Breaking News : ગ્રામ પંચાયતની ચૂંટણીના થોડા જ કલાકો પહેલા ગુજરાત કોંગ્રેસના જિલ્લા અને મહાનગરોના પ્રમુખોની જાહેરાત, જુઓ List

ગુજરાત કોંગ્રેસે સંગઠન સૃજન અભિયાન અંતર્ગત મહત્વપૂર્ણ પગલાં લેતા રાજ્યના જિલ્લા અને મહાનગર પ્રમુખોની નવી યાદી જાહેર કરી છે. આ નવી જાહેરાતમાં કેટલાક આગલા પ્રમુખોને ફરીથી જવાબદારી આપવામાં આવી છે, જ્યારે કેટલાક વિસ્તારોમાં નવા ચહેરાઓને તક મળી છે.

અમદાવાદ શહેર કોંગ્રેસના પ્રમુખ તરીકે સોનલ પટેલની વરણી કરવામાં આવી છે. તેમને અનેક પૂર્વ ધારાસભ્યો અને પૂર્વ સાંસદોના સહકાર સાથે શહેર સંગઠનની સુકાન સોંપવામાં આવી છે. પાર્ટી કાર્યકર્તાઓમાં આ જાહેરાત બાદ નવી ઉર્જા જોવા મળી રહી છે.

ગુજરાત કોંગ્રેસે આ પસંદગીને સંગઠન મજબૂત કરવાની દિશામાં એક મહત્વપૂર્ણ પગથિયું ગણાવ્યું છે. આગામી લોકસભા અને વિધાનસભા ચૂંટણીને ધ્યાને લઈ પાર્ટી સંગઠનાત્મક માળખું મજબૂત કરવા માટે આ બધી નિયુક્તિઓ કરાઈ છે.