ઉત્તર ગુજરાતના આ તાલુકાના ખેડૂતો વરસાદના ટીંપા માટે તરસી રહ્યા છે, ભાભરમાં સૌથી ઓછો વરસ્યો

ગુજરાતમાં એકતરફ વરસાદી માહોલ જુન માસથી શરુ થયો છે. જોકે હજુ પણ રાજ્યમાં કેટલાક વિસ્તારો વરસાદની રાહ જોઈ રહ્યા છે. ખાસ કરીને ઉત્તર ગુજરાતના કેટલાક તાલુકાઓમાં પુરા 10 ટકા વરસાદ પણ નોંધાયો નથી. જેને લઈ આ વિસ્તારના ખેડૂતોથી લઈ સ્થાનિકોની ચિંતા વધી ચૂકી છે. ઉત્તર ગુજરાતના મોટાભાગના જળાશયોમાં પણ નવી આવકો નોંધાઈ નથી.

બનાસકાંઠા, અરવલ્લી, સાબરકાંઠા, પાટણ અને મહેસાણા આ પાંચેય જિલ્લામાં એવા કેટલાક વિસ્તારો છે. કે જ્યાં વરસાદનું પ્રમાણમાં રાજ્યના અને સ્થાનિક જિલ્લાના અન્ય તાલુકાઓના પ્રમાણમાં ઓછું છે. ભાભરમાંતો માંડ એક ટકો પણ વરસાદ હજુ સુધીમાં નોંધાયો નથી.

ભાભરમાં માંડ ફોરા વરસ્યા

રાજ્યામાં અનેક વિસ્તારોમાં રસ્તાઓ પર પાણી વહેતા હોય એવા દૃશ્યો જોવા મળી રહ્યા છે. તો બીજી તરફ વરસાદના એક એક ટીંપા માટે અનેક વિસ્તારના ખેડૂતો અને સ્થાનિકો તરસી રહ્યા છે. આ વિસ્તારમાં અત્યાર સુધીમાં માંડ વરસાદના ફોરા વરસ્યા હોય એવી સ્થિતિ છે. ઉત્તર ગુજરાતમાં સૌથી ઓછો વરસાદ ભાભરમાં નોંધાયો છે. ચોમાસુ શરુ થવાથી અત્યાર સુધી અહીં ગત શનિવાર સુધીમાં માંડ 4 મિલીમીટર વરસાદ નોંધાયો છે. જે માંડ પોણો ટકો વરસાદ નોંધાયો છે. આવી સ્થિતિમાં ભાભર અને આસપાસના વિસ્તાર માટે ચિંતા સર્જાઈ છે.

Web Stories View more

સરફરાઝ ખાન બન્યો પિતા, જુઓ ફોટો

રોજ સવારે 1 કાચું આમળું ખાવાથી જાણો શું થાય છે?

માત્ર 20 રૂપિયામાં તમને મળશે સોના જેવો નિખાર, સ્કીન માટે વરદાન છે આ વસ્તુ

ગુલાબના છોડમાં નાખી દો આ વસ્તુ, ફુલોનો થશે ઢગલો

Lawrence : લેટિન ભાષાનો શબ્દ છે લોરેન્સ, આ નામનો અર્થ શું થાય?

દિવાળી પર ગૃહિણીઓ આ કાર્યો દ્વારા કમાઈ શકો છો હજારો રુપિયા

ભાભરમાં અંતિમ ત્રીસ વર્ષમાં નોંધાયેલ વરસાદ મુજબ સરેરાશ 527 મીમી વરસાદ સિઝનમાં વરસતો હોય છે. એટલે કે ચોમાસામાં 21 ઈંચ સરેરાશ વરસાદ નોંધાતો હોય છે. જુલાઈ માસનું પ્રથમ સપ્તાહ પણ વીતી ચૂક્યું છે, પરંતુ મેઘરાજાની સવારી આ વિસ્તારમાં નહીં પહોંચતા ચિંતા છવાઈ છે. જુલાઈના પ્રથમ સપ્તાહના અંત સુધી જોવામાં આવે તો રાજ્યમાં સૌથી ઓછો વરસાદ ભાભર તાલુકામાં નોંધાયો છે.

આ તાલુકાઓમાં 10 ટકાથી ઓછો વરસાદ

ઉત્તર ગુજરાતમાં એવા 9 તાલુકાઓ છે, જ્યાં માંડ 10 ટકા પણ પુરો વરસાદ નોંધાયો નથી. ઉત્તર ગુજરાતમાં એક તરફ બનાસકાંઠાના લાખણી અને દાંતા તાલુકામાં 40 ટકાથી વધારે વરસાદ નોંધાયો છે. દાંતામાં સિઝનનો અડધો અડધ વરસાદ વરસી ચૂક્યો છે. પરંતુ દાંતાની નજીક રહેલા અમીરગઢ તાલુકામાં વરસાદ 10 ટકા પણ વરસ્યો નથી.

બનાસકાંઠાના અમીરગઢ અને ભાભર, પાટણના શંખેશ્વર અને સમી, મહેસાણાના ખેરાલુ અને ઊંઝા તથા સાબરકાંઠાના વિજયનગર તેમજ અરવલ્લીના બાયડ અને માલપુર તાલુકઓમાં 10 ટકાથી ઓછો વરસાદ નોંધાયો છે.

10 ટકાથી ઓછો વરસાદ નોંધાયેલ તાલુકા

• ઊંઝાઃ 9.88
• અમીરગઢઃ 7.92
• વિજયનગરઃ 7.87
• બાયડઃ 7.66
• શંખેશ્વરઃ 7.50
• સમીઃ 7.22
• ખેરાલુઃ 6.04
• ભાભરઃ 0.76
• માલપુરઃ 5.53

(તા. 06 જુલાઈ, 2024 ની સવારે 6 કલાક સુધી નોંધાયેલ આંકડાઓ મુજબ)

આ પણ વાંચો: ઉદયપુર-અમદાવાદ નેશનલ હાઈવેને હરિયાળો બનાવવા MPનું સૂચન, શામળાજીની સમસ્યા પણ નિવારાશે

ગુજરાતના તમામ જિલ્લાના સમાચાર વાંચવા માટે અહીં ક્લિક કરો