Ahmedabad: લગ્નની લાલચ આપી વિધર્મી યુવકે યુવતીને ફસાવી, યુવતી ગર્ભવતી થતા લગ્નનો ઈનકાર કરી તરછોડી, નોંધાઈ દુષ્કર્મની ફરિયાદ
Ahmedabad: વધુ એક હિંદુ યુવતી સાથે થઈ છેતરપિંડી. વિધર્મી યુવકે લગ્નની લાલચ આપી હિંદુ યુવતીની સાથે શરીર સંબંધ બાંધ્યા. યુવતીને ગર્ભ રહી જતા લગ્ન કરવાનું કહ્યું તો યુવકે લગ્ન કરવાનો ઈનકાર કરી દીધો. સમગ્ર મામલે યુવતીએ યુવક સામે બળાત્કારની ફરિયાદ નોંધાવી છે.
Ahmedabad: શહેરમાં વધુ એક યુવતી લવ સેક્સ ઔર ધોખાનો ભોગ બની છે. વિધર્મી યુવકે વધુ એક યુવતીને પ્રેમજાળમાં ફસાવી દુષ્કર્મ આચરવાનો બનાવ સામે આવ્યો છે. શહેરના દાણીલીમડા પોલીસ સ્ટેશનમાં હિંદુ યુવતીએ વિધર્મી યુવક સામે દુષ્કર્મની ફરિયાદ નોંધાવી છે.
લગ્નની લાલચ આપી યુવતી સાથે આચર્યુ દુષ્કર્મ
યુવકે યુવતીને લગ્નની લાલચ આપી પ્રેમજાળમાં ફસાવી તેની સાથે શરીર સંબંધ બાંધવા મજબુર કરી હતી. બાદમાં યુવતીને ગર્ભ રહી જતા યુવકે લગ્ન કરવાનો ઈનકાર કરી દીધો. સમગ્ર મામલે યુવતીએ દાણીલીમડા પોલીસ મથકમાં ફરિયાદ નોંધાવી છે. પોલીસે ફરિયાદને આધારે આરોપીની ધરપકડ કરી છે.
યુવકે અવારનવાર લગ્નની લાલચ આપી અલગ અલગ જગ્યાએ લઈ જઈ બાંધ્યા શરીર સંબંધ
સમગ્ર કિસ્સાની વાત કરીએ તો દોઢ વર્ષ પહેલા ફરિયાદી યુવતી અને અશરફ અન્સારી એક સાથે નોકરી કરતા હતા, જ્યાંથી એકબીજાના સંપર્કમાં આવ્યા હતા. જોકે બાદમાં બંને વચ્ચે ગાઢ મિત્રતા બંધાઈ ગઈ હતી. જોકે યુવકે યુવતીને અવાર નવાર લગ્નની લાલચ આપી હતી અને અલગ અલગ જગ્યાએ લઈ જઈ બળાત્કાર ગુજાર્યો હતો અને યુવતીને ગર્ભવતી બનાવી હતી.
યુવતીને ગર્ભવતી બનાવી યુવકે તરછોડી દીધી
ગર્ભ રહી જતા યુવતીએ યુવકને લગ્ન કરી લેવાનું કહેતા યુવકે ઈનકાર કર્યો હતો, જેથી યુવતીએ પોલીસ મથકમાં યુવક અશરફ અંસારી વિરૂદ્ધ ફરિયાદ નોંધાવી હતી. દાણીલીમડા પોલીસે આરોપી વિરુદ્ધ ગુનો નોંધી વધુ તપાસ હાથ ધરી છે. પોલીસની પ્રાથમિક તપાસમાં સામે આવ્યું છે કે યુવતીને હાલ 5 માસનો ગર્ભ પણ છે.
અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
