Pooja Hegde: પૂજા હેગડેને બાળપણથી જ બોલિવૂડના આ અભિનેતા પર હતો ક્રશ, અભિનેત્રીએ સંભળાવી એક તરફી પ્રેમની કહાની
અભિનેત્રી પૂજા હેગડેએ (Pooja Hegde) કહ્યું કે તેને બાળપણથી જ હૃતિક રોશન પર જબરદસ્ત ક્રશ હતો. અભિનેતાના કારણે તેણે ફિલ્મ કોઈ મિલ ગયાના પ્રીમિયરમાં પણ હાજરી આપી હતી, પરંતુ પૂજાને તેને મળવાનો મોકો મળ્યો નહોતો.
અભિનેત્રી પૂજા હેગડે (Pooja Hegde) સાઉથ ઈન્ડસ્ટ્રીનો જાણીતો ચહેરો છે. તેણે સાઉથની ફિલ્મોથી ફિલ્મી દુનિયામાં પગ મૂક્યો હતો. વર્ષ 2012માં સાઉથ ઈન્ડસ્ટ્રીમાં પોતાની ફિલ્મી કરિયર શરૂ કર્યા બાદ પૂજાએ 2016માં બોલિવૂડમાં ડેબ્યૂ કર્યું હતું. તેણે બોલીવુડમાં તેની ડેબ્યુ ફિલ્મ અભિનેતા હૃતિક રોશન (Hrithik Roshan) સાથે કરી હતી. આ દિવસોમાં પૂજા હેગડે ઘણી ચર્ચામાં છે. હાલમાં જ પૂજાએ ખુલાસો કર્યો છે કે હૃતિક તેનો બાળપણનો ક્રશ છે. પૂજા કહે છે કે તે તેની ડેબ્યૂ ફિલ્મના કો-સ્ટાર હૃતિક રોશનને તેનો જબરદસ્ત ચાઇલ્ડ હૂડ ક્રશ માને છે.
જોકે, હૃતિક સાથેની તેની પ્રથમ ફિલ્મ મોહેંજો દરો બોક્સ ઓફિસ પર ફ્લોપ સાબિત થઈ હતી. પરંતુ, ફિલ્મમાં પૂજા અને હૃતિક રોશનના અભિનયે દર્શકોના દિલ જીતી લીધા હતા. આ સાથે ફિલ્મમાં એઆર રહેમાનના સંગીતના પણ ખૂબ વખાણ થયા હતા.
પૂજાએ તાજેતરમાં જ તેના દિલનું રહસ્ય જાહેર કર્યું હતું કે તે હૃતિકને એટલી હદે પસંદ કરે છે કે તેણે અભિનેતાની ફિલ્મ કોઈ મિલ ગયાના પ્રીમિયરમાં પણ હાજરી આપી હતી. વધુમાં, પૂજાએ કહ્યું કે તે કોઈ મિલ ગયા ફિલ્મના પ્રીમિયરથી ખૂબ જ દુઃખી થઈને પરત ફરી હતી. તેણે આ પાછળનું કારણ અભિનેતા હૃતિક રોશનને જણાવ્યું. તેણે કહ્યું કે બાળપણમાં જો મને કોઈ પર ક્રશ હતો તો તે હૃતિક રોશન પર હતો.
પૂજાએ પોતાની વાત બધાને કહી
અભિનેત્રીએ કહ્યું કે હૃતિક રોશનને મળ્યા પછી મને લાગ્યું કે હે ભગવાન, સપના ખરેખર સાચા હોય છે. અભિનેત્રીએ પોતાની વાત આગળ જણાવતા કહ્યું કે, હું કોઈ મિલ ગયાના પ્રીમિયરમાં ગઈ હતી. જ્યાં મેં મારો કેમેરો લીધો હતો અને તેમાં રીલ મૂકી હતી. તે સમયે મેં વિચાર્યું હતું કે હું આજે હૃતિક રોશન સાથે ફોટો પડાવીશ. જ્યારે તે આવ્યો અને તમામ સેલિબ્રિટીઝની જેમ, તે 10 મિનિટ માટે આવ્યો, બધાને હેલો કહ્યું અને ત્યાંથી ચાલ્યો ગયો.
પૂજા તેના ક્રશ સાથે ફોટો ન પાડી શકવાથી થઈ હતી દુખી
પોતાની ઉદાસીનું કારણ આપતા પૂજાએ કહ્યું કે હું તેની સાથે ફોટો નથી પાડી શકી. અભિનેત્રીને માત્ર હૃતિક રોશનના પોસ્ટર સાથે ફોટો ક્લિક કરવાનો મોકો મળ્યો હતો. આગળ પૂજાએ કહ્યું કે હું મારા બાળપણમાં પાછા જવા માંગુ છું અને તે છોકરીને કહેવા માંગુ છું કે એક દિવસ તને હૃતિક સાથે આખી ફિલ્મ કરવા મળશે. વાર્તા હજી પૂરી નથી થઈ.
પૂજા આગામી ફિલ્મમાં આ કલાકારો સાથે શેર કરશે સ્ક્રીન
વર્કફ્રન્ટની વાત કરીએ તો તાજેતરમાં રિલીઝ થયેલી ફિલ્મ આચાર્યમાં પૂજાએ મુખ્ય ભૂમિકા ભજવી હતી. આ ફિલ્મમાં ચિરંજીવી, રામ ચરણ અને સોનુ સૂદ પણ જોવા મળ્યા હતા. આ સિવાય પૂજાની આગામી ફિલ્મ રોહિત શેટ્ટીની સર્કસ છે. આ ફિલ્મમાં અભિનેત્રી રણવીર સિંહ અને જેકલીન ફર્નાન્ડીઝ સાથે સ્ક્રીન શેર કરશે.
આ પણ વાંચો: Met Gala 2022 : મેટ ગાલા ક્યારે યોજાશે? અહીં વાંચો થીમથી લઈને ગેસ્ટ લિસ્ટ સુધીની તમામ માહિતી
