

રાજધાની..શતાબ્દી જ નહીં, જ્યારે આ ટ્રેન પાટા પર દોડે છે ત્યારે વંદે ભારત પણ અટકી જાય છે

આ કોમેડિયન માત્ર હસાવવા માટે લે છે 5 કરોડ રુપિયા

1...2...3...4! ઉનાળામાં કારનું AC ક્યાં નંબર પર રાખવું જોઈએ?

ડૉક્ટર પાસેથી ઈન્જેક્ટેબલ મટિરિયલ અને દવાનો જથ્થો જપ્ત કરવામાં આવ્યો છે. આ ડૉક્ટર સ્થાનિક લોકોને બિમારીના સમયે દવાઓ આપવા સુધી જ નહીં, પરંતુ ઈન્જેક્શન આપવા, બોટલ ચડાવવી તેમજ ટાંકા લઈને પણ સારવાર કરી આપતો હતો. કોર્પોરેશનના અધિકારીનું કહેવું છે કે ક્લિનિકમાં બાયો મેડિકલ વેસ્ટની પણ કોઈ વ્યવસ્થા નહોતી.

ત્યારે બીજીતરફ ડૉક્ટરનો દાવો છે કે તેની પાસે બિહારની ડિગ્રી છે. તેણે આયુર્વેદિક મેડિલક કાઉન્સિલ ઓફ પટનાની ડિગ્રી મેળવેલી છે અને તેમાં લખ્યું છે કે તે ભારતમાં ગમે ત્યાં પ્રેક્ટિસ કરી શકે છે. જો કે પોતે એ પણ સ્વીકારી રહ્યો છે કે ગુજરાતમાં પ્રેક્ટિસ માટે 2 વખત મંજૂરી માગી હતી, પરંતુ હજુ સુધી મંજૂરી મળી નથી અને ત્રીજી વખત અરજી કરેલી છે.

તો સવાલ એ પણ થાય છે કે આખરે આવા ડિગ્રી વગરના કેટલા ડૉક્ટર શહેરમાં લોકોના આરોગ્ય સાથે ચેડા કરવા ક્લિનિક ખોલીને બેઠા છે? આ ડૉક્ટર 15 વર્ષથી ડિગ્રી વગર ક્લિનિક ચલાવતો હતો. જેની જાણ કોર્પોરેશનને છેક હવે થાય છે? અત્યાર સુધી કોર્પોરેશનનું આરોગ્ય વિભાગ શું કરતું હતું?

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ પણ વાંચો: દારૂબંધીના ધજાગરા, ભાજપના નગરસેવકની ‘મહેફિલ’નો VIDEO થયો વાયરલ