‘પાપા કી પરી ઉડ કે ચલી જાઓ’, સોનમ કપૂર આ કારણને લઈને થઈ ટ્રોલ, જાણો શું છે મામલો
બોલિવુડ એક્ટ્રેસ સોનમ કપૂર (Sonam Kapoor) ફિલ્મી પડદાથી ભલે દુર હોય, પણ તે સોશિયલ મીડિયા પર સતત એક્ટિવ રહે છે. તેની વચ્ચે એક્ટ્રેસનું એક ટ્વીટ ઘણું વાયરલ થઈ રહ્યું છે.
બોલીવુડ અભિનેત્રી સોનમ કપૂર લગ્ન બાદથી જ ફિલ્મી પડદાથી અંતર બનાવી રહી છે. સોનમ સોશિયલ મીડિયા પર ઘણી એક્ટિવ રહે છે. જ્યારથી સોનમ માતા બની છે ત્યારથી ફેન્સ તેના બાળકની તસવીરોની રાહ જોઈ રહ્યા છે. જોકે સોનમ ઘણીવાર ફેશન ઈવેન્ટ્સમાં જોવા મળે છે અને અભિનેત્રીની ફેશન સેન્સ પહેલેથી જ ઘણી ફેમસ છે. અનિલ કપૂરની દીકરીને પણ ફેશન આઇકોન માનવામાં આવે છે. હાલમાં માતા બન્યા બાદ સોનમ પોતાની પર્સનલ લાઈફને ખૂબ એન્જોય કરી રહી છે. આ દરમિયાન તેણે એક ટ્વિટ કર્યું છે.
આ પણ વાંચો : સોનમ કપૂર ચપ્પલ પહેરવા માટે પણ રાખે છે નોકર! તસવીર સામે આવતા લોકોએ કરી ટ્રોલ
સોનમ હાલ મુંબઈમાં છે. આવી સ્થિતિમાં જ્યારે તે મુંબઈ ફરવા માટે નીકળી ત્યારે ત્યાંનો ટ્રાફિક જોઈને તે ખૂબ જ પરેશાન થઈ ગઈ હતી. આ ટ્રાફિકે સોનમને એટલી પરેશાન કરી કે, તેણે ટ્વિટર પર પોતાનો ગુસ્સો વ્યક્ત કર્યો, પરંતુ સોશિયલ મીડિયા યુઝર્સને તેની ટ્વીટ બિલકુલ પસંદ આવી નથી.
It’s torturous to drive through mumbai. It’s taken me an hour to reach bandstand from Juhu. Too much construction and digging everywhere. Pollution is through the roof. What’s going on.
— Sonam K Ahuja (@sonamakapoor) January 14, 2023
જેના કારણે તેણે અભિનેત્રીને જોરદાર ટ્રોલ કરી હતી. સોનમના ટ્વીટ વિશે વાત કરતાં તેણે લખ્યું, મુંબઈમાં પ્રવાસ કરવો એ ત્રાસ છે. જુહુથી બેન્ડસ્ટેન્ડ પહોંચતા મને એક કલાક લાગ્યો. દરેક જગ્યાએ બાંધકામ અને ખોદકામનું કામ ચાલી રહ્યું છે. પ્રદુષણ પણ ઘણું વધી ગયું છે. આખરે શું ચાલી રહ્યું છે?
Dekho Delhi wale Log Mumbai main Pollution ki baat kar rahe hai.
— BHUSHAN T. 🏳️🌈🇮🇳 (@IamBhushanT) January 14, 2023
સોનમ કપૂરનું ટ્વીટ સામે આવ્યા બાદ યુઝર્સે તેના પર નિશાન સાધવાનું શરૂ કરી દીધું હતું. એક યુઝરે લખ્યું, ‘જુઓ, દિલ્હીના લોકો મુંબઈમાં પ્રદૂષણ વિશે વાત કરી રહ્યા છે.’ અન્ય યુઝરે લખ્યું, “હા, બાંધકામ વગેરે બંધ કરો, જેથી મેડમને મુશ્કેલી ન પડે.” અન્ય એક યુઝરે લખ્યું, “જ્યારે તમારું ઘર બનાવવામાં આવ્યું હતું, ત્યારે ત્યાં પ્રદૂષણ થયું હશે અને તમારી કાર પણ પ્રદૂષણ મુક્ત નથી.” એક યુઝરે લખ્યું, “પાપા કી પરી ઉડ કે ચલી જાઓ.”
When your house was made years ago, it also caused pollution. Neither is your car 100% pollution free.
— Zaffar 🇮🇳 (@Zaffar_Nama) January 14, 2023
જો કે સોનમની વાત પર ઘણા સોશિયલ મીડિયા યુઝર્સે પણ સપોર્ટ કર્યો હતો. તેમણે એમ પણ કહ્યું કે, તે લોકોને પણ ટ્રાફિકના કારણે ઘણી મુશ્કેલીનો સામનો કરવો પડે છે. તમને જણાવી દઈએ કે સોનમ કપૂર ગયા વર્ષે ઓગસ્ટમાં માતા બની હતી. તેણે એક પુત્રને જન્મ આપ્યો, જેનું નામ વાયુ રાખ્યું છે. અભિનેત્રી જે દિવસે પોતાનો નવો લુક શેર કરે છે તે દિવસે તે ચર્ચામાં રહે છે.