AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Breaking News : અમદાવાદ નિર્ણયનગર અંડરપાસ નજીક AMC પ્લોટમાં આગ, વિજય ઇન્ફ્રાના મટિરિયલનો નાશ

Breaking News : અમદાવાદ નિર્ણયનગર અંડરપાસ નજીક AMC પ્લોટમાં આગ, વિજય ઇન્ફ્રાના મટિરિયલનો નાશ

TV9 Gujarati
| Edited By: | Updated on: Nov 18, 2026 | 6:10 PM
Share

અમદાવાદના નિર્ણયનગર અંડરપાસ નજીક AMCના પ્લોટમાં વિજય ઇન્ફ્રા કંપનીના બિલ્ડિંગ મટિરિયલ અને રો-મટિરિયલમાં આગ લાગી હતી. ફાયર બ્રિગેડે તાત્કાલિક પહોંચીને 20 મિનિટમાં આગ પર કાબૂ મેળવ્યો હતો.

અમદાવાદના નિર્ણયનગર અંડરપાસ નજીક એક મહત્વપૂર્ણ ઘટના સામે આવી છે, જ્યાં AMCના પ્લોટમાં પડેલા બિલ્ડિંગ મટિરિયલ અને રો-મટિરિયલમાં અચાનક આગ ભભૂકી ઊઠી હતી. આ આગને કારણે સમગ્ર વિસ્તારમાં અફરાતફરીનો માહોલ સર્જાયો હતો.

પ્રાથમિક માહિતી અનુસાર, આ મટિરિયલ રોડ બનાવતી વિજય ઇન્ફ્રા કંપનીનું હતું, જે AMC દ્વારા ફાળવવામાં આવેલા પ્લોટમાં રાખવામાં આવ્યું હતું. આગ લાગવાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે દોડી ગઈ હતી. ફાયરની બે ટેન્કર અને એક મિની ફાઇટરનો ઉપયોગ કરીને ફાયર ફાઇટર્સે ભારે જહેમત બાદ અંદાજે 20 મિનિટમાં આગ પર સંપૂર્ણ કાબૂ મેળવી લીધો હતો.

સદનસીબે, આ આગની ઘટનામાં કોઈ પણ પ્રકારની જાનહાનિ થઈ નથી. જોકે, આગ લાગવાનું ચોક્કસ કારણ હજુ સુધી જાણી શકાયું નથી અને આ અંગે તપાસ ચાલી રહી છે. નોંધનીય છે કે, AMCના આ પ્લોટની આગળ ફટાકડાના સ્ટોલ માટે કરાયેલી ફાયર સેફ્ટીની વ્યવસ્થા પ્રાથમિક તબક્કે આગને કાબૂમાં લેવામાં ઉપયોગી સાબિત થઈ હતી, જેના કારણે મોટી દુર્ઘટના ટળી હતી. આગ કયા કારણોસર લાગી અને AMCના પ્લોટમાં મટિરિયલ રાખવાની વ્યવસ્થા અંગે પણ સવાલો ઉભા થયા છે.

અમદાવાદ પ્લેન ક્રેશ: 2-3 અઠવાડિયામાં જમા થશે ફાઇનલ ડ્રાફ્ટ રિપોર્ટ

Follow Us
g clip-path="url(#clip0_868_265)">