રાજકોટ શહેરમાં સોસાયટી વિસ્તારના લોકો ભારે પરેશાન હતા. આ સોસાયટી વિસ્તારના લોકોની સમસ્યા એક જ હતી કે તેમના વિસ્તારમાં અન્ય ધર્મના લોકો રહેઠાણ ખરીદી રહ્યાં હતા. આ અંગે વ્યાપક આક્રોશ ફેલાયેલો હતો. ભાજપના સ્થાનિક ધારાસભ્ય દર્શિતા શાહ સમક્ષ પણ અવારનવાર રજૂઆતો કરવામાં આવી હચી. છેલ્લે તો, ખુદ ભાજપના મહિલા ધારાસભ્ય દર્શિતા શાહે, અશાંત ધારો લાગુ કરવાની માંગ કરી રહેલા સ્થાનિકોના ટોળાની આગેવાની લઈને જિલ્લા કલેકટરની કચેરીએ મોરચો લઈ ગયા હતા. આ ઘટનાને મહિનાઓ થતા, ગુજરાત સરકારે 16 જાન્યુઆરી 2031 સુધી અશાંત ધારો લંબાવવાનો નિર્ણય કર્યો છે. જેના પગલે સ્થાનિકોને પાંચ વર્ષ રાહત મળી છે. સાથે સાથે ભાજપના મહિલા ધારાસભ્યને પણ તેમની રજૂઆત ફળી હોવાની લાગણી થઈ છે.

રાજકોટ શહેરના સોસાયટી વિસ્તારમાં અશાંત ધારાની મુદત પૂરી થઈ જતા, કેટલાક વિધર્મી લોકોએ તેમના વિસ્તારમાં રહેણાક મકાનો ખરીદયા હતા. જેની સામે સ્થાનિકોમાં ભારે રોષની લાગણી ફેલાઈ હતી. સ્થાનિકો અશાંત ધારો પુનઃ લાગુ કરવા માટે જનઆંદોલન કર્યું પરંતુ તેનું કોઈ ફળદાયી પરિણામ આવ્યું નહોતુ. જો કે, નિરાશ થયેલા સ્થાનિકોએ લડત ચાલુ રાખી અને લડતનો મોરચો સ્થાનિક ધારાસભ્ય તેમજ સાંસદ તરફ માંડ્યો હતો. આ ઘટનાના ત્વરીત પરિણામ સ્થાનિકોને જોવા મળ્યા હતા. રાજકોટના ભાજપના મહિલા ધારાસભ્ય દર્શિતા શાહે, જિલ્લા કલેકટર કચેરી સુધી અશાંત ધારો ઈચ્છતા લોકોના ટોળાની આગેવાની લીધી હતી. જિલ્લા કલેકટરને દર્શિતા શાહની આગેવાનીમાં પ્રતિનિધિમંડળે આવેદન પત્ર પાઠવ્યું હતું.

આ પણ વાંચોઃ ગત 25 ડિસેમ્બરના રોજ, દર્શિતા શાહે અશાંત ધારો ઈચ્છતા નાગરિકોના ટોળાની આગેવાની લીધી હતી