તારક મહેતા… શોના ફેન્સ માટે GOOD NEWS, અસિત મોદી બનાવશે ફિલ્મ, TMKOC યુનિવર્સની કરી જાહેરાત
Film On Tmkoc : તારક મહેતા કા ઉલ્ટા ચશ્મા શોના નિર્માતા અસિત કુમાર મોદી હવે આ શો પર ફિલ્મ બનાવશે. તેણે TMKOC યુનિવર્સની પણ જાહેરાત કરી છે.
Taarak Mehta Ka Ooltah Chashmah : જેઠાલાલ, દયા ભાભી, બબીતા જી, આજે આ નામ દરેક ઘરમાં લોકપ્રિય છે. તારક મહેતા કા ઉલ્ટા ચશ્મા વર્ષ 2008 થી સતત લોકોને હસાવતી રહી છે. જો કે આ શો હવે માત્ર ટીવી પૂરતો મર્યાદિત નથી રહ્યો. ગયા વર્ષે નિર્માતાઓ શો પર આધારિત કાર્ટૂન સિરીઝ પણ લાવ્યા હતા. તે જ સમયે તાજેતરમાં જ નિર્માતાઓએ બાળકોને તારક મહેતા શો રાઇમ્સની ભેટ પણ આપી છે.
આ પણ વાંચો : Taarak Mehta Ka Ooltah Chashmah : શોએ સાડા ત્રણ હજાર એપિસોડ પૂરા કર્યા, જૂઓ વીડિયો
આટલું જ નહીં તાજેતરમાં રન જેઠા રન નામની ગેમ પણ લોન્ચ કરવામાં આવી છે. બીજી તરફ મેકર્સ પોપટલાલના લગ્ન અને દયા ભાભી પર આધારિત એક ગેમ પણ લાવવા જઈ રહ્યા છે, જેના વિશે અસિત કુમાર મોદીએ તાજેતરમાં એક ઈન્ટરવ્યુમાં જણાવ્યું હતું.
Tmkoc યુનિવર્સ બનાવશે અસિત કુમાર મોદી
આસિત કુમાર મોદીએ ઈન્ટરવ્યુમાં જણાવ્યું કે, તેમના શોને 15 વર્ષથી લોકોનો પ્રેમ મળી રહ્યો છે. લોકો હજી પણ તેનો શો જોઈ રહ્યા છે, તેથી તેણે શો સાથે સંકળાયેલા દરેક પાત્ર સાથે સંબંધિત કંઈક કરવાનું વિચાર્યું. એટલા માટે તેણે એક એવી ગેમ બનાવી છે જેને લોકો જ્યારે ઇચ્છે ત્યારે, જ્યાં ઇચ્છે ત્યાં રમી શકે છે.
અસિત મોદીએ એમ પણ જણાવ્યું કે, તેમણે Tmkoc યુનિવર્સ બનાવવાનું પણ વિચાર્યું છે. તેમનો ઉદ્દેશ્ય એ છે કે તેમની પાસે દરેક ઉંમરના લોકો માટે કંઈક ને કંઈક છે અને દરેક ઉંમરના લોકો તેમના શો સાથે જોડાઈ શકે છે.
ફિલ્મ બનાવશે અસિત મોદી
તેને શો પર આધારિત ફિલ્મ બનાવવા વિશે પણ પૂછવામાં આવ્યું હતું કે શું તેની પાસે આવી કોઈ યોજના છે. જેના જવાબમાં તેણે હા પાડી હતી. એટલે કે આવનારા સમયમાં દર્શકોને ફિલ્મ તારક મહેતા કા ઉલ્ટા ચશ્મા પણ જોવા મળી શકે છે. આસિત મોદીએ કહ્યું હતું કે આ એક એનિમેટેડ ફિલ્મ હશે. તમને જણાવી દઈએ કે, આ શોનો પહેલો એપિસોડ 28 જુલાઈ 2008ના રોજ ટેલિકાસ્ટ કરવામાં આવ્યો હતો, ત્યારબાદ લોકોને હસાવવાની પ્રક્રિયા ચાલુ છે.
Latest News Updates
