Jawan Box Office Collection Day 14 : શાહરૂખ ખાનની ‘જવાન’એ જીતી લડાઈ 14 દિવસમાં 500 કરોડની કમાણી, ‘ગદર 2’નો આ રેકોર્ડ તોડ્યો
શાહરૂખ ખાનની જવાનને રિલીઝ થયાને 14 દિવસ થઈ ગયા છે. ત્રીજા સપ્તાહમાં જવાનની કમાણીમાં થોડો ઘટાડો જોવા મળ્યો છે, પરંતુ જવાને બોક્સ ઓફિસ (Jawan Box Office Collection)ની લડાઈ જીતી લીધી છે. જવાને સૌથી ઝડપી રૂ. 500 કરોડનો આંકડો પાર કરીને સની દેઓલની ગદર 2 નો રેકોર્ડ તોડ્યો છે.
શાહરૂખ ખાનની ફિલ્મ ‘જવાન‘ કમાણીના મામલે સૌથી આગળ છે. પઠાણ, ગદર 2 અને કેજીએફ 2 જેવી ફિલ્મોને પાછળ છોડીને જવાન ભારતમાં રૂ. 500 કરોડની કમાણીનો આંકડો પાર કરનારી સૌથી ઝડપી ફિલ્મ બની છે. જવાનને પૈસા કમાવવા માટે 15 દિવસનો લાંબો સમય મળ્યો, જેનો ફાયદો ફિલ્મ મેકર્સને થયો. હવે ત્રીજા અઠવાડિયે જવાનની કમાણી થોડી ધીમી પડી છે, પરંતુ વીકએન્ડ પર જવાન ગદર 2 અને અન્ય ફિલ્મોની અત્યાર સુધીની કમાણીથી આગળ નીકળી જશે.
ત્રીજા સપ્તાહમાં શાહરૂખ ખાનની જવાન કમાણીના મામલામાં થોડી ધીમી પડી ગઈ છે. પરંતુ જવાનનું કલેક્શન ફરી એકવાર સપ્તાહના અંતે વધશે. આ અઠવાડિયે કોઈ મોટી ફિલ્મ રિલીઝ થઈ રહી નથી, જેનો ફાયદો જવાનને મળ્યો. જવાનના 14મા દિવસના કલેક્શનની વાત કરીએ તો ફિલ્મે 10 કરોડ રૂપિયાની કમાણી કરી છે. આ સાથે જ 14 દિવસમાં જવાનની કુલ કમાણી 518.28 કરોડ રૂપિયા પર પહોંચી ગઈ છે.
‘જવાન’ ધમાલ મચાવી
જવાને માત્ર દેશમાં જ નહીં વિદેશની ધરતી પર પણ ધમાલ મચાવી રહી છે. શાહરૂખ ખાનને ચાહકો તરફથી ઘણો પ્રેમ મળી રહ્યો છે. જવાને વિદેશમાં 295 કરોડ રૂપિયાથી વધુની કમાણી કરી છે. જવાનનું વિશ્વભરમાં કલેક્શન 906.5 કરોડને પાર કરી ગયું છે. એવું માનવામાં આવે છે કે જવાન આ સપ્તાહના અંતે વિશ્વભરમાં 1000 કરોડ રૂપિયાની કમાણી કરશે.
500 કરોડની કમાણી કરતી ફિલ્મો
શાહરૂખ ખાનની ફિલ્મ જવાન સૌથી ઝડપી 500 કરોડના ક્લબમાં પ્રવેશી છે. આ પહેલા આ રેકોર્ડ સની દેઓલની ગદર 2ના નામે હતો. ગદર 2 એ 28 દિવસમાં 500 કરોડ રૂપિયાનું કલેક્શન કર્યું હતું. શાહરૂખ ખાનની ફિલ્મ પઠાણે 28 દિવસમાં 500 કરોડની કમાણીનો આંકડો પાર કરી લીધો હતો. પ્રભાસની ફિલ્મ બાહુબલી 2 ને હિન્દીમાં 500 કરોડની કમાણી કરવામાં 34 દિવસ લાગ્યા હતા. હવે શાહરૂખ ખાનની જવાન ગતિમાં આગળ વધી રહી છે
