‘મિર્ઝાપુર ધ મૂવી’માં રવિ કિશનનું એવું પાવરફુલ રૂપ જોવા મળ્યું છે, જે દર્શકોને લાંબા સમય સુધી યાદ રહી શકે છે. બબ્બન બબુઆના પાત્રમાં રવિ કિશને એવી દમદાર એક્ટિંગ કરી છે કે ફિલ્મના મુખ્ય પાત્રો પણ તેમની સામે કેટલાક દ્રશ્યોમાં નબળા પડતા નજર આવે છે.

રવિ કિશનનો એક મીમ થોડા સમય પહેલાં સોશિયલ મીડિયા પર ખૂબ વાયરલ થયો હતો. તેમાં તેઓ પોતાની કળાનો માત્ર થોડો નમૂનો બતાવ્યો હોવાની વાત કરતા જોવા મળ્યા હતા. હવે ‘મિર્ઝાપુર ધ મૂવી’માં તેમનું પર્ફોર્મન્સ જોતા એવું લાગી રહ્યું છે કે આ વાત તેમના વર્તમાન કરિયરને એકદમ સૂટ થાય છે. એક પછી એક શાનદાર પ્રોજેક્ટ્સ સાથે રવિ કિશન ફરી એકવાર પોતાની એક્ટિંગનો દમ સાબિત કરી રહ્યા છે.

‘મિર્ઝાપુર’માં રવિ કિશનનો દબદબો

અલી ફઝલ, દિવ્યેન્દુ શર્મા અને પંકજ ત્રિપાઠી જેવા કલાકારોની હાજરી ધરાવતી ‘મિર્ઝાપુર ધ મૂવી’થિયેટરમાં રિલીઝ થઈ છે. ફિલ્મની કહાનીમાં સત્તા અને ગાદીની લડાઈ વચ્ચે એક નવા અને ખતરનાક ખેલાડી તરીકે ‘બબ્બન બબુઆ’ની એન્ટ્રી થાય છે, જેનું પાત્ર રવિ કિશને ભજવ્યું છે.ફિલ્મમાં રવિ કિશન માત્ર નામ પૂરતા વિલન નથી. તેમનું પાત્ર શરૂઆતથી જ પોતાની તાકાત અને દબદબો બતાવતું રહે છે. શરૂઆતમાં એવું લાગી શકે કે ફિલ્મમાં તેમની લોકપ્રિયતાનો ફાયદો ઉઠાવવા માટે તેમને કાસ્ટ કરવામાં આવ્યા હશે. પરંતુ જેમ જેમ કહાની આગળ વધે છે, તેમ તેમ સમજાય છે કે બબ્બન બબુઆ માટે રવિ કિશન એકદમ યોગ્ય પસંદગી કેમ છે.

દરેક સીનમાં દેખાઈ એક્ટિંગની તાકાત

રવિ કિશનની સૌથી મોટી તાકાત તેમનો લાંબો અનુભવ છે. ફિલ્મો અને ટીવીમાં લાંબા સમયથી કામ કરી રહેલા રવિ કિશનને ખબર છે કે કોઈ સીનને પોતાની એક્ટિંગથી કેવી રીતે વધુ અસરકારક બનાવવો. ‘મિર્ઝાપુર ધ મૂવી’માં તેમના ડાયલોગ ડિલિવરીથી લઈને ચહેરાના હાવભાવ સુધી બધું જ તેમના પાત્રને વધુ ખતરનાક અને અસરકારક બનાવે છે. ખાસ વાત એ છે કે તેમણે બબ્બન બબુઆને માત્ર એક સામાન્ય વિલન તરીકે રજૂ નથી કર્યો, પરંતુ પાત્રમાં પોતાનો આગવો અંદાજ ઉમેર્યો છે.

ક્લાઇમેક્સમાં રવિ કિશને લૂંટી મહેફિલ

ફિલ્મમાં રવિ કિશને પોતાના પાત્રની પકડ ક્યાંય ઢીલી પડવા દીધી નથી. શરૂઆતથી લઈને અંત સુધી તેમનો દબદબો જળવાઈ રહે છે. જોકે ફિલ્મનો ક્લાઇમેક્સ તેમના પાત્ર માટે ખાસ બની જાય છે. અંતિમ ભાગમાં રવિ કિશનનો સામનો ગુડ્ડૂ પંડિત અને મુન્ના ભૈયા જેવા લોકપ્રિય પાત્રો સાથે થાય છે. અહીં બબ્બન બબુઆના પાવરફુલ અવતારને જોઈને દર્શકો પણ ઉત્સાહિત થઈ જાય છે. તેમના એક્શન અને દમદાર સીન દરમિયાન થિયેટરમાં સીટીઓ અને તાળીઓનો અવાજ ગુંજતો જોવા મળે છે.

કોણે બનાવી છે ‘મિર્ઝાપુર ધ મૂવી’?

‘મિર્ઝાપુર ધ મૂવી’ની વાર્તા પુનીત કૃષ્ણાએ લખી છે, જેઓ લોકપ્રિય ‘મિર્ઝાપુર’ સિરીઝ સાથે પણ જોડાયેલા રહ્યા છે. ફિલ્મનું દિગ્દર્શન ગુરમીત સિંહે કર્યું છે, જ્યારે ફરહાન અખ્તર ફિલ્મના નિર્માતા છે. રવિ કિશનના બબ્બન બબુઆના પાત્રે ફિલ્મમાં એક અલગ જ ઊર્જા ઉમેરી છે અને તેમની એક્ટિંગે ફરી સાબિત કર્યું છે કે તેઓ માત્ર એક લોકપ્રિય ચહેરો જ નહીં, પરંતુ એક મજબૂત અભિનેતા પણ છે.

રાજસ્થાનના મહારાજાનો જમાઈ, દીકરીએ કરોડપતિ સાથે કર્યા લગ્ન, આવો છે મિર્ઝાપુરના બાઉજીનો પરિવાર