Ahmedabad : મુંબઇ સેન્ટ્રલ-ગાંધીનગર શતાબ્દી એક્સપ્રેસમાં કાયમી ધોરણે બે વિસ્ટા ડોમ કોચ ઉમેરાશે

Ahmedabad : મુંબઇ સેન્ટ્રલ-ગાંધીનગર શતાબ્દી એક્સપ્રેસમાં કાયમી ધોરણે  બે વિસ્ટા ડોમ કોચ ઉમેરાશે
Shatabi Express Vistadom Coach (File Image)

મુંબઇ સેન્ટ્રલ - ગાંધીનગરની શતાબ્દી એક્સપ્રેસમાં(Shatabdi Express) એક વિસ્ટા ડોમ કોચ વચગાળાના સમયગાળા દરમિયાન 12.05.2022 થી 16.05.2022 સુધી ઉમેરવામાં આવ્યો છે. આ વિસ્ટા ડોમ કોચની બેઠક કોચ દીઠ 44 મુસાફરોની બેઠક ક્ષમતા છે, જે મુસાફરોને શ્રેષ્ઠ મુસાફરીનો અનુભવ પૂરો પાડે છે.કોચમાં કાચની મોટી વિંડોઝ, સ્ટેઇન્ડ ગ્લાસ છત, ફરતી બેઠકો અને નિરીક્ષણ લાઉન્જ છે,

Darshal Raval

| Edited By: Chandrakant Kanoja

May 12, 2022 | 6:23 PM

ગુજરાતમાં  વેસ્ટર્ન રેલવે(Western Railway)  મુસાફરોને સારી સુવિધા આપવા માટે કાર્યશીલ છે ત્યારે રેલવે વિભાગે મુસાફરોને ધ્યાને રાખી વધુ એક નિર્ણય લીધો છે. જેમાં પાયલોટ ધોરણે મુંબઇ સેન્ટ્રલ – ગાંધીનગરની શતાબ્દી એક્સપ્રેસમાં(Shatabdi Express)  વિસ્ટા ડોમ કોચ(Vistadom Coach) ઉમેરવા છેલ્લા એક મહિનામાં મુસાફરો તરફથી મળેલા સારા પ્રતિસાદને ધ્યાનમાં રાખીને વેસ્ટર્ન રેલ્વેએ હવે આ ટ્રેનમાં કાયમી ધોરણે બે વિસ્ટા ડોમ કોચ ઉમેરવાનો નિર્ણય લીધો છે. જે કોચ 17 મી મે 2022 થી જોડી દેવાશે.વેસ્ટર્ન રેલ્વેના ચીફ પબ્લિક રિલેશન ઓફિસર સુમિત ઠાકુર જણાવ્યું કે ટ્રેન નંબર 12009/10 મુંબઇ સેન્ટ્રલ – ગાંધીનગરની રાજધાની શતાબદી એક્સપ્રેસમાં 17.05.2022 થી અસરકારક રીતે બે વિસ્ટા ડોમ કોચ સાથે કાયમી ધોરણે જોડવામાં આવશે.

ઉલ્લેખનીય છે કે એક વિસ્ટા ડોમ કોચ વચગાળાના સમયગાળા દરમિયાન 12.05.2022 થી 16.05.2022 સુધી ઉમેરવામાં આવ્યો છે. આ વિસ્ટા ડોમ કોચની બેઠક કોચ દીઠ 44 મુસાફરોની બેઠક ક્ષમતા છે, જે મુસાફરોને શ્રેષ્ઠ મુસાફરીનો અનુભવ પૂરો પાડે છે.કોચમાં કાચની મોટી વિંડોઝ, સ્ટેઇન્ડ ગ્લાસ છત, ફરતી બેઠકો અને નિરીક્ષણ લાઉન્જ છે, જેના કારણે મુસાફરોને બહારના મનોહર દૃશ્યોનો આનંદ માણવા દે છે.

વિસ્ટા ડોમ કોચનું બુકિંગ હવે શતાબ્દી એક્સપ્રેસના અન્ય કોચ સાથે એકીકૃત કરવામાં આવ્યું છે અને હવે તે પીઆરએસ કાઉન્ટર્સ અને આઇઆરસીટીસી વેબસાઇટ પર ટ્રેન નંબર 12009/12010 મુંબઇ સેન્ટ્રલ – ગાંધીનગર કેપિટલ શતાબદી એક્સપ્રેસ હેઠળ ઉપલબ્ધ છે. તેમજ ટ્રેન સ્ટોપેજ, સ્ટ્રક્ચર અને ટાઇમિંગ્સ વિશેની વિગતવાર માહિતી માટે, મુસાફરો www.enquiry.indianreail.gov.in ની મુલાકાત લઈ શકે છે.

Follow us on

Related Stories

Most Read Stories

Click on your DTH Provider to Add TV9 Gujarati