બનાસકાંઠા બેઠક પર મહિલાઓ વચ્ચે જંગ, ડો. રેખા ચૌધરી સામે કોંગ્રેસના ગેનીબેન ઠાકોર

બનાસકાંઠા લોકસભા બેઠક પર ભાજપ બાદ હવે કોંગ્રેસે પણ મહિલા ઉમેદવારને મેદાને ઉતાર્યા છે. કોંગ્રેસે ક્ષત્રિય ઠાકોર કાર્ડ બનાસકાંઠામાં ખોલ્યુ છે. અહીં પહેલાથી જ માનવામાં આવી રહ્યુ હતું અને એ જ મુજબ હવે કોંગ્રેસે મહિલા ઉમેદવારને પસંદ કર્યા છે. આમ હવે રેખાબેન ચૌધરી અને ગેનીબેન ઠાકોર વચ્ચે ટક્કર જામશે.

કોંગ્રેસે ગેનીબેનને ઉતાર્યા

Avnish Goswami | Updated on: Mar 12, 2024 | 8:21 PM

બનાસકાંઠા લોકસભાની ચૂંટણીને લઈ કોંગ્રેસે ઉમેદવારને જાહેર કર્યા છે. ગેનીબેન ઠાકોરને બનાસકાંઠા બેઠક પર ઉમેદવાર તરીકે મેદાને ઉતાર્યા છે. ગેનીબેન ઠાકોર વાવ બેઠક પરથી વર્તમાન ધારાસભ્ય છે. તેઓ પ્રથમવાર વિધાનસભાની ચૂંટણી 2017માં લડવા માટે મેદાને ઉતરતા ભાજપના દિગ્ગજ નેતા શંકર ચૌધરીને હરાવીને ધારાસભ્ય તરીકે વિજયી થયા હતા.

કોંગ્રેસે હવે ધારાસભ્ય ગેનીબેનને ભાજપના શિક્ષિત મહિલા ઉમેદવાર ડો. રેખાબેન ચૌધરી સામે મેદાને ઉતાર્યા છે. રેખાબેન આંજણા ચૌધરી સમાજમાંથી આવે છે અને તેમના પરિવારનો સમાજ પર પ્રભાવ છે. જ્યારે ગેનીબેન ક્ષત્રિય ઠાકોર સમાજમાંથી આવે છે અને તેઓ રાજકીય અને સામાજીક રીતે પ્રભાવ ધરાવે છે.

ગેનીબેન આપશે ટક્કર

વર્ષ 2017માં કોંગ્રેસે વાવ બેઠક પર વિધાનસભાની ચૂંટણી માટે ઉમેદવાર તરીકે ગેનીબેન ઠાકોરને પસંદ કર્યા હતા. તેઓને સતત બીજી વાર આ બેઠક માટે પસંદ કરવામાં આવ્યા હતા. ગેનીબેન આ પહેલા 2012 માં શંકર ચૌધરી સામે કોંગ્રેસના ઉમેદવાર તરીકે ઉતર્યા હતા અને તેઓની મોટા અંતરથી હાર થઈ હતી. બાદમાં 2017માં ફરીથી ભાજપના શંકર ચૌધરી સામે મેદાને ઉતરતા 6 હજાર કરતા વધારે મતથી જીત મેળવી હતી. જ્યારે 2022માં ભાજપના સ્વરુપજી ઠાકોર સામે પણ ગેનીબેને મોટા અંતરથી જીત નોંધાવી હતી. આમ સળંગ બીજી વાર ધારાસભ્ય તરીકે જીત મેળવી હતી.

Web Stories View more

શું ફોન સ્વીચ ઓફ હોય તો ઝડપથી ચાર્જ થાય? જાણો સાચો જવાબ

નીતા અંબાણી સવાર થી સાંજ સુધી આખો દિવસ શું કરે છે? જાણો તેમનું શેડ્યૂલ

ગરમીમાં વધારે પડતી ના ખાતા કાકડી ! નહી તો થઈ શકે છે આ સમસ્યા

પાકિસ્તાની યુવતીના શરીરમાં ધબક્યું ભારતીય હ્રદય, કહ્યું- થેંક્યું ઈન્ડિયા

એલિસ પેરીને ભૂલી જશો, જુઓ મુંબઈ ઈન્ડિયન્સની ખૂબસૂરત ક્રિકેટર એમેલિયા કેરની તસવીરો

ગેનીબેનને ગત વિધાનસભાની ચૂંટણીના પરિણામો બાદથી જ લોકસભાની ઉમેદવાર તરીકે જોવામાં આવી રહ્યા હતા. એ અણસારો મુજબ જ કોંગ્રેસે તેમની પસંદગી કરી છે. ગેનીબેનને મેદાને ઉતારવા પાછળ કોંગ્રેસ ઉત્તર ગુજરાતમાં ક્ષત્રિય ઠાકોર સમીકરણને ધ્યાને રાખી રહ્યુ છે.

ડો. રેખાબેન ચૌધરી વિશે જાણો

ભાજપના ઉમેદવાર તરીકે બેઠક પર પ્રથમવાર મહિલા ઉમેદવારને પસંદ કરવામાં આવ્યા છે. ભાજપે રેખાબેન હિતેષભાઈ ચૌધરીને પસંદ કર્યા છે. રેખાબેન ચૌધરી વ્યવસાયે 20 વર્ષથી પ્રોફેસર છે. ડો. રેખાબેન ચૌધરી 44 વર્ષના છે, તેમજ તેઓ મેથેમેટિક્સમાં PhD ની ડિગ્રી ધરાવે છે. રેખાબેને M.Sc., M. Phill નો અભ્યાસ કરેલ છે. આમ શિક્ષિત ઉમેદવાર તરીકે તેમની પસંદગી કરવામાં આવી છે.

તેઓ ચૌધરી સમાજના અગ્રણી ગલબાભાઇ ચૌધરીના પરિવારમાંથી આવે છે. ગલબાભાઇ પટેલના તેઓ પૌત્રી છે. બનાસ ડેરીના આદ્ય સ્થાપક છે, ગલબાભાઈ અને જિલ્લાના પશુપાલકોમાં તેમનો પ્રભાવ રહ્યો છે.