પહેલા અહંકારમાં પોલીસને ગાળો ભાંડી અને હવે ઘૂંટણિયે પડી માંફી માંગી રહ્યો છે… જાણો ફેમસ બનવાના ચક્કરમાં લોકઅપમાં પહોંચેલા યુવાનની કહાની

ભરૂચ(Bharuch)માં પોલીસને ગાળો ભાંડતો શોર્ટ વિડીયો બનાવવો એક બુટલેગરને ભારે પડ્યો છે. લક્ઝુરિયસ કારમાં પોલીસને અપશબ્દો બોલતો વિડીયો બનાવી અહંકાર સાથે મૂછમાં મલકાતાં શક્શને ભરૂચ પોલીસે(Bharuch Police) ઘૂંટણિયે બેસાડી બે હાથ જોડી માફી મંગાવી છે. ધ્રુવ પટેલ નામનો શક્શ વિડીયો વાઇરલ થતા ફરાર થઇ ગયો હતો જેની સૂરત ખાતેથી ધરપકડ કરવામાં આવી છે. ધરપકડ બાદ ધ્રુવ ભરૂચમાં દારૂ ના વેપલાના બે બનાવોમાં વોન્ટેડ હોવાનું બહાર આવતા આ ગુનાઓમાં તેની ધરપકડ કરવામાં આવી હતી. ભરૂચ સી ડિવિઝન પોલીસ સ્ટેશનના પોલીસ ઇન્સ્પેકટર ડી પી ઉનડકટે(C Division PI D. P. Unadkat) જણાવ્યું હતું કે આરોપી વિરુદ્ધ વોન્ટેડ ગુનાઓ અને વાઇરલ વિડીયો બાબતે કાયદેસરની કાર્યવાહી હાથ ધરવામાં આવી રહી છે.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

#Bharuch :પોલીસને ગાળો ભાંડતો શોર્ટ વિડીયો બનાવવો ભારે પડ્યો

ધ્રુવ પેટેલ નામના શકશની ધરપકડ કરી પોલીસે માફી મંગાવી.

ભરૂચ સી ડિવિઝન પોલીસે વિડીયો જાહેર કર્યો pic.twitter.com/VQTzu3LM2B

— Tv9 Gujarati (@tv9gujarati) May 18, 2022

ભરૂચના ઝાડેશ્વર વિસ્તારમાં રહેતા ધ્રુવ પટેલ નામના શકશે તાજેતરમાં એક શોર્ટ વિડીયો બનાવી વાઇરલ કર્યો હતો. આ વીડિયોમાં લક્ઝુરિયસ કાર ડ્રાઇવ કરતા સમયે ધુવ અહંકાર સામે મલકાતો દેખાય છે જે પાછળ બેકગ્રાઉન્ડમાં પોલીસ વિશે અપશબ્દોના ઉચ્ચારણ સાથે મ્યુઝિક પ્લે થઇ રહ્યું છે. આ વિડીયો વાઇરલ થતા પોલીસે ધ્રુવની શોધખોળ શરૂ કરી હતી જે બાબતની તેને જાણ થઇ જતા તે ફરાર થઇ ગયો હતો. પોલીસે ઝાડેશ્વર અને ધ્રુવના પરિચિતોમાં તેની શોધખોળ શરૂ કરી હતી.

મંગળાવરે ધુવ સુરતમાં હોવાની ભરૂચ સી ડિવિઝન પોલીસ સ્ટેશનના પોલીસ ઇન્સ્પેકટર ડી પી ઉનડકટને માહિતી મળતા ટીમ રવાના કરવામાં આવી હતી. પોલીસની કાર્યવાહીમાં ધ્રુવ ઝડપાઇ ગયો હતો જેને ભરૂચ લાવવામાં આવ્યો હતો. અટકાયત બાદ પોલીસે આ શક્શને મેથીપાક ચખાડી તેના ઘમંડને ચકચૂર કર્યું હતું. પોલીસે એક વિડીયો જાહેર કર્યો હતો જેમાં ઘૂંટણિયે બેસેલો ધ્રુવ પટેલ પોલીસ અધિકારીઓ સમક્ષ માફી માંગી રહ્યો છે. આ શકશે પોલીસને ફરી ક્યારેય આ પ્રકારની હરકત નહીં કરવાનું પણ વારંવાર વચન આપ્યું હતું.

સી ડિવિઝન પોલીસ સ્ટેશનના પોલીસ ઇન્સ્પેકટર ડી પી ઉનડકટે જણાવ્યું હતું કે ધ્રુવ પટેલ એક બુટલેગર છે જે તાજેતરના બે થી ત્રણ ગુનાઓમાં વોન્ટેડ પણ છે. દારુની બદી ફેલાવવાના તેના ઉપર કેસ નોંધાયેલા છે. પોલીસ માટે આપતિજનક વિડીયો બનાવવા ઉપરાંત દારૂના વોન્ટેડ કેસોમાં પણ તેના વિરુદ્ધ કાર્યવાહી કરવામાં આવી રહી છે.