Jersey Release Date : આ ખાસ દિવસે રિલીઝ થશે શાહિદ કપૂરની ફિલ્મ ‘જર્સી’, દમદાર હશે તૈયારી
મહારાષ્ટ્રમાં, 22 ઓક્ટોબરથી રાજ્યભરમાં સિનેમા હોલ ખોલવાની જાહેરાત કરવામાં આવી છે, જ્યાં હવે સતત ફિલ્મોની રિલીઝ થવાની તારીખ સામે આવી રહી છે. આ કડીમાં શાહિદ કપૂરની ફિલ્મ 'જર્સી' ની રિલીઝ ડેટ પણ જાહેર કરવામાં આવી છે.
મહારાષ્ટ્રના મુખ્યમંત્રી ઉદ્ધવ ઠાકરે (Uddhav Thackeray) એ મહારાષ્ટ્રમાં 22 ઓક્ટોબર 2021 થી રાજ્યભરમાં સિનેમાઘરો ખોલવાની જાહેરાત કરી હતી. ત્યારથી સતત ફિલ્મો રજૂ કરવાની જાહેરાત કરવામાં આવી રહી છે. આ સ્થિતિમાં હવે બોલિવૂડના અભિનેતા શાહિદ કપૂરે (Shahid Kapoor) પણ પોતાની આગામી ફિલ્મની રિલીઝ તારીખ જાહેર કરી છે. તમને જણાવી દઈએ કે, શાહિદ કપૂરે થોડા સમય પહેલા જ તેમની ફિલ્મ ‘જર્સી’ (Jersey Release Date) ની રિલીઝ ડેટ જાહેર કરી દીધી છે.
સોશિયલ મીડિયા પર પોતાની એક તસ્વીર શેર કરતા અભિનેતાએ કહ્યું કે તેમની ફિલ્મ ‘જર્સી’ (Jersey) 31 ડિસેમ્બર 2021 ના રોજ થિયેટરોમાં રિલીઝ થશે. આ ફિલ્મનું દમદાર પોસ્ટર શેર કરતા અભિનેતાએ લખ્યું કે ‘જર્સી’ (Jersey) 31 ડિસેમ્બર, 2021 ના રોજ સિનેમાઘરોમાં રિલીઝ થશે.’
શાહિદ કપૂરના ચાહકો અભિનેતાની આ પોસ્ટ પર કમેન્ટ કરી રહ્યા છે અને તેમને અભિનંદન આપી રહ્યા છે. જ્યાં ઘણા ચાહકો પણ તેમની ફિલ્મ જોવા માટે ખૂબ ઉત્સાહિત છે. તમને જણાવી દઈએ કે, આ ફિલ્મમાં અભિનેતા ક્રિકેટરના રોલમાં જોવા મળશે. શાહિદ કપૂરની ફિલ્મ ‘જર્સી’ એ જ નામની બની એક તેલુગુ ફિલ્મની હિન્દી રિમેક છે. આ ફિલ્મમાં આપણને અભિનેતા પંકજ ત્રિપાઠી (Pankaj Tripathi) અને મૃણાલ ઠાકુર (Mrunal Thakur) સાથે મુખ્ય ભૂમિકામાં જોવા મળશે.
મૃણાલ ઠાકુરની ચમકી કિસ્મત
મૃણાલ ઠાકુરે હૃતિક રોશનની ફિલ્મ સુપર 30 થી બોલિવૂડમાં મજબૂત શરૂઆત કરી હતી. ત્યારબાદ અભિનેત્રી તાજેતરમાં ફરહાન અખ્તરની ફિલ્મ ‘તુફાન’માં જોવા મળી હતી. જે બાદ તેમની આ મોટી ફિલ્મ રિલીઝ થવા જઈ રહી છે. અભિનેત્રીએ ખૂબ જ ઓછા સમયમાં બોલિવૂડના ઘણા દમદાર સ્ટાર્સ સાથે કામ કર્યું છે. તમને જણાવી દઈએ કે, અભિનેત્રીએ ટીવી સિરિયલથી અભિનયની શરૂઆત કરી હતી. તે આપણને કાર્તિક આર્યનની ફિલ્મ ધમાકામાં પણ જોવા મળશે. અભિનેત્રી આજકાલ પોતાની 3 બોલિવૂડ ફિલ્મોનું શૂટિંગ કરી રહી છે.
થિયેટર બંધ થવાને કારણે થયો રિલીઝમાં વિલંબ
આપને જણાવી દઈએ કે, એક લાઈવ સેશન દરમિયાન શાહિદ કપૂરે તેમના ચાહકોને કહ્યું હતું કે જો બધુ ઠીક થઈ જશે તો દિવાળીના અવસર પર તેમની ફિલ્મ ‘જર્સી’ થિયેટરોમાં રિલીઝ થશે, પરંતુ થિયેટરો ખોલવાની તારીખ સતત બદલાઈ રહી હતી. આ ફિલ્મને OTT પર રિલીઝ કરવા માટે અટકળો લગાવવામાં આવી રહી હતી, પરંતુ હવે નક્કી કરવામાં આવ્યું છે કે આ ફિલ્મ થિયેટરોમાં રિલીઝ થશે.
આ પણ વાંચો :- 83 Release Date : ક્રિસમસ પર ધમાલ મચાવશે રણવીર સિંહની ફિલ્મ, ચાહકોની રાહ થશે પૂરી
આ પણ વાંચો :- Laal Singh Chaddha Release Date : આમિર ખાનના ચાહકોએ જોવી પડશે થોડી વધુ રાહ, ક્રિસમસ પર નહીં આ દિવસે રિલીઝ થશે ફિલ્મ