RRR : રાજામૌલીએ ઓસ્કારમાં હાજરી આપવા માટે ચૂકવી મોટી કિંમત, ખરીદી આટલા રૂપિયાની ટિકિટ
RRR : એસએસ રાજામૌલી, રામા રાજામૌલી, કાર્તિકેય અને તેમની પત્ની, એનટીઆર, રામ ચરણ અને ઉપસાના ઓસ્કારમાં હાજર રહ્યા હતા.
એસએસ રાજામૌલીની મેગ્નમ ઓપસ RRR એ ઘણા રેકોર્ડ તોડ્યા અને ફિલ્મ તેની રિલીઝ પછીથી દરેક વખતે સફળ રહી છે. ફિલ્મના નાટુ-નાટુ ને 95મા એકેડેમી એવોર્ડ્સમાં બેસ્ટ ઓરિજિનલ ગીતનો એવોર્ડ મળ્યો અને RRRની આખી ટીમ ઉત્સાહિત છે. દિગ્દર્શકથી લઈને મુખ્ય કલાકારો સુધી, ટીમના ઘણા સભ્યો લોસ એન્જલસમાં યોજાયેલા કાર્યક્રમમાં હાજર રહ્યા હતા પરંતુ અહેવાલ છે કે એકેડેમીના ક્રૂએ સમારંભ હોલમાં બેસીને ઇવેન્ટને લાઈવ જોવા માટે રાજામૌલી અને કંપનીને મફત પાસ આપ્યા નથી.
આ પણ વાંચો : Naatu Naatu ગીત એસએસ રાજામૌલીના RRR માં કેવી રીતે સ્થાન પામ્યું? Full Detail
ઇવેન્ટને લાઇવ જોવા માટે ટિકિટ માટે ચૂકવ્યા રૂપિયા
હા, તમે તે સાચું સાંભળ્યું. ઘણા અહેવાલો અનુસાર માત્ર ચંદ્રબોઝ અને તેમના પરિવારના સભ્ય, કીરવાણી અને તેમની પત્નીને મફત પાસ આપવામાં આવ્યા હતા. નિયમ મુજબ માત્ર પુરસ્કાર મેળવનારા અને તેના પરિવારના એક સભ્યને મફત પાસ આપવામાં આવે છે. જ્યારે અન્ય લોકોએ ઇવેન્ટને લાઇવ જોવા માટે ટિકિટ માટે ચૂકવણી કરવી પડે છે.
છેલ્લી લાઈન કરી પસંદ
ઇવેન્ટ જોવા માટે ડિરેક્ટર એસએસ રાજામૌલીએ પોતાના માટે અને અન્ય મહત્વપૂર્ણ ટીમના સભ્યો માટે 25,000 USD ના ખર્ચે પાસ ખરીદ્યા. RRR ડિરેક્ટરે ટિકિટની કિંમતને ધ્યાનમાં રાખીને હોલની છેલ્લી લાઈન પસંદ કરી છે.
આટલા લોકો રહ્યા હતા હાજર
એસએસ રાજામૌલી, રામા રાજામૌલી, કાર્તિકેય અને તેમની પત્ની, જુનિયર એનટીઆર, રામ ચરણ અને ઉપાસના હોલમાં હાજર હતા. એમએમ કીરાવાણી દ્વારા રચાયેલું નાટુ નાટુ એ પ્રથમ ભારતીય ભાષાનું ગીત છે. જેણે બેસ્ટ ઓરિઝિનલ ગીત માટે ઓસ્કાર જીત્યો હતો.
ઓસ્કારમાં પ્રેઝન્ટરની જવાબદારી દીપિકા પાદુકોણને સોંપી હતી
દીપિકા પાદુકોણને 95માં ઓસ્કારમાં પ્રેઝન્ટરની જવાબદારી સોંપવામાં આવી હતી. દીપિકાએ તેના ઈન્સ્ટાગ્રામ પર પોસ્ટ શેર કરીને જણાવ્યું કે તેને અમેરિકન એક્ટ્રેસ એરિયાના ડેબોસ સાથે ઓસ્કાર હોસ્ટ કરવાની જવાબદારી સોંપવામાં આવી હતી. આ લિસ્ટમાં દીપિકા સિવાય અન્ય હોલિવૂડ પ્રેઝન્ટર્સ પણ હતા.
ઓસ્કાર પ્રેઝન્ટરની યાદીમાં રિઝ અહેમદ, માઈકલ બી. જોર્ડન, ટ્રોય કોત્સુર, જોનાથન મેજર્સ, મેલિસા મેક્કાર્થી, જેનેલ મોનાએ, ક્વેસ્ટલવ, એમિલી બ્લન્ટ, ગ્લેન ક્લોઝ, જેનિફર કોનેલી, એરિયાના ડીબોઝ, સેમ્યુઅલ એલ. જેક્સન, ડ્વેન જોન્સન, ડોની યેન અને જો સલદાનાનો પણ સમાવેશ થાય છે.
