આવી ગયુ ‘સામ બહાદુર’નું પાવરફુલ ટ્રેલર, છવાઈ ગયો વિકી કૌશલ

ઉરી ફિલ્મમાં વિકી કૌશલની દેશભક્તિની નોંધ પાકિસ્તાનીઓએ પણ લીધી હતી. એજ વિકી કૌશલ ફરી એક વાર પાકિસ્તાનીઓને જૂના દર્દ યાદ અપાવવા માટે નવી ફિલ્મ સાથે આવ્યો છે. તેણે આ ફિલ્મનો ફર્સ્ટ લૂક ઘણા સમય પહેલા શેયર કર્યો હતો.

આ પછી થોડા સમય પહેલા આવેલા આ ફિલ્મના ટીઝરને પણ ચાહકો તરફથી લીલી ઝંડી મળી ગઈ છે. હવે ફિલ્મનું દમદાર ટ્રેલર પણ શેયર કરવામાં આવ્યું છે. ફિલ્મમાં વિકી કૌશલ દેશના પહેલા ફિલ્ડ માર્શલ અને કઠિન વ્યક્તિત્વ સામ બહાદુરની ભૂમિકામાં જોવા મળશે.

ટ્રેલર બહાર આવ્યાને થોડી જ મિનિટો થઈ હશે, પરંતુ દેશભક્તિમાં ડૂબેલા વિકી કૌશલના અભિનયએ આ થોડી મિનિટોમાં બધાને પ્રભાવિત કર્યા છે. વિકી કૌશલ ટ્રેલરમાં દમદાર ડાયલોગ્સ બોલતા જોવા મળે છે. વિકી કૌશલ ઉપરાંત સાન્યા મલ્હોત્રા અને ફાતિમા સના શેખ પણ તેમાં જોવા મળશે.

આ બંનેએ આમિર ખાનની દંગલમાં ધૂમ મચાવી છે. હવે આ જોડી વિકી કૌશલની ફિલ્મમાં જોવા મળશે. આ સિવાય ફિલ્મમાં સાકિબ અયૂબ, મોહમ્મદ જીશાન અયૂબ, નીરજ કબી અને એડવર્ડ સોનેનબ્લિક જેવા સ્ટાર્સ જોવા મળશે. આ ફિલ્મનું નિર્દેશન મેઘના ગુલઝારે કર્યું છે અને આ ફિલ્મ 1 ડિસેમ્બર, 2023ના રોજ સિનેમાઘરોમાં રિલીઝ થશે.

આ રહ્યુ સામ બહાદુરનું દમદાર ટ્રેલર

ફિલ્મની કાસ્ટ

• સામ માણેકશો – વિકી કૌશલ
• સામની પત્ની સિલ્લુ માણેકશા – સાન્યા મલ્હોત્રા
• ઈન્દિરા ગાંધીની ભૂમિકામાં ફાતિમા સના શેખ
• જવાહરલાલ નેહરુ તરીકે નીરજ કબી
• લોર્ડ માઉન્ટબેટન તરીકે એડવર્ડ સોનેનબ્લીક
• ગોવિંદ નામદેવ સરદાર વલ્લભભાઈ પટેલ તરીકે
• યાહ્યા ખાન તરીકે મોહમ્મદ ઝીશાન અયુબ
• બોબી અરોરા મેજર ઓ.એસ. કલકટ તરીકે
• હોર્મસજી માણેકશા તરીકે રાજીવ કાચરૂ
• એડ રોબિન્સન લેફ્ટનન્ટ ડી.એ.ડી. Eykyn
• હેનરી કિસિંજર તરીકે જેફરી ગોલ્ડબર્ગ
• સુબેદાર ગુરબક્ષ સિંહ તરીકે કૃષ્ણકાંત સિંહ બુંદેલા
• આર્મી જનરલ તરીકે કીતા અરાઈ
• આસામ રાઈફલ્સ મેજર તરીકે મોનુજ બોરકોટોકી
• મેજર જનરલ ડેવિડ કોવાન તરીકે પોલ ઓ’નીલ
• પાકિસ્તાનના જનરલ અબ્દુલ હમીદ ખાન તરીકે રવિ શર્મા
• એમ્બેસેડર કેનેથ કીટીંગ તરીકે રિચાર્ડ ભક્તિ ક્લેઈન
• લેફ્ટનન્ટ કર્નલ ડોની એડવર્ડ્સ તરીકે રિચાર્ડ મેડિસન
• સેમી જોનાસ હેની કેપ્ટન મેકલેરેન તરીકે
• કેપ્ટન અત્તિકુર રહેમાન તરીકે સાકિબ અયુબ
• ટિક્કા ખાન તરીકે ઉપેન ચૌહાણ

વિકી કૌશલે પોતાના ઈન્સ્ટાગ્રામ હેન્ડલ પર ટ્રેલર શેયર કરતી વખતે લખ્યું કે, ‘જીવન તેમનું છે, ઈતિહાસ આપણો છે.’ ટ્રેલરની શરૂઆત સામ બહાદુર ઉર્ફે વિકી કૌશલ તેના સૈનિકો માટે પ્રેરક સંદેશ શેયર કરીને થાય છે. ટ્રેલર બતાવે છે કે કેવી રીતે સામ બહાદુરે 1971ના ભારત-પાકિસ્તાન યુદ્ધમાં ભારતને વિજય હાંસલ કરવામાં મદદ કરી હતી. વિકીની સાથે, ટ્રેલરમાં ફાતિમા સના શેખને ભૂતપૂર્વ ભારતીય વડા પ્રધાન ઈન્દિરા ગાંધી અને સાન્યા મલ્હોત્રાને સેમની પત્ની તરીકે પણ બતાવવામાં આવી છે. બંને પોતપોતાના પાત્રોને પડદા પર દર્શાવવા માટે શ્રેષ્ઠ પ્રયાસ કરતા જોવા મળે છે.

કોણ હતા સામ બહાદુર ?

ફિલ્ડ માર્શલ સામ હોરમુસજી ફ્રેમજી જમશેદજી માણેકશા, જેને સામ બહાદુર તરીકે પણ ઓળખવામાં આવે છે, તેઓ 1971ના ભારત-પાકિસ્તાન યુદ્ધ દરમિયાન ભારતીય સેનાના ચીફ ઓફ ધ આર્મી સ્ટાફ હતા, અને ફિલ્ડ માર્શલના હોદ્દા પર બઢતી મેળવનાર પ્રથમ ભારતીય સેના અધિકારી હતા. તેમનો જન્મ 3 એપ્રિલ, 1914માં અમૃતસરમાં થયો હતો.જ્યારે 27 જૂન, 2008ના રોજ તેમનું મૃત્યુ થયુ હતુ.

આ પણ વાંચો: ‘ટાઈગર 3’ માટે ખતરનાક ટ્રેનિંગ સેશનમાંથી પસાર થઈ હતી કેટરિના કૈફ, જુઓ વીડિયો

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો