Met Gala 2022 : મેટ ગાલા ક્યારે યોજાશે? અહીં વાંચો થીમથી લઈને ગેસ્ટ લિસ્ટ સુધીની તમામ માહિતી
આ ઈવેન્ટમાં દુનિયાના તમામ સ્ટાર્સ અલગ-અલગ આઉટફિટમાં અલગ-અલગ અવતારમાં જોવા મળશે. આ પહેલા આ ઈવેન્ટમાં દીપિકા પાદુકોણ (Deepika Padukone) અને પ્રિયંકા ચોપરા (Priyanka Chopra) પોતાના અનોખા લુક અને ડ્રેસના કારણે દરેક જગ્યાએ છવાઈ હતી.
‘ફેશન બિગેસ્ટ નાઈટ’ એટલે કે મેટ ગાલા 2022 શરૂ (Met Gala 2022) થવા જઈ રહી છે. ફરી એકવાર ફિલ્મ અને ફેશન ઈન્ડસ્ટ્રીઝના મોટા સ્ટાર્સ આજે સાંજે દુનિયાના ખૂણે-ખૂણેથી એકસાથે હશે. દર વખતની જેમ આ વખતે પણ એક ખાસ વાત હશે કે દરેકને એ જાણવામાં રસ હશે કે કયો સ્ટાર (World Star Will Be In Met Gala 2022) શું પહેરશે? આ વખતે મેટ ગાલા મે મહિનામાં યોજાવા જઈ રહ્યો છે. 2 મેના રોજ આ પ્રસંગની સુંદર સાંજ શણગારવામાં આવશે. આ ગાલા ઇવેન્ટ ન્યૂયોર્કના મેટ્રોપોલિટન મ્યુઝિયમમાં રાખવામાં આવી છે. મેટ ગાલા 2022 સાંજે 6 વાગ્યે શરૂ થશે. જો તમે આ શોને માણવા માંગતા હોવ તો તમને જણાવી દઈએ કે ભારતમાં આ ઈવેન્ટનું કવરેજ 3 મે, મંગળવારના રોજ જોઈ શકાશે.
જુઓ ઈવેન્ટની તૈયારી..
View this post on Instagram
ક્યાં જોઈ શકો છો ઇવેન્ટ?
આ ઈવેન્ટમાં દુનિયાના તમામ સ્ટાર્સ અલગ-અલગ આઉટફિટમાં અલગ-અલગ અવતારમાં જોવા મળશે. તમને જણાવી દઈએ કે, આ પહેલા આ ઈવેન્ટમાં દીપિકા પાદુકોણ અને પ્રિયંકા ચોપરા પોતાના અનોખા લુક અને ડ્રેસના કારણે દરેક જગ્યાએ છવાઈ ગઈ હતી. આ વખતે પણ ચાહકો એ જાણવા ઉત્સુક છે કે ભારતીય સિનેમા જગતમાંથી જે સ્ટાર્સ મેટ ગાલામાં પહોંચશે તેઓ આ વખતે શું પહેરશે! આ જાણવા માટે, તમારે ઇવેન્ટનું કવરેજ જોવું પડશે. આવી સ્થિતિમાં વોગની વેબસાઇટ દ્વારા તેનો આનંદ માણી શકાય છે. દેશમાં તેનું સ્ટ્રીમિંગ 3 માર્ચ મંગળવારના રોજ સવારે 3.30 વાગ્યે શરૂ થશે.
અહીં અત્યાર સુધી યોજાયેલી મેટ ગાલા ઇવેન્ટ્સની એક ઝલક
View this post on Instagram
મેટ ગાલા 2022ની થીમ શું છે અને ઇવેન્ટમાં કોણ હાજરી આપશે?
આ વર્ષની થીમ ‘ઈન અમેરિકા – એન એન્થોલોજી ઓફ ફેશન’ છે. આવી સ્થિતિમાં ડ્રેસ કોડ રાખવામાં આવ્યો છે – ગિલ્ડ ગ્લેમર. આ સિવાય ગાલા નાઈટમાં કોણ કોણ હાજરી આપશે, આ ઈવેન્ટમાં કોને આમંત્રણ આપવામાં આવ્યું છે તે અંગે પણ ભારે ચર્ચા ચાલી રહી છે. જો કે આ ઈવેન્ટ શરૂ થાય ત્યાં સુધી એ વાતનો ખુલાસો કરવામાં આવ્યો નથી કે આ વખતે કયા સેલેબ ઈવેન્ટમાં જોવા મળશે.
અફવાઓ એવી છે કે જેનિફર લોપેઝ-બેન એફ્લેક, સિડની સ્વીની, મેગન ધ સ્ટેલિયન અને બેલા હદીદ આ કાર્યક્રમમાં શોનો ભાગ હશે. તો એવા પણ સમાચાર છે કે આ ઈવેન્ટમાં ભારતમાંથી બોલિવૂડની જાણીતી અભિનેત્રી દીપિકા પાદુકોણ ફરીથી મેટ ગાલાના રેડ કાર્પેટ પર પોતાની સ્ટાઈલ ફેલાવશે.
