Poha Cutlet Recipe : નાસ્તા માટે ઝડપથી ઘરે બનાવો પૌંઆ કટલેટ, મહેમાનો પણ સ્વાદ માણીને ખુશ થઈ જશે

Poha Cutlet Recipe : પૌંઆનો ઉપયોગ ઘણી રીતે કરી શકાય છે. આ નાસ્તાની સાથે અનેક પ્રકારની વાનગીઓ બનાવી શકાય છે. તેને કટલેટ (Cutlet) બનાવવા માટે પણ વાપરી શકાય છે. આ બનાવવા માટે બટાકા, બારીક સમારેલા ગાજર અને કઠોળ વગેરેની જરૂર છે. આ રેસીપી (Recipe) સાંજના નાસ્તામાં આપી શકાય છે.

તે બનાવવા માટે એકદમ સરળ છે. આ એક સ્વાદિષ્ટ રેસીપી છે. તમે તેને તમારા મહેમાનોને પણ આપી શકો છો. જ્યારે ગરમ પીરસવામાં આવે ત્યારે આ પૌંઆ કટલેટ્સ (Poha Cutlet)નો સ્વાદ શ્રેષ્ઠ હોય છે. તમે ફુદીનાની ચટણી, નાળિયેરની ચટણી અથવા ટોમેટો કેચપ સાથે પૌંઆ કટલેટ સર્વ કરી શકો છો. ચાલો જાણીએ તેની રેસિપી.

પૌંઆ કટલેટ કેવી રીતે બનાવવી

1 કપ પૌંઆ (Poha ) લો અને તેને એક કે બે વાર ધોઈ લો. ઢાંકીને 3 થી 4 મિનિટ સુધી પાણીમાં પલાળી રાખો.પછી ચાળણીની મદદથી પૌંઆને પાણીમાંથી કાઢી લો. પૌંઆ નરમ હોવા જોઈએ પણ તેમાં પાણી ન હોવું જોઈએ. તેથી ચાળણીનો ઉપયોગ કરીને, તમામ પાણી દૂર કરો.1 મોટા બટાકાને પ્રેશર કૂકર (Pressure cooker)અથવા સ્ટીમરમાં ઉકાળો, બટાકા બાફ્યા બાદ તેને છોલી લો. તેને હાથથી સારી રીતે મેશ કરો.

પૌંઆ કટલેટ (Poha Cutlet ) મિશ્રણ બનાવવા માટે બારીક સમારેલું અથવા છીણેલું ગાજર, 4 થી 5 કઠોળ અથવા બાફેલા લીલા વટાણા, કપ બારીક સમારેલી ડુંગળી, 1 ચમચી સમારેલી કોથમીર, ચમચી આદુ-લસણની પેસ્ટ ઉમેરો.જો લીલા વટાણા વાપરી રહ્યા હોય, તો પછી બટાકાની સાથે લીલા વટાણા બાફી નાંખો. જો તમે ગાજર કાપી રહ્યા છો, તો તેને બારીક કાપી લો બાકી કટલેટને આકાર આપવો મુશ્કેલ બની જાય છે. હવે પૌંઆ ઉમેરો.

હવે ટીસ્પૂન હળદર પાવડર (Turmeric powder), ટીસ્પૂન લાલ મરચાં પાવડર, ટીસ્પૂન ગરમ મસાલા પાવડર, ટીસ્પૂન સૂકા કેરી પાવડર, 1 ટીસ્પૂન સફેદ તલ, એક ચપટી ખાંડ અને સ્વાદ પ્રમાણે મીઠું ઉમેરો. સૂકા કેરીના પાવડરને બદલે, તમે અડધી ચમચી લીંબુનો રસ ઉમેરી શકો છો.

બધી વસ્તુઓ સારી રીતે મિક્સ કરો. જો જરૂરી હોય તો વધુ મીઠું અથવા મસાલા ઉમેરો. હવે તેને નાના કટલેટ અથવા ટિક્કીનો આકાર આપો. તવાને ગરમ કરો. 3 ચમચી તેલ ઉમેરો અને તેલ ગરમ થવા દો. તવા પર પૌંઆ કટલેટ મૂકો. જ્યારે એક બાજુ હળવા સોનેરી બની જાય, તો તેને પલટી નાંખો.

સોનેરી થાય ત્યાં સુધી શેકો. ડુંગળી પણ બ્રાઉન થઈ જશે.પૌંઆ કટલેટને કિચન પેપર પર મૂકો જેથી વધારાનું તેલ નીકળી જાય. તે પછી લીલી ચટણી સાથે સર્વ કરો અને આનંદ લો.

આ પણ વાંચો : Tokyo Paralympics હરવિંદર સિંહે આર્ચરીમાં બ્રોન્ઝ મેડલ જીત્યો,ભારતને મળ્યો 13મો મેડલ