Bday Gift :સુશાંત સિંહ રાજપૂતને અમેરિકાની ભેટ, સુપરસ્ટારના જન્મદિવસને ‘સુશાંત મૂન ડે’ તરીકે ઉજવવામાં આવશે
અભિનેતા સુશાંત સિંહ રાજપૂતને સ્પેસ સંબંધિત માહિતી મેળવવી અને તે વિષય પર વાત કરવી ગમતી હતી. દરરોજ તે સોશિયલ મીડિયા પર અવકાશની તસવીરો પોસ્ટ કરતો હતો અને તેનો પ્રેમ એવો હતો કે તેણે ચંદ્ર પર જમીન પણ લીધી હતી. આવું કરનાર તે એકમાત્ર સ્ટાર હતો.
Bday Gift : બોલિવૂડના દિવંગત અભિનેતા સુશાંત સિંહ (Sushant Singh Rajput) રાજપૂત માત્ર અભિનયમાં જ રસ નહોતા, પરંતુ વિજ્ઞાનમાં રસ ધરાવતો હતો. અભિનેતા સુશાંત સિંહ, વિજ્ઞાનની ઘણી બધી બાબતોથી વાકેફ હતો. તેને વિજ્ઞાનને લગતી માહિતી મેળવવી પણ ગમતી હતી. આવી સ્થિતિમાં, હવે તેના ચાહકો ખૂબ જ ખુશ થવાના છે કારણ કે અમેરિકન લુનર સોસાયટી (Lunar Society) એ 21 જાન્યુઆરીએ સુશાંતના જન્મદિવસને (Sushant Birthday) ‘સુશાંત મૂન ડે’ તરીકે ઉજવવાનું નક્કી કર્યું છે.
અમેરિકામાં ‘સુશાંત મૂન ડે’ ઉજવાશે
દરેક વ્યક્તિ જાણે છે કે અભિનેતા સુશાંત સિંહ રાજપૂતને અવકાશ સાથે સંબંધિત માહિતી મેળવવી અને તે વિષય પર વાત કરવાનું પસંદ હતું. દરરોજ તે સોશિયલ મીડિયા પર અવકાશની તસવીરો પોસ્ટ કરતો હતો અને તેનો પ્રેમ એવો હતો કે તેણે ચંદ્ર પર જમીન પણ લીધી હતી. આવું કરનાર તે એકમાત્ર સ્ટાર હતો. આજે, અલબત્ત, તે બધાની વચ્ચે નથી, પરંતુ આંતરરાષ્ટ્રીય સ્તરે તેનું સન્માન કરવામાં આવે છે.
અમેરિકાની લુનાર સોસાયટી ઇન્ટરનેશનલ, હવે તેનો જન્મદિવસ ‘સુશાંત મૂન’ તરીકે ઉજવવાનો નિર્ણય લેતા, સોશિયલ મીડિયા પર તેના સત્તાવાર પેજ પરથી આ માહિતી શેર કરી અને લખ્યું કે લુનાર સોસાયટી ઇન્ટરનેશનલ દ્વારા ઉજવવામાં આવી રહેલ આ ઇવેન્ટ ખૂબ જ ખાસ છે. તેને આશા છે કે ‘સુશાંત મૂન’ એક ઐતિહાસિક અને વાર્ષિક ઈવેન્ટ બની જશે,આ જન્મજયંતિ આવતા વર્ષે 21 જાન્યુઆરી, 2023 ના રોજ ઉજવવામાં આવશે. સ્વાભાવિક રીતે, સુશાંતના ચાહકો આ સમાચારથી ખૂબ જ ખુશ હશે કારણ કે સુશાંત માટે આનાથી મોટી ગિફ્ટ કંઈ હોઈ શકે નહીં.
સુશાંત સ્પેસ ફિલ્મ કરવાનો હતો
ફિલ્મ ‘ચંદા મામા દૂર કે’માં સુશાંત સિંહ રાજપૂત મુખ્ય ભૂમિકા ભજવવાનો હતો, આ ફિલ્મ સ્પેસ પર આધારિત હતી. આ પ્રોજેક્ટને કારણે તે અમેરિકા પણ ગયો હતો અને આ ફિલ્મને લઈને ખૂબ જ ઉત્સાહિત હતો.
સુશાંતના મોતથી ખળભળાટ મચી ગયો હતો
14 જૂન, 2020 ના રોજ, બોલિવૂડનો ઉભરતો સ્ટાર સુશાંત સિંહ ગળે ફાંસો ખાધો હતો. જે બાદ દેશભરમાં હોબાળો થયો હતો. તેના આ પગલાએ તેના ચાહકો અને પરિવારને હચમચાવી દીધા હતા.તેમનું મૃત્યુ આજે પણ લોકો માટે એક કોયડો છે. આ મામલામાં ઘણા લોકો ઘેરામાં આવ્યા અને ઘણી ધરપકડ કરવામાં આવી, પરંતુ હજુ સુધી તેના મોતનું કારણ શું હતું તે સ્પષ્ટ નથી થયું. આ અંગે સીબીઆઈ તપાસ હજુ ચાલુ છે.
