Ahmedabad Plane Crash: ફ્યુઅલની સ્વીચ કોણે બંધ કરી? બન્ને પાઇલટની વાતચીત બાદ ઉઠ્યા સવાલ

અમદાવાદથી લંડન જતી એર ઇન્ડિયાની ફ્લાઇટ 12 જૂને ક્રેશ થઈ હતી. આ અકસ્માતે બધાને ચોંકાવી દીધા હતા. આ વિમાન દુર્ઘટનામાં ઓછામાં ઓછા 270 લોકો માર્યા ગયા હતા. આ દુર્ઘટનાના એક મહિના પછી, તપાસ અહેવાલ હવે બહાર આવ્યો છે. આ અહેવાલમાં ઘણા મહત્વપૂર્ણ ખુલાસા થયા છે.

અહેવાલ દર્શાવે છે કે ટેકઓફ પછી થોડીક સેકન્ડોમાં, એન્જિનનો ફ્યુઅલ સ્વીચ ‘RUN’ થી ‘CUTOFF’ થઈ ગયો. આ 15 પાનાનો અહેવાલ એરક્રાફ્ટ એક્સિડેન્ટ ઇન્વેસ્ટિગેશન બ્યુરો (AAIB) દ્વારા શનિવારે વહેલી સવારે જાહેર કરવામાં આવ્યો છે.

અકસ્માત પહેલા પાઇલટ્સે શું વાત કરી હતી?

આ અહેવાલમાં ખુલાસો થયો છે કે ફ્યુઅલ બંધ કરવા અંગે પાઇલટ્સ વચ્ચે મૂંઝવણ હતી. એર ઇન્ડિયા ફ્લાઇટ 171 ના બંને એન્જિનને ઇંધણ પૂરું પાડતી બંને સ્વીચો બંધ કરવામાં આવી હતી, જેના પછી પાઇલટ્સ મૂંઝવણમાં મુકાયા હતા અને ટેકઓફ પછી થોડીક સેકન્ડોમાં અમદાવાદમાં વિમાન ક્રેશ થયું. કોકપીટ વોઇસ રેકોર્ડિંગમાં, એક પાઇલટ બીજાને પૂછતો સાંભળવામાં આવ્યો હતો, જેમાં તે બોલે છે કે “તમે ઇંધણ સ્વીત કેમ બંધ કરી દીધી છે ?” જ્યારે બીજા પાયલોટ જવાબ આપે છે કે, “મેં એવું કર્યું નથી.”

ફ્યૂલનું આ કટઓફ, જેના કારણે વિમાનને ઇંધણ મળવાનું બંધ થઈ ગયું, તે 12 જૂને બોઇંગ ડ્રીમલાઇનર 787-8 સાથે શું થયું તે રહસ્ય ઉકેલવામાં મહત્વપૂર્ણ ભૂમિકા ભજવી શકે છે, અને તે ક્રેશ થવાનું એક મુખ્ય કારણ પણ બની શકે છે. બંને પાઇલટ્સ વચ્ચેની વાતચીત પછી, પ્રશ્ન એ છે કે ઇંધણ સ્વીચ કોણે બંધ કરી?

ફ્યુઅલ ફરી RUN કરવામાં આવ્યું

આ પછી, રિપોર્ટમાં એ પણ પ્રકાશમાં આવ્યું કે ઇંધણ બંધ થવાની મૂંઝવણ પછી, પાઇલટ્સે ફરી એકવાર તેને કટઓફથી રનમાં ફેરવ્યું. લંડન જનારા વિમાનના બંને એન્જિનની સ્વીચો કટઓફથી રનમાં ફેરવવામાં આવ્યા હતા, જે દર્શાવે છે કે પાઇલટ્સે પરિસ્થિતિને સંભાળવાનો પ્રયાસ કર્યો હતો, જેમ કે એન્હાન્સ્ડ એરબોર્ન ફ્લાઇટ રેકોર્ડર (EAFR) ના ડેટા દર્શાવે છે.

રિપોર્ટમાં કહેવામાં આવ્યું છે કે, જ્યારે વિમાન હવામાં હોય છે, ત્યારે ઇંધણ નિયંત્રણ સ્વીચ કટઓફથી રનમાં ખસેડવામાં આવે છે. જે સમયે વિમાન ઉડાન ભર્યું, ત્યારે કો-પાઇલટ વિમાન ઉડાડી રહ્યો હતો, જ્યારે કેપ્ટન દેખરેખ રાખી રહ્યો હતો.

રિપોર્ટમાં કહેવામાં આવ્યું છે કે, વિમાન લગભગ 180 નોટ્સ IAS ની ગતિએ હતું અને તે પછી તરત જ, એન્જિન 1 અને એન્જિન 2 નો ફ્યૂલ કટઓફ સ્વીચ 1 સેકન્ડની અંદર એક પછી એક RUN થી CUTOFF પર ગયો. રિપોર્ટ અનુસાર, ઇંધણ બંધ થવાને કારણે એન્જિન N1 અને N2 ની કાર્યક્ષમતામાં ઘટાડો થવા લાગ્યો.

પાયલોટે ચેતવણી જાહેર કરી

વિમાન 1:38 વાગ્યે ઉડાન ભરી. 1:39 વાગ્યે, પાયલોટે MAYDAY MAYDAY MAYDAY નું એલર્ટ જાહેર કર્યું. રિપોર્ટમાં કહેવામાં આવ્યું છે કે, ATCO (એર ટ્રાફિક કંટ્રોલર) એ કોલ સાઇન વિશે પૂછપરછ કરી. ATCO ને કોઈ જવાબ મળ્યો નહીં, પરંતુ તેણે એરપોર્ટની સીમાની બહાર વિમાન ક્રેશ થયું હતું અને ઈમરજેન્સી પ્રતિક્રિયા શરુ કરી. પણ પ્લેન કન્ટ્રોલમાં જ ના રહેતા BJ મેડિકલ કોલેજની હોસ્ટેલમાં અથડાયું અને ક્રેશ થઈ ગયું.

ગુજરાતભરના તમામ જિલ્લાના સમાચાર વાંચવા માટે અહીં ક્લિક કરો