સોનાના રોકાણકારોની નૈયા પાર, સોનું 1 લાખ પાર ગયું

દિલ્હીમાં 10 ગ્રામ સોનાના ભાવમાં તીવ્ર ઉછાળો જોવા મળ્યો છે. દિલ્હી સરાફામાં 21 એપ્રિલ 2025ના રોજ સાંજે 6.28 વાગ્યે સોનાનો ભાવ 1 લાખ રૂપિયાને પાર કરી ગયો. સવારથી સોનાના ભાવમાં વધારો જોવા મળી રહ્યો હતો પરંતુ સાંજે 10 ગ્રામ સોનાનો ભાવ 1 લાખ રૂપિયાને વટી ગયો.

સોમવારે દિલ્હીમાં સોનાના ભાવમાં 1,650 રૂપિયાનો વધારો થયો હતો. ઓલ ઈન્ડિયા સરાફા એસોસિએશનના જણાવ્યા અનુસાર, સોમવારે 99.9 ટકા શુદ્ધતાવાળા સોનાનો ભાવ પહેલા 10 ગ્રામે રૂપિયા 99,800 પર પહોંચી ગયો હતો. શુક્રવારે, તેની કિંમત 20 રૂપિયા ઘટીને 98,150 રૂપિયા પ્રતિ 10 ગ્રામ પર બંધ થઈ હતી. પરંતુ, આજે સાંજે સોનાનો ભાવ અચાનક વધી ગયો અને તે 1 લાખ રૂપિયાને પાર કરી ગયો.

સોનાના ભાવમાં સતત વધારો

આજે સ્થાનિક બજારમાં 99.5 ટકા શુદ્ધતાવાળા સોનાનો ભાવ 1600 રૂપિયા વધીને 99,300 રૂપિયા પ્રતિ 10 ગ્રામની નવી ટોચે પહોંચ્યો હતો. ગયા વર્ષે 31 ડિસેમ્બરથી સોનાના ભાવમાં પ્રતિ 10 ગ્રામ 20,850 રૂપિયા અથવા 26.41 ટકાનો વધારો થયો છે. ચાંદીના ભાવ પણ 500 રૂપિયા વધીને 98,500 રૂપિયા પ્રતિ કિલો થયા. પાછલા સત્રમાં ચાંદી 98,000 રૂપિયા પ્રતિ કિલોગ્રામ પર સ્થિર બંધ થઈ હતી.

ગયા મહિનાના છેલ્લા ટ્રેડિંગ દિવસે સોનાનો ભાવ 90,717 રૂપિયા પ્રતિ 10 ગ્રામ હતો, જે વધીને 96,875 રૂપિયાના ઉચ્ચતમ સ્તર પર પહોંચી ગયો. આનો અર્થ એ થયો કે, સોનાના ભાવમાં 6,158 રૂપિયાનો વધારો થયો છે. આ સમયગાળા દરમિયાન સોનાએ રોકાણકારોને લગભગ 7 ટકા કમાણી કરવામાં મદદ કરી છે.

ભારતના દરેક ઘરમાં સોનું અને ચાંદી અવશ્ય જોવા મળે છે લોકોનો સોના-ચાંદીને ઘરના દરેક શુભ પ્રસંગે ખરીદતા હોય છે આથી તેનો ભાવ શુ ચાલી રહ્યો છે તેની જાણકારી મેળવવા અહીં ક્લિક કરો